ࡎࡉࡃࡓࡀ ࡖ ࡄࡉࡉࡀ



apta pugdama ḏ-Mia

Source: apta pugdama D-mia based upon the only known surviving copy, DC 51. Copied in Margab, Suq es-uyukh, in 1277 AH (60-1 CE) by Ram Zihrun, son of Sam Bihram, Kupaia. Prepared by M. Morgenstern.

Published by: CAL project

Stable URL: http://cal.huc.edu/get_a_chapter.php?file=74703&cset=H

Unicode by: Ibrāhīm afiʿī (University of Tehrān)

ࡔࡀࡐࡕࡀ ࡐࡅࡂࡃࡀࡌࡀ ࡖࡌࡉࡀ

 

ࡌࡀࡓࡀࡉ

ࡌࡔࡀࡁࡀ

ࡊࡅࡔࡈࡀ ࡀࡎࡉࡍࡊࡅࡍ

 

ࡀ ࡁ ࡂ ࡃ ࡄ ࡅ ࡆ ࡇ ࡈ ࡉ ࡊ ࡋ ࡌ ࡍ ࡎ ࡏ ࡐ ࡑ ࡒ ࡓ ࡔ ࡕ ࡖ ࡀ ࡖ ࡀ ࡖ ࡀ

 

ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡄࡀࡉࡀࡋࡀ ࡔࡓࡀࡓࡀ ࡏࡌࡀࡓ ࡅࡔࡀࡌࡀ ࡄࡀࡃࡅࡀࡕ ࡋࡀࡁࡇ ࡔࡀࡅࡀࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡇ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡀࡄ࡙ࡀ ࡌࡍ ࡄࡉࡉࡀ ࡅࡌࡍ ࡌࡀࡍࡃࡀ ࡀࡎࡉࡀ ࡌࡀࡓࡀࡉࡄࡅࡍ ࡖࡀࡎࡀࡅࡀࡕࡀ ࡅࡌࡍ ࡔࡊࡉࡍࡀࡕࡅࡍ ࡖࡄࡉࡉࡀ ࡒࡀࡃࡌࡀࡉࡉࡀ ࡀࡕࡉࡕ ࡌࡍ ࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡏࡋ ࡔࡅࡌࡀࡊ ࡔࡅࡌࡀ ࡓࡁࡀ ࡊࡀࡁࡉࡓࡀ ࡖࡋࡀࡁࡀࡈࡉࡋ ࡆࡉࡅࡀ ࡊࡀࡁࡉࡓࡀ ࡖࡋࡀࡌࡉࡔࡕࡀࡍࡉࡀ ࡌࡃࡀࡋࡉࡀ ࡊࡅࡔࡈࡀ ࡖࡓࡁࡀ ࡓࡉࡔࡀࡉࡀ ࡖࡔࡓࡀࡓࡀ ࡏࡅࡕࡓࡀ ࡖࡓࡀࡄࡉࡈ ࡌࡀࡋࡀࡅࡀࡕࡀ ࡖࡁࡀࡉࡕࡀ ࡅࡋࡀࡌࡉࡈࡉࡅࡅࡉࡀ ࡀࡊࡅࡀࡕ ࡂࡅࡐࡍࡀ ࡖࡊࡅࡋࡇ ࡓࡀࡄࡌࡉࡀ ࡅࡏࡋࡀࡍࡀ ࡓࡁࡀ ࡖࡊࡅࡋࡇ ࡀࡎࡀ ࡅࡀࡕࡀ ࡏࡅࡕࡓࡀ ࡁࡎࡀࡁࡀ ࡅࡌࡀࡈࡉࡀ ࡅࡋࡀ ࡌࡉࡕࡊࡀࡌࡀࡓ ࡔࡅࡌࡇ ࡋࡒࡀࡋࡀࡉࡅࡍ ࡖࡓࡀ ࡄࡌࡉࡀ ࡔࡅࡌࡇ ࡋࡒࡀࡋ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡀࡄ࡙ࡀ ࡀࡍࡀࡕ ࡌࡀࡍࡃࡀ ࡖࡄࡉࡉࡀ ࡀࡎࡉࡌ ࡏࡃࡀࡊ ࡏࡋࡀࡉ ࡅࡕࡓࡅࡑ {ࡅ}ࡀ<ࡉ>ࡍࡀࡊ ࡏࡋࡀࡉ ࡌࡍ ࡐࡀࡓࡀࡉ ࡅࡏࡋࡀࡉࡉࡀ ࡅࡌࡍ ࡁࡉࡕ ࡀࡋࡀࡄ ࡓࡁࡀ ࡅࡓࡀࡌ ࡀࡍࡀ ࡌࡀࡍࡃࡀ ࡖࡄࡉࡉࡀ ࡀࡎࡉࡌ ࡏࡃࡀࡊ ࡏࡋࡀࡉ ࡅࡕࡓࡅࡑ ࡀࡉࡍࡀࡊ ࡏࡋࡀࡉ ࡌࡍ ࡐࡉࡓࡉࡀ ࡅࡏࡋࡀࡉࡉࡀ ࡅࡌࡍ ࡁࡉࡕ ࡀࡁࡅ ࡓࡁࡀ ࡅࡓࡀࡌࡀ ࡀࡍࡀࡕ ࡌࡀࡍࡃࡀ ࡖࡄࡉࡉࡀ ࡀࡉࡍࡀࡊ ࡕࡓࡅࡑ ࡒࡋࡉࡌࡉࡀ ࡄࡀࡋࡉࡍ ࡄࡉࡍࡅࡍ ࡏ{ࡃ}<ࡓ>ࡉࡀ ࡅࡓࡀࡅࡆࡉࡀ ࡅࡁࡀࡄࡅࡉࡀ ࡁࡀ ࡈࡉࡍࡉࡀ ࡅࡉࡀࡃࡀࡋࡉࡀ ࡅࡔࡀࡕࡀࡍ ࡌࡀࡋࡀࡋࡀ ࡂࡀࡍࡆࡉࡁࡓࡉࡀ ࡍࡉࡄࡉࡀ ࡀࡁࡉࡋࡅࡓࡉࡀ ࡖ ࡀࡎࡀࡅࡀࡕࡀ ࡀࡔࡀࡓ ࡎࡉࡂࡉࡀ ࡃࡉࡋࡄࡅࡍ ࡖࡀࡕࡀࡉࡕࡅࡍ ࡌࡍ ࡏࡋࡀࡅࡉࡀ ࡐࡓࡀࡕ ࡖࡏࡋࡀࡅࡉࡀ ࡐࡓࡀࡕ ࡅࡌࡍ ࡏࡋࡀࡅࡉࡀ ࡃࡀࡅࡓࡀ ࡄࡉࡊࡋࡇ ࡅࡌࡍ ࡏࡋࡀࡅࡉࡀ ࡍࡉࡎࡊࡀ ࡍࡉࡎࡊࡀ ࡅࡌࡍ ࡏࡋࡀࡅࡉࡀ ࡂࡀࡓࡂࡋࡉࡀ ࡖࡓࡅࡄࡀ ࡅࡌࡍ ࡏࡋࡀࡅࡉࡀ ࡀࡓࡁࡉࡀ ࡆࡀࡅࡀࡉࡀࡕࡀ ࡖࡁࡀࡉࡕࡀ ࡅࡌࡍ ࡏࡋࡀࡅࡉࡀ ࡒࡀࡓࡍࡉࡀ ^ࡖ^ࡄࡔࡅࡊࡀ ࡅࡌࡍ ࡏࡋࡀࡅࡉࡀ ࡎࡀࡃࡀࡍࡉࡀ ࡏࡐࡉࡊࡉࡀ ࡅࡌࡍ ࡏࡋࡀࡅࡉࡀ ࡏࡁࡀࡃ ࡅࡌࡉࡁࡀࡃ ࡅࡌࡍ ࡏࡋࡀࡅࡉࡀ ࡏࡅࡁࡀࡃࡉࡀ ࡖࡔࡉࡁࡉࡀࡄࡉࡀ ࡅࡌࡍ ࡏࡋࡀࡅࡉࡀ ࡀࡋࡌࡉࡀ ࡅࡁࡉࡍࡉࡀࡍࡉࡀ ࡅࡌࡍ ࡏࡋࡀࡅࡉࡀ ࡀࡉࡀࡓ ࡁࡀࡓࡀࡉࡀ ࡅࡃࡀࡅࡓࡀ ࡕࡀࡒࡍࡀ ࡅࡌࡍ ࡐࡓࡀࡕ ࡐࡓࡉࡕࡀ ࡅࡌࡍ ࡏࡌࡀࡕ ࡏࡅ ࡕࡓࡉࡀ ࡍࡀࡐࡔࡉࡇ ࡅࡌࡍ ࡀࡕࡅࡕࡉࡇ ࡊࡅࡓࡎࡉࡀ ࡖࡉࡅࡔࡀࡌࡉࡍ ࡃࡀࡊࡉࡀ ࡁࡓ ࡄࡉࡉࡀ ࡓࡁࡉࡀ ࡓ ࡉࡔࡀࡉࡉࡀ ࡂࡀࡁࡓࡀ ࡖࡊࡅࡓࡎࡉࡇ ࡕࡓࡉࡑ ࡅࡉࡀࡕࡉࡁ ࡋࡓࡉࡔ ࡊࡀࡍࡀ ࡖࡌࡉࡀ ࡅࡐࡀࡎࡉ ࡌࡊࡀ ࡓࡁࡀ ࡖࡍࡄࡅࡓࡀ ࡊࡋࡉࡋ ࡀࡉࡀࡓ ࡕࡓࡀࡑࡋࡇ ࡁࡓࡉࡔࡉࡇ ࡕࡋࡀࡕࡌࡀ ࡅࡔࡉࡕࡉࡍ ࡄࡀࡅࡉࡍ ࡀࡈࡓࡅࡐࡉࡀ ࡖࡊࡋࡉࡋࡇ ࡍࡀࡄࡅࡓ ࡌࡍ ࡔࡀࡌࡉࡔ ࡁࡋࡀࡅࡀ ࡅࡕࡀࡒࡅࡍ ࡌࡍ ࡁࡎࡉࡓࡀ ࡁࡕࡅࡒࡍࡇ ࡍࡀࡐࡅࡒࡀ ࡓࡉࡄࡀ ࡁࡀࡎࡉࡌࡀ ࡌࡍ ࡀࡁࡉࡍࡉࡀ ࡀࡈࡉࡓࡐࡉࡀ ࡖࡊࡋࡉࡋࡇ ࡅࡌࡉࡕࡊࡀࡓࡊࡉࡁࡀ ࡍࡉࡔࡌࡀࡕࡀ ࡁࡀࡉࡀࡓ ࡎࡕࡀࡍࡀ ࡅࡎࡀࡋࡒࡀ ࡄࡀࡆࡉࡋࡇ ࡏࡋ ࡀࡉࡀࡓ ࡁࡀࡓࡀࡉࡀ ࡅࡋࡃࡀࡅࡓࡀ ࡕࡀࡒࡍࡀ ࡁࡉࡕ ࡀࡍࡀࡔࡀࡕࡀࡍ ࡒࡀࡃࡌࡀࡉࡉࡀ ࡅࡁࡈࡅࡓࡉࡀ ࡀ{ࡉ}ࡕࡀࡉࡕࡅࡍ ࡌࡉࡀ ࡋࡀࡄࡅࡀࡉࡕࡅࡍ ࡅࡁࡍࡀࡄࡅࡉࡀ ࡋࡀࡏࡁࡀࡆࡀࡒࡕࡅࡍ ࡅࡐࡀࡒࡀࡕࡀ ࡋࡀࡕࡁࡀࡃࡀࡓࡕࡅࡍ ࡋࡐࡀࡂࡓࡀ ࡖ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡀࡄ࡙ࡀ ࡍࡐࡀࡋࡕࡅࡍ ࡅࡋࡀࡏࡈࡀࡍࡀ<ࡐ>ࡕࡅࡍ ࡌࡍ ࡏࡎࡕࡊࡉࡀ ࡄࡆࡉࡍࡊࡅࡍ ࡌࡀࡄࡉࡒࡀ ࡁࡓ ࡌࡀࡄࡉࡒࡀ ࡁࡓ ࡊࡀࡍࡀ ࡖࡄࡔࡅࡊࡀ ࡁࡓ ࡏࡅࡑࡀ ࡁࡉࡔࡀ ࡖࡌࡓࡀࡓࡀ ࡖࡋࡀࡁࡀࡈࡋࡀ ࡅࡋࡀࡔ ࡀࡐࡀࡓࡋࡇ ࡖࡁࡓ ࡋࡀࡏࡕࡉࡒ{ࡒ}<ࡓ>ࡉࡀ ࡏࡋ ࡏࡅࡄࡓࡇ ࡖࡄࡉࡉࡀ ࡅࡋࡀࡌࡆࡀࡌࡀࡍ ࡋࡔࡁࡉࡋࡇ ࡖࡂࡅࡁࡓࡉࡀ ࡌࡄࡀࡉࡌ<ࡍ>ࡉࡀ ࡔࡓࡀ ࡏࡃࡇ ࡋࡐࡅࡌࡇ ࡐࡀࡔ ࡊࡀࡁࡃࡀ ࡁࡌࡓࡉࡓࡀࡕࡀ ࡅࡐࡀࡔ ࡌࡓࡉࡓࡕࡀ ࡁࡊࡀࡁࡃࡇ ࡅࡓࡀࡁࡅࡍ ࡓࡌࡀࡁࡊࡅࡍ ࡓࡅࡒࡀ ࡖࡌࡉࡓࡕࡅࡍ ࡏࡔࡕࡐࡉࡋࡅࡀࡋ ࡏࡋࡀࡅࡀࡉࡊࡅࡍ ࡌࡉࡀ ࡊࡉࡁࡉࡀ ࡔࡀࡉࡁࡈࡉࡀ ࡓࡉࡃࡉࡀ ࡅࡓࡅࡌࡀࡉࡉࡀ ࡅࡌࡀࡋࡅࡀࡈࡉࡀ ࡁࡉࡔࡉࡀ ࡖࡐࡀࡂࡓࡀ ࡅࡊࡉࡁࡇ ࡖࡓࡉࡔࡀ ࡑ{ࡀࡊ}<ࡉࡑ>ࡋࡉࡀ ࡖࡑࡀࡉࡃࡀ ࡅࡁࡅࡓࡅࡒࡕࡀ ࡏࡋ ࡀࡉࡍࡀ ࡕࡅࡋࡉࡕࡀ ࡋࡊࡀࡊࡀ ࡄࡀࡑࡁࡉࡀ ࡋࡃࡅࡐࡍࡀ ࡄࡀࡑࡁࡕࡀ ࡏࡅࡌࡀࡕࡍࡀ ࡏࡊࡀࡓࡉࡅࡕࡀ ࡏࡋ ࡋࡉࡁࡇ ࡑࡉࡌࡉࡓࡕࡀ ࡋࡄࡀࡍࡇ ࡅࡔࡀࡉࡉࡀ ࡅࡐࡀࡉࡉࡀ ࡋࡊࡅࡋࡄࡅࡍ ࡄࡀࡍࡃࡀࡌࡀ ࡋࡂࡀࡈ ࡓࡌࡀࡁࡊࡅࡍ ࡏࡔࡀࡕࡀ ࡄࡀࡉࡕࡀ ࡅࡌࡀࡓࡂࡀࡍࡉࡕࡀ ࡅࡓࡅࡉࡕࡀ ࡄࡀࡓࡔࡉࡀ ࡄࡀࡔࡊࡉࡀ ࡅࡀࡉࡍࡀ ࡁࡉࡔࡕࡀ ࡅࡊࡀࡅࡉࡄࡀࡕࡀ ࡅࡋࡅࡈࡀࡕࡀ ࡅࡒࡉࡓࡉࡀࡕࡀ ࡅࡀࡕࡀࡅࡀࡕࡀ ࡖࡌࡄࡀࡌࡁࡋࡀࡕࡀ ࡖࡉࡀࡕࡁࡉࡀ ࡋࡎࡀࡃࡀࡍࡀ ࡏࡐࡉࡊࡀ ࡌࡐࡀࡂࡌࡉࡋࡅࡍ ࡅࡌࡑࡀࡋࡐࡉࡋࡅࡍ ࡅࡌࡀࡁࡔࡉࡁࡅࡍ ࡏࡋ ࡏࡁࡍࡀ ࡖࡀࡃࡀࡌ ࡄࡀࡅࡀ ࡌࡍࡀࡎࡕࡊࡅࡍ ࡅࡄࡆࡅࡍࡊࡅࡍ ࡕࡋࡀࡕࡀ ࡂࡅࡁࡓࡉࡀ ࡀࡁࡅࡕࡄࡀࡕࡀࡍ ࡖࡕࡅࡔࡋࡉࡌࡉࡀ ࡒࡀࡓࡉࡀ ࡁࡄࡉࡓࡉࡀ ࡖࡋࡁࡉࡔࡉࡀ ࡏࡅࡑࡈࡋࡉࡀ ࡖࡆࡉࡅࡀ ࡌࡊࡀࡎࡉࡍ ࡈࡀࡓࡈࡀࡁࡅࡍࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡅࡌࡀࡕࡍࡀ ࡁࡓࡉࡔࡀࡉࡄࡅࡍ ࡊࡋࡉࡋࡉࡀ ࡓࡀࡅࡆࡉࡀ ࡖࡆࡀࡊࡅࡀࡅࡀࡕࡀ ࡅࡍࡎࡉࡁ ࡃࡀࡅࡋࡇ ࡄࡀࡅࡀࡓࡀ ࡖࡋࡀࡌࡔࡀࡓࡀࡉ ࡅࡎࡋࡉࡒ ࡋࡊࡉࡐࡇ ࡖࡐࡓࡀࡕ ࡆࡅࡉࡀ ࡅࡂࡓࡀࡐ ࡌࡉࡀ ࡖࡏࡓࡉࡀ ࡅࡓࡀࡅࡆࡉࡀ ࡔࡅࡌࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡀࡅࡀࡉࡊࡅࡍ ࡅࡌࡉࡀ ࡅࡁࡀࡉࡉࡀ ࡋࡌࡉࡁࡀࡈࡋࡇ ࡋࡃࡀࡅࡓࡀ ࡖࡁࡉࡔࡉࡀ ࡌࡊࡀࡃࡁࡉࡀ ࡄࡃࡀࡃࡉࡀ ࡀࡍࡀࡕࡅࡍ ࡌࡉࡀ ࡋࡀࡕࡉࡊࡀࡃࡁࡅࡍ ࡌࡉࡀ ࡄࡉࡉࡀ ࡁࡉࡋࡅࡓࡉࡀ ࡍࡀࡄࡉࡓࡉࡀ ࡀࡍࡀࡕࡅࡍ ࡏࡓࡉࡀ ࡅࡓࡀࡅࡆࡉࡀ ࡁࡀࡈࡉࡍࡉࡀ ࡅࡉࡀࡃࡀࡋࡉࡀ ࡔࡀࡕࡉࡀ ࡌࡉࡀ ࡍࡀࡄࡉࡓࡀ ࡁࡉࡋࡅࡓࡉࡀ ࡖࡀࡎࡀࡅࡀࡕࡀ ࡍࡎࡀࡁࡅࡍࡊࡅࡍ ࡂࡅࡁࡓࡉࡀ ࡀࡁࡀࡄࡀࡕࡀࡍ ࡌࡍ ࡊࡀࡍࡀࡉࡊࡅࡍ ࡍࡎࡀࡁࡅࡍࡊࡅࡍ ࡅࡓࡌࡅࡍࡊࡅࡍ ࡁࡓࡉࡔ ࡉࡀࡓࡃࡍࡀ ࡅࡉࡀࡓࡃࡍࡀ ࡐࡓࡀࡔ ࡁࡓࡉࡔ ࡐࡉࡓࡉࡀ ࡏࡌࡁࡉࡀ ࡅࡏࡋࡀࡍࡉࡀ ࡅࡁࡓࡉࡔ ࡁࡅࡈࡍࡀ ࡅࡌࡀࡅࡃࡀࡋࡀ ࡅࡁࡓࡉࡔ ࡌࡎࡅࡕࡀ ࡅࡁࡓࡉࡔ ࡑࡉࡐࡀࡓ ࡉࡀࡌࡀ ࡀࡕࡀࡉࡕࡅࡍ ࡋࡕࡉࡁࡉࡋ ࡅࡔࡕࡀࡐࡀࡉࡊࡕࡅࡍ ࡋࡊࡀࡍࡀ ࡖࡊࡅࡋࡇ ࡌࡀࡅࡃࡀࡋࡀ ࡅࡐࡀࡔࡉࡅࡓࡉࡀ ࡊࡉࡁࡉࡀ ࡌࡍ ࡐࡀࡂࡓࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡀࡎࡉࡅࡉࡀ ࡌࡍ {ࡌࡉࡄࡕࡀ} ^ࡌࡄࡉࡕࡀ^ ࡖࡄࡔࡅࡊࡀ ࡅࡍࡐࡀࡑ ࡊࡀࡍࡐࡇ ࡌࡍ ࡄࡉࡆࡃࡀ ࡏࡋ ࡌࡉࡊࡀࡐࡀ<ࡓ> ࡀࡉࡍࡇ ࡌࡍ {ࡌࡄࡉࡕࡀ} ࡃࡉࡌࡉࡄࡕࡀ ࡅࡏࡋ ࡌࡉࡕࡓࡀࡑ ࡅࡏࡋ ࡌࡉࡔࡓࡉࡀ ࡂࡉࡈࡓࡉࡀ ࡖࡌࡅࡕࡀ ࡅࡋࡌࡉࡔࡀࡍࡅࡉࡉࡀ ࡄࡀࡕࡌࡉࡀ ࡖࡄࡁࡉࡋࡀ ࡅࡋࡌࡉࡕࡁࡀࡓ ࡒࡅࡁࡋࡉࡀ ࡖࡁࡀࡉࡕࡀ ࡅࡌࡄࡀࡔࡀࡁࡀࡕࡀ ࡖࡓࡅࡄࡀ ࡅࡋࡌࡉࡌࡕࡀ ࡒࡅࡌࡕࡇ ࡖࡂࡉࡁࡀ ࡅࡋࡎࡀࡌࡅࡒࡉࡀ ࡀࡍࡐࡇ ࡖࡉࡅࡓࡀࡒࡉࡀ ࡅࡏࡋ ࡌࡉࡍࡐࡀࡑ ࡌࡉࡍࡇ ࡄࡉࡆࡃࡀ ࡅࡋࡌࡉࡊࡀࡐࡀࡓ ࡀࡉࡍࡇ ࡌࡍ ࡃࡉࡌࡉࡄࡕࡀ ࡅࡋࡌࡉࡕࡓࡀࡑ ࡅࡋࡒࡀࡉࡅࡌࡉࡀ ࡅࡋࡌࡀࡒࡅࡌࡉࡀ ࡒࡅࡌࡕࡇ ࡖࡂࡉࡁࡀࡁࡀ ࡅࡏࡋ ࡓࡀࡅࡆࡉࡀ ࡊࡅࡋࡇ ࡐࡉࡓࡀ ࡏࡌࡁࡀ ࡅࡏࡋࡀࡍࡀ ࡕࡅࡔࡋࡉࡌࡉࡀ ࡄࡆࡅࡍࡊࡅࡍ ࡅࡐࡀࡔࡓࡅࡍࡊࡅࡍ ࡅࡒࡓࡅࡍࡊࡅࡍ ࡋࡍࡀࡄࡓࡉࡀ ࡎࡁࡉࡓࡉࡀ ࡎࡀࡌࡀ ࡅࡀࡎࡅࡕࡀ ࡅࡋࡀࡅࡐࡀ ࡖࡋࡀࡐࡎࡀࡒࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡀࡕࡓࡀ ࡖࡌࡉࡍࡇ ࡀࡕࡀࡉࡕࡅࡍ ࡅࡁࡀࡉࡀࡓ ࡂࡅࡐࡍࡀ ࡅࡎࡉࡍࡃࡉࡓࡊࡀ ࡖࡌࡉࡍࡇ ࡀࡎࡂࡀࡉࡕࡅࡍ ࡁࡓࡀࡁ ࡏࡅࡕࡓࡉࡀ ࡖࡊࡅࡋࡇ ࡍࡉࡌࡅࡎࡇ ࡖࡏࡑࡈࡅࡍࡀ ࡖࡐࡀࡂࡓࡀ ࡖࡄࡀࡆࡀ ࡍࡉࡔࡉࡌࡕࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡖࡀࡆࡋࡉࡕࡅࡋࡇ ࡕࡓࡅࡑ ࡒࡅࡌࡕࡇ ࡁࡀࡋࡁࡅࡔࡉࡇ ࡅࡀࡎࡌࡉࡒ ࡀࡍࡐࡇ ࡖࡉࡅࡓࡀࡒࡉࡀ ࡀࡂࡆࡀࡓ ࡅࡀࡍࡐࡉࡒ ࡌࡉࡍࡇ ࡌࡀࡄࡅ ࡅࡀࡍࡐࡉࡒ ࡌࡉࡍࡇ ࡐࡀࡎࡉࡒ ࡅࡀࡍࡐࡉࡒ ࡌࡉࡍࡇ ࡓࡅࡄࡉࡀ ࡅࡀࡍࡐࡉࡒ ࡌࡉࡍࡇ ࡔࡅࡁࡀ ࡏࡅࡑࡓࡉࡀ ࡖࡌࡅࡕࡀ ࡅࡕࡌࡀࡍࡉࡀ ࡌࡁࡀࡊࡀࡋࡀࡕࡀ ࡖࡄࡔࡅࡊࡀ ࡅࡌࡍ ࡄࡀࡓࡔࡉࡀ ࡁࡉࡔࡉࡀ ࡅࡌࡍ ࡎࡀࡃࡀࡍࡉࡀ ࡏ ࡐࡉࡊࡉࡀ ࡅࡌࡍ ࡄࡅࡌࡓࡉࡀ ࡆࡀࡃࡀࡍࡉࡀࡕࡀ ࡋࡂࡅࡈ ࡋࡄࡀࡆࡀ ࡍࡉࡔࡉࡌࡕࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡀࡐࡓࡀࡎ ࡉࡀࡌࡉࡍࡇ ࡅࡀࡐࡒࡇ ࡌࡍ ࡀࡕࡅࡕࡉࡀ ࡀࡎࡀࡓ ࡏࡃࡀࡉࡄࡅࡍ ࡖࡁࡉࡔࡉࡀ ࡅࡌࡍ ࡄࡀࡓࡀࡔࡕࡀ ࡖࡁࡉࡋࡃࡁࡀࡁࡉࡀ ࡅࡌࡍ ࡀࡁࡉࡍࡉࡀ ࡈࡅࡐࡓࡉࡀ ࡖࡋࡉࡂࡓࡇ ࡖࡂࡀࡁࡓࡀ ࡌࡄࡀࡌࡁࡉࡋࡀࡍࡀ ࡅࡀࡒࡌࡅ ࡁࡀࡎࡅࡕࡀ ࡖࡄࡉࡉࡀ ࡁࡓࡉࡊࡉࡕ ࡄࡀࡉࡋࡀ ࡖࡌࡉࡀ ࡁࡓࡉࡊࡉࡕ ࡆࡉࡅࡀ ࡖࡌࡉࡀ ࡅࡁࡓࡉࡊࡉࡕ ࡍࡄࡅࡓࡀ ࡓࡁࡀ ࡖࡌࡉࡀ ࡁࡓࡉࡊࡉࡕ ࡕࡀࡂࡀ ࡖࡌࡉࡀ ࡁࡓࡉࡊࡉࡕ ࡐࡀࡓࡑࡅࡐࡀ ࡓࡁࡀ ࡖࡌࡉࡀ ࡁࡓࡉࡊࡉࡕ ࡋࡀࡅࡐࡀ ࡖࡌࡉࡀ ࡁࡓࡉࡊࡉࡕ ࡔࡀࡓࡔࡀ ࡖࡌࡉࡀ ࡁࡓࡉࡊࡉࡕ ࡍࡉࡑࡅࡁࡕࡀ ࡖࡌࡉࡀ ࡁࡓࡉࡊࡉࡕ ࡀࡎࡅࡕࡀ ࡓࡀࡁࡕࡉࡀ ࡖࡌࡉࡀ ࡅࡁࡓࡉࡊࡉࡕ ࡐࡅࡌࡀ ࡓࡁࡀ ࡖࡐࡓࡀࡔ ࡁࡉࡍࡉࡀࡍࡀ ࡓࡁࡀ ࡖࡀࡁࡀࡄࡀࡕࡀࡍ ࡔࡅࡌࡀ ࡖࡏࡅࡕࡓࡉࡀ ࡌࡀࡃࡊࡀࡓ ࡏࡋࡀࡅࡀࡉࡄࡅࡍ ࡌࡉࡀ ࡅࡔࡅࡌࡀ ࡖࡉࡅࡆࡀࡈࡀࡒ ࡌࡀࡍࡃࡀ ࡖࡄࡉࡉࡀ ࡀࡎࡉࡀ ࡖࡌࡀࡎࡉࡀ ࡊࡅࡋࡄࡅࡍ ࡀࡎࡀࡅࡀࡕࡀ ࡅࡔࡅࡌࡀ ࡖࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡖࡋࡃࡁࡀࡓ ࡃࡀࡅࡓࡀ ࡅࡎࡀࡊࡀ ࡅࡔࡀࡓࡔࡀ ࡅࡔࡓࡉࡍ ࡌࡀࡃࡊࡀࡓ ࡏࡋࡀࡅࡀࡉࡊࡅࡍ ࡌࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡉࡅࡊࡀࡁࡀࡓ ࡆࡉࡅࡀ ࡌࡀࡋࡀࡋࡀ ࡓࡁࡀ ࡒࡀࡃࡌࡀࡉࡀ ࡏࡅࡑࡈࡅࡍࡀ ࡖࡃࡓࡉࡀ ࡌࡉࡀ ࡋࡁࡉࡔ ࡅࡃࡓࡉࡀ ࡖࡌࡉࡀ ࡌࡊࡀࡎࡀࡉ ࡅࡃࡓࡉࡀ ࡖࡌࡉࡀ ࡒࡅࡃࡀࡌࡇ ࡒࡃࡉࡌࡀ ࡒࡀࡃࡌࡀࡉࡀ ࡄࡀࡁ ࡀࡎࡅࡕࡀ ࡋࡊࡅࡋࡄࡅࡍ ࡁࡍࡇ ࡖࡀࡃࡀࡌ ࡅࡊࡅࡋ ࡍࡉࡌࡅࡎࡀ ࡅࡏࡑࡈࡅࡍࡀ ࡖࡐࡀࡂࡓࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡀࡍࡀࡕࡅࡍ ࡌࡉࡀ ࡕࡉࡆࡋࡅࡍ ࡁࡂࡀࡅࡀࡉࡄࡅࡍ ࡄࡉࡓࡁࡉࡀ ࡋࡁࡉࡔࡉࡀ ࡅࡎࡉࡊࡉࡍࡉࡀ ࡎࡒࡉࡋࡀࡕࡀ ࡏࡋ ࡖࡄࡀࡈࡉࡀ ࡁࡐࡀࡂࡓࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡄࡅࡍ ࡄࡉࡓࡁࡉࡀ ࡎࡒࡉࡋࡀࡕࡀ ࡋࡎࡀࡄࡓࡉࡀ ࡅࡋࡃࡀࡉࡅࡉࡀ ࡅࡋࡔࡉࡃࡉࡀ ࡅࡋࡐࡉࡒࡃࡉࡀ ࡅࡏࡋ ࡋࡉࡄࡀࡍࡉࡀ ࡅࡏࡋ ࡄࡅࡌࡓࡉࡀ ࡆࡀࡃࡀࡍࡉࡀࡕࡀ ࡅࡋࡍࡀࡋࡉࡀ ࡅࡋࡍࡉࡅࡋࡉࡀ ࡅࡋࡈࡀࡉࡀ ࡖࡈࡀࡉࡉࡍ ࡅࡋࡆࡉࡒࡉࡀ ࡁࡉࡔࡉࡀ ࡅࡋࡁࡍࡉࡀ ࡀࡍࡂࡀࡓࡉࡀ ࡅࡋࡃࡌࡀࡅࡀࡕࡀ ࡎࡀࡉࡍࡀࡕࡀ ࡖࡔࡓࡉࡉࡀ ࡁࡐࡀࡂࡓࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡀࡂࡆࡀࡓ ࡅࡀࡍࡐࡉࡒ ࡐࡎࡅࡒ ࡌࡀࡄࡅ ࡃࡄࡅ ࡅࡀࡍࡐࡉࡒ ࡌࡉࡍࡇ ࡔࡅࡁࡀ ࡏࡅࡑࡓࡉࡀ ࡖࡌࡅࡕࡀ ࡅࡕࡌࡀࡍࡉࡀ ࡌࡁࡀࡊࡀࡋࡀࡕࡀ ࡖࡄࡔࡅࡊࡀ ࡌࡍ ࡒࡁࡀࡋ ࡌࡉࡀ ࡄࡉࡉࡀ ࡀࡍࡀࡕࡅࡍ ࡀࡕࡀࡉࡕࡅࡍ ࡌࡍ ࡀࡉࡀࡓ ࡁࡀࡓࡀࡉࡀ ࡅࡃࡀࡅࡓࡀ ࡕࡀࡒࡍࡀ ࡀࡍࡀࡕࡅࡍ ࡌࡉࡀ ࡀࡕࡀࡉࡕࡅࡍ ࡅࡊࡁࡀࡔࡕࡅࡍ ࡋࡄࡀࡈࡉࡀ ࡄࡈࡉࡕࡀ ࡅࡊࡁࡀࡔࡕࡅࡍ ࡋࡆࡀࡓࡕࡀࡉ ࡅࡆࡀࡓࡕࡀࡍࡀࡉ ࡅࡊࡁࡀࡔࡕࡅࡍࡇ ࡋࡏࡅࡓ ࡄࡀࡉࡋࡀ ࡓࡁࡀ ࡌࡀࡓࡇ ࡖࡄࡔࡅࡊࡀ ࡀࡎࡀࡓࡕࡅࡋࡇ ࡆࡉࡍࡉࡐࡕࡇ ࡔࡃࡀࡉࡕࡅࡋࡇ ࡁࡐࡅࡌࡇ ࡅࡍࡂࡀࡃࡕࡅࡍ ࡏࡋࡀࡅࡇ ࡓࡒࡉࡄࡀ ࡅࡕࡓࡀࡑࡕࡅࡍ ࡏࡋࡀࡅࡇ ࡌࡀ ࡓࡆࡀࡁࡀࡍࡀ ࡓࡁࡀ ࡖࡀࡓࡒࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡂࡅࡁࡓࡉࡀ ࡕࡋࡀࡕࡀ ࡀࡁࡀࡄࡀࡕࡀࡍ ࡕࡅࡔࡋࡉࡌࡉࡀ ࡁࡄࡉࡓࡉࡀ ࡄࡀࡃ ࡒࡀࡉࡉࡌ ࡁࡓࡉࡔࡀ ࡖࡃࡀࡓࡀ ࡄࡀࡃ ࡒࡀࡉࡉࡌ ࡁࡌࡉࡑࡀࡉ ࡃࡀࡓࡀ ࡄࡀࡃ ࡒࡀࡉࡉࡌ ࡁࡔࡉࡄࡋࡀ ࡖࡃࡀࡓࡀ ࡅࡕࡉࡕࡀࡉࡀ ࡅࡕࡉࡕࡀࡉࡀ ࡍࡀࡎࡉࡁ ࡅࡉࡀࡄࡉࡁ ࡋࡌࡉࡑࡀࡉࡀ ࡅࡌࡉࡑࡀࡉࡀ ࡌࡀࡌࡈࡉࡀ ࡋࡓࡉࡔࡀࡉࡀ ࡅࡓࡉࡔࡀࡉࡀ ࡍࡉࡐࡀࡓࡒࡅࡍࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡌࡍ ࡀࡒࡀ ࡋࡓࡅࡀࡄࡀ ࡅࡌࡍ ࡏࡔࡀࡕࡀ ࡅࡓࡅࡉࡕࡀ ࡅࡌࡍ ࡔࡀࡐࡋࡅࡕࡀ ࡋࡌࡀࡋࡉࡅࡕࡀ ࡅࡌࡍ ࡓࡅࡄ ࡎࡉࡈࡉࡀ ࡅࡌࡀࡑࡈࡉࡀ ࡅࡌࡍ ࡊࡉࡁࡉࡀ ࡅࡌࡍ ࡌࡀࡄࡓࡉࡀ ࡅࡌࡍ ࡒࡉࡓࡎࡉࡀ ࡅࡌࡍ ࡌࡀࡎࡀࡎࡉࡀ ࡅࡌࡍ ࡊࡅࡄࡓࡀࡍࡉࡀ ࡅࡌࡍ ࡄࡀࡓࡔࡉࡀ ࡁࡉࡔࡉࡀ ࡅࡌࡍ ࡎࡀࡃࡀࡍࡉࡀ ࡏࡐࡉࡊࡉࡀ ࡅࡌࡍ ࡊࡅࡋࡄࡅࡍ ࡂࡅࡍࡀࡄࡉࡀ ࡖࡏࡕࡉࡂࡍࡀࡁࡅࡍ ࡅࡏࡕࡂࡀࡉࡀࡓࡁࡅࡍ ࡁࡐࡀࡂࡓࡀ ࡖࡓࡀࡌ ࡆࡉࡄࡓࡅࡍ ࡁࡓࡌࡀࡋࡉࡄࡀ ࡅࡍࡉࡎࡒࡅࡍ ࡅࡍࡉࡐࡋࡅࡍ ࡁࡕࡀࡎࡍࡉࡒࡀ ࡖࡀࡓࡒࡀ ࡕࡉࡕࡀࡉࡕࡀ ࡃࡅࡊࡕࡀ ࡖࡔࡀࡌࡉࡔ ࡋࡀࡃࡀࡄࡍࡀ ࡅࡎࡉࡓࡀ ࡀࡍࡐࡇ ࡋࡀࡌࡀࡄࡅࡉࡀ ࡅࡀࡎࡅࡕࡀ ࡕࡉࡄࡅࡉࡋࡇ ࡋࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡄࡀࡆࡉࡍ ࡌࡉࡍࡉࡀࡍࡀ ࡖࡃࡀࡅࡋࡀ ࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ ࡞

 

 

ࡁࡔࡅࡌࡀࡊ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡅࡁࡔࡅࡌࡀࡊ ࡍࡄࡅࡓࡀ ࡓࡁࡀ ࡒࡀࡃࡌࡀࡉࡀ ࡅࡁࡔࡅࡌࡇ ࡖ ࡍࡉࡁࡈࡀ ࡓࡁࡀ ࡒࡀࡃࡌࡀࡉࡀ ࡅࡁࡔࡅࡌࡀࡊ ࡌࡀࡋࡀࡋࡀ ࡓࡁࡀ ࡒࡀࡃࡌࡀࡉࡀ ࡁࡔࡅࡌࡀࡊ ࡉࡅࡊࡀࡁࡀࡓ ࡆࡉࡅࡀ ࡁࡓ ࡔࡅࡌࡀ ࡓࡁࡀ ࡃࡀࡊࡉࡀ ࡅࡏࡋࡀࡉࡀ ࡖࡊࡁࡀࡓ ࡁࡆࡉࡅࡇ ࡅࡀࡎࡂࡉࡀ ࡁࡀࡍࡄࡅࡓࡇ ࡅࡁࡔࡅࡌࡀࡊ ࡂࡀࡁࡓࡀ ࡉࡀࡕࡉࡓࡀ ࡅࡐࡕࡀ ࡄࡀࡉ ࡖࡐࡀࡄࡕࡉࡀ ࡐࡉࡄࡕࡀ ࡖࡄࡉࡉࡀ ࡅࡍࡀࡑࡁࡉࡀ ࡍࡉࡑࡅࡁࡕࡀ ࡖࡍࡄࡅࡓࡀ ࡅࡎࡀࡎࡊࡉࡍࡉࡀ ࡅࡔࡀࡊࡍࡉࡀ ࡃࡌࡅࡕࡀ ࡒࡀࡃࡌࡀࡉࡕࡀ ࡁࡉࡕ ࡄࡉࡉࡀ ࡁࡏࡅࡑࡀࡓ ࡍࡄࡅࡓࡀ ࡎࡉࡌࡀࡊࡀ ࡅࡍࡉࡀࡄࡀ ࡓࡁࡀ ࡖࡄࡉࡉࡀ ࡅࡁࡄࡀࡔ ࡊࡀࡍࡀ ࡁࡓ ࡐࡉࡓࡉࡀࡅࡉࡎ ࡊࡀࡍࡀ ࡖࡀࡋࡉࡐ ࡀࡋࡉࡐ ࡄࡀࡅࡉࡍ ࡀࡋࡅࡀࡕࡇ ࡅࡏࡋࡀࡍࡀ ࡖࡌࡉࡍࡇ ࡐࡓࡀࡔࡕࡅࡍ ࡅࡍࡐࡀࡒࡕࡅࡍ ࡅࡀࡕࡀࡉࡕࡅࡍ ࡋࡀࡋࡌࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡉࡅࡆࡀࡈࡀࡒ ࡌࡀࡍࡃࡀ ࡖࡄࡉࡉࡀ ࡁࡀࡁࡀࡕࡅࡓ ࡓࡀࡌࡀ ࡊࡀࡎࡉࡀ ࡅࡍࡈࡉࡓࡀ ࡗ ࡕࡉࡀࡁࡅࡕࡀ ࡄࡅࡀࡕ ࡄࡅࡀࡕ ࡏࡋࡀࡅࡀࡉࡊࡅࡍ ࡏࡋࡇ ࡌࡍ ࡁࡉࡕࡄࡉࡉࡀ ࡏࡋ ࡁࡀࡁࡀ ࡁࡀࡓࡀࡉࡀ ࡀࡅࡕࡁࡅࡉࡀ ࡌࡉࡕࡒࡀࡋ ࡏࡅࡕࡓࡉࡀ ࡕࡀࡒࡋࡉࡋࡇ ࡅࡒࡅࡃࡀࡌࡇ ࡕࡀࡒࡋࡉࡋࡇ ࡏࡋ ࡍࡉࡔࡌࡀࡕࡀ ࡏࡋ ࡏࡅࡁࡀࡃࡉࡀ ࡖࡀࡁࡃࡉࡀ ࡅࡌࡀࡎࡌࡉࡊࡉࡋࡉࡀ ࡋࡂࡉࡍࡆࡀ ࡓࡁࡀ ࡖࡄࡉࡉࡀ ࡖ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡆࡀࡓࡆࡏࡉࡋ ࡆࡉࡅࡀ ࡁࡍࡁࡀࡈ ࡍࡉࡁࡈࡀ ࡖࡆࡉࡅࡀ ࡑࡅࡓࡉࡊ ࡄࡉࡉࡀ ࡁࡊࡉࡍࡉࡀࡍࡅࡍ ࡀࡍࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡉࡅࡔࡀࡌࡉࡍ ࡃࡀࡊࡉࡀ ࡁࡓ ࡄࡉࡉࡀ ࡓࡁࡉࡀ ࡓࡉࡔࡀࡉࡉࡀ ࡍࡅࡊࡓࡀࡉࡉࡀ ࡖࡊࡅࡓࡎࡉࡀ ࡓࡌࡉࡋࡇ ࡅࡉࡀࡕࡉࡁ ࡋࡊࡀࡍࡀ ࡖ ࡌࡉࡀ ࡅࡋࡐࡀࡎࡉࡌࡊࡀ ࡓࡁࡀ ࡖࡍࡄࡅࡓࡀ ࡊࡋࡉࡋ ࡀࡉࡀࡓ ࡕࡓࡀࡑࡋࡇ ࡁࡓࡉࡔࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡔࡉࡋࡌࡀࡉ ࡅࡍࡉࡃࡁࡀࡉ ࡕࡓࡉࡍ ࡐࡀࡃࡉࡁࡓࡇ ࡖࡌࡀࡍࡃࡀ ࡖࡄࡉࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡂࡅࡁࡓࡉࡀ ࡕࡋࡀࡕࡀ ࡀࡁࡀࡄࡀࡕࡀࡍ ࡖࡁࡄࡉࡓb̤ࡀ ࡋࡀࡏࡕࡉࡍࡎࡉࡁ ࡅࡁࡉࡀࡒࡃࡀࡍࡉࡀ ࡖࡍࡅࡓࡀ ࡋࡀࡏࡒࡀࡃ ࡅࡁࡈࡅࡐࡀࡍࡉࡀ ࡌࡉࡀ ࡋࡀࡈࡀࡐ ࡗ ࡄࡀࡋࡉࡍ ࡂࡀࡁࡀࡓࡅࡀࡕࡀ ࡔࡀࡁࡀࡒ ࡌࡀࡓࡇ ࡖࡁࡀࡉࡕࡀ ࡋࡄࡀࡋࡉࡍ ࡄࡉࡍࡅࡍ ࡍࡄࡀࡂࡁࡇ ࡄࡉࡍࡂࡀ ࡁࡉࡀࡌࡀ ࡄࡁࡀࡒ ࡄࡁࡀࡒࡀ ࡁࡓ ࡁࡓࡁࡉࡕࡀ ࡎࡋࡉࡒ ࡆࡉࡄࡋࡅࡍ ࡄࡀࡁࡓࡅࡍ ࡋࡁࡉࡍࡉࡀࡍࡅࡍ ࡅࡌࡀࡈࡉࡀ ࡋࡌࡀࡓࡇ ࡖࡁࡀࡉࡕࡀ ࡌࡍ ࡁࡀࡉࡕࡀࡉࡅࡍ ࡅࡌࡍ ࡊࡅࡓࡎࡀࡉࡅࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡉࡀࡄࡁࡀ ࡓࡅࡄࡀ ࡖࡒࡅࡃࡔࡀ ࡀࡍࡐࡀ ࡖࡍࡀࡐࡔࡀ ࡋࡁࡀࡄࡕࡅࡕࡀ ࡅࡏࡕࡀࡄࡆࡀࡕ ࡄࡆࡉࡕࡀ ࡅࡍࡉࡎࡁࡀࡕ ࡌࡍ ࡀࡅࡐࡉࡀ ࡖࡍࡀࡐࡔࡀ ࡑࡀࡓ ࡅࡍࡐࡀࡋ ࡎࡀࡄࡓࡀ ࡖࡀࡔࡉࡒࡀ ࡖࡋࡀࡄࡀࡆࡉࡀ ࡅࡈࡓࡅࡔࡀ ࡖࡋࡀࡔࡀࡌࡀ ࡅࡀࡌࡀࡓ ࡌࡀࡓࡇ ࡖࡁࡀࡉࡕࡀ ࡌࡀࡍ ࡌࡍ ࡄࡀࡋࡉࡍ ࡄࡉࡍࡅࡍ ࡂࡅࡁࡓࡉࡀ ࡕࡋࡀࡕࡀ ࡖࡋࡂࡀࡈࡁࡇ ࡄࡉࡍࡂࡀ ࡁࡉࡀࡌࡀ ࡄࡁࡀࡒ ࡄࡁࡀࡒࡀ ࡁࡂࡀࡅࡇ ࡅࡓ ࡁࡉࡕࡀ ࡅࡀࡓࡒࡀ ࡌࡎࡉࡍࡅࡍ ࡁࡋࡉࡂࡓࡀࡉࡄࡅࡍ ࡌࡉࡀ ࡋࡀࡏࡑࡈࡁࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀ ࡋࡊࡅࡍ ࡌࡉࡀ ࡁࡕࡀࡅࡓࡏࡉࡋ ࡏࡅࡕࡓࡀ ࡂࡀࡁࡓࡀ ࡖࡄࡅࡀ ࡁࡓ ࡒࡉࡅࡀࡉ ࡁࡓࡀࡉࡅࡍ ࡖࡄࡉࡉࡀ ࡅࡎࡋࡉࡒ ࡌࡍ ࡄࡀࡉࡋࡀ ࡖࡆࡉࡅࡀ ࡁࡓࡉࡔ ࡐࡀࡎࡉࡌࡊࡉࡀ ࡖࡍࡄࡅࡓࡀ ࡌࡉࡀ ࡕࡀࡄࡌࡉࡀ ࡀࡍࡀࡕࡅࡍ ࡎࡉࡀࡅࡉࡀ ࡀࡍࡀࡕࡅࡍ ࡄࡀࡌࡁࡀࡋࡉࡀ ࡀࡍࡀࡕࡅࡍ ࡗ ࡄࡃࡀࡃࡉࡀ ࡀࡍࡀࡕࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡂࡀࡁࡓࡀ ࡆࡀࡃࡉࡒࡀ ࡀࡃࡉࡒ ࡄࡆࡉࡍࡊࡅࡍ ࡌࡍ ࡀࡓࡒࡀ ࡖࡍࡄࡅࡓࡀ ࡅࡍࡄࡅࡓ ࡏࡋࡀࡅࡀࡉࡊࡅࡍ ࡓࡌࡀ ࡅࡊࡀࡍࡐࡉࡍࡉࡍ ࡋࡃࡉࡍࡉࡁࡉࡀࡕࡊࡅࡍ ࡌࡉࡀ ࡎࡉࡀࡅࡉࡀ ࡏࡋࡀࡅࡀࡉࡊࡅࡍ ࡅࡁࡎࡉࡍࡊࡅࡍ ࡅࡁࡀࡋࡎࡉࡍࡅࡍ ࡏࡎࡉࡓࡉࡀ ࡁࡐࡅࡌࡀࡉࡊࡅࡍ ࡅࡌࡎࡀ ࡌࡎࡅࡕࡀ ࡏࡋࡀࡅࡀࡉࡊࡅࡍ ࡅࡍࡂࡀࡃ ࡓࡒࡉࡄࡀ ࡏࡋࡀࡅࡀࡉࡊࡅࡍ ࡅࡌࡎࡀ ࡌࡎࡅࡕࡀ ࡏࡋࡀࡅࡀࡉࡊࡅࡍ ࡅࡌࡎࡀ ࡌࡎࡅࡕࡀ ࡄࡆࡀࡕࡇ ࡐࡕ ࡓࡅࡄࡀ ࡅࡒࡓࡀࡕ ࡁࡒࡀࡋࡇ ࡅࡏࡑࡉࡍࡐࡀࡕ ࡅࡀࡌࡓࡀ ࡀࡁࡂࡀࡍ ࡄࡉࡉࡀ ࡌࡍ ࡂࡀࡁࡓࡀ ࡁࡀࡓࡀࡉࡀ ࡃࡀࡉࡀࡍࡀ ࡐࡀࡓࡅࡔࡀ ࡖࡀࡕࡀ ࡏࡋࡀࡅࡀࡉࡊࡅࡍ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡔࡅࡌࡀ ࡖࡉࡅࡊࡀࡁࡀࡓ ࡆࡉࡅࡀ ࡖࡆࡉࡅࡇ ࡋࡁࡉࡔ ࡅࡍࡄࡅࡓࡀ ࡌࡊࡀࡎࡀࡉ ࡄࡀࡉࡋࡇ ࡖࡍࡎࡉࡁ ࡅࡍࡀࡐࡉࡒ ࡒࡅࡃࡀࡌࡇ ࡖࡀࡁࡅࡉࡉࡀ ࡅࡋࡀࡎࡅࡉࡉࡀ ࡊࡅࡋࡄࡅࡍ ࡍࡀࡑࡅࡓࡀࡉࡉࡀ ࡊࡔࡉࡈࡉࡀ ࡅࡌࡄࡀࡉࡌࡍࡉࡀ ࡅࡁࡀࡎࡉࡌࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡄࡀࡉࡋࡀ ࡓࡁࡀ ࡖࡍࡀࡑࡅࡓࡀࡉࡉࡀ ࡌࡍ ࡌࡀࡃࡍࡀࡄࡀ ࡅࡀࡋࡌࡀ ࡋࡌࡀࡎࡌࡉࡊࡀࡍࡀ ࡅࡌࡍ ࡌࡀࡎࡌࡉࡊࡀࡍࡀ ࡅࡀࡋࡌࡀ ࡋࡌࡀࡃࡍࡀࡄࡀ ࡌࡔࡀࡁࡉࡀ ࡅࡌࡍ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡀࡌࡉࡍࡀࡋࡊࡅࡍ ࡁࡂࡀࡁࡓࡀ ࡓࡁࡀ ࡖࡁࡉࡕ ࡄࡉࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡌࡀࡍࡀ ࡓࡁࡀ ࡖࡄࡕࡉࡌࡁࡇ ࡁࡀࡁࡀ ࡖࡔࡅࡌࡉࡀ ࡅࡀࡓࡒࡀ ࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡆࡀࡊࡉࡀ ࡌࡀࡍࡃࡀ ࡖࡄࡉࡉࡀ ࡎࡀ ࡞

 

ࡀࡍࡀࡕ ࡌࡀࡍࡃࡀ ࡖࡄࡉࡉࡀ ࡁࡓࡉࡊࡀ ࡕࡓࡅࡑ ࡀࡉࡍࡀࡊ ࡋࡄࡀࡋࡉࡍ ࡌࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡏࡓࡉࡀ ࡅࡓࡀࡅࡆࡉࡀ ࡅࡁࡀࡈࡉࡍࡉࡀ ࡅࡉࡀ ࡃࡀࡋࡉࡀ ࡎࡀࡂࡉࡀ ࡅࡌࡉࡍࡉࡄࡓࡉࡀ ࡖࡀࡕࡉࡕࡅࡍ ࡌࡍ ࡏࡋࡀࡅࡉࡀ ࡒࡀࡓࡍࡀࡉࡄࡅࡍ ࡖࡔࡉࡁࡉࡀࡄࡉࡀ ࡅࡌࡍ ࡏࡋࡀࡅࡉࡀ ࡁࡀࡉࡕࡀ ࡅࡆࡀࡅࡀࡉࡀࡕࡀ ࡅࡌࡍ ࡏࡋࡀࡅࡉࡀ ࡃࡀࡅࡓࡀ ࡄࡉࡊࡋࡀ ࡁࡉࡀࡌࡀࡌࡉࡀ ࡖࡀࡕࡀࡉࡕࡅࡍ ࡌࡉࡀ ࡅࡋࡀࡐࡎࡉࡒࡕࡅࡍ ࡅࡁࡈࡅࡓࡉࡀ ࡖࡀࡕࡀࡉࡕࡅࡍ ࡅࡋࡀࡏࡕࡁࡀࡃࡀࡓࡕࡅࡍ ࡋࡐࡀࡂࡓࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡖࡀࡍࡐࡀࡋࡕࡅࡍ ࡌࡉࡀ ࡌࡉࡀ ࡅࡋࡀࡏࡈࡀࡍࡀࡐࡕࡅࡍ ࡌࡀࡍ ࡏࡎࡕࡊࡉࡀ ࡄࡆࡉࡍࡊࡅࡍ ࡁࡉࡔࡀ ࡁࡓ ࡁࡉࡔࡀ ࡖࡋࡀࡈࡀࡁࡋࡇ {{ࡅࡋࡀ^ࡏ^ࡔࡐࡀ}} ࡅࡋࡀࡏࡔࡐࡀࡓࡋࡇ ࡁࡓ ࡊࡀࡍࡀ ࡁࡉࡔࡀ ࡁࡓ ࡏࡅࡑࡀ ࡖࡌࡓࡀࡓࡀ ࡖࡋࡀࡏࡕࡉࡒࡓࡉࡀ ࡋࡏࡅࡄࡓࡀ ࡖࡄࡉࡉࡀ ࡅࡋࡀࡌࡆࡀࡌࡀࡍ ࡋࡔࡁࡉࡋࡀ ࡖࡂࡅࡁࡓࡉࡀ ࡆࡀࡃࡉࡒࡉࡀ ࡍࡐࡀࡒ ࡀࡋࡀࡍࡐࡇ ࡁࡄࡀࡅࡌࡀ ࡅࡓࡅࡂࡆࡀ ࡅࡕࡉࡍࡉࡄࡕࡀ ࡅࡔࡃࡀ ࡏࡃࡇ ࡋࡐࡅࡌࡇ ࡅࡓࡌࡀ ࡊࡀࡁࡃࡇ ࡅࡊࡅࡋࡉࡀࡕࡇ ࡅࡐࡀࡔ ࡊࡀࡁࡃࡇ ࡅࡔࡃࡀ ࡁࡉࡌࡓࡉࡓࡕࡀ ࡐࡀࡔ ࡌࡓࡉࡓࡕࡇ ࡅࡔࡃࡀ ࡁࡊࡀࡁࡃࡀ ࡅࡋࡂࡀࡈ ࡅࡓࡌࡀࡁࡊࡅࡍ ࡎࡉࡍࡀ ࡒࡉࡍࡀ ࡐࡋࡅࡂࡕࡀ ࡏࡄࡀࡁ ࡄࡀࡅࡒࡀ ࡋࡋࡉࡁࡀ ࡏࡄࡀࡁ ࡂࡅࡍࡀࡄࡉࡀ ࡋࡓࡉࡔࡀ ࡑࡉࡑࡋࡉࡀ ࡏࡋ ࡑࡀࡉࡃࡀ ࡅࡁࡉࡓࡅࡒࡕࡀ ࡋࡀࡉࡍࡉࡀ ࡅࡕࡅࡋࡉࡕࡀ ࡋࡊࡀࡊࡉࡀ ࡅࡔࡀࡉࡉࡀ ࡅࡐࡀࡉࡉࡀ ࡋࡊࡅࡋࡄࡅࡍ ࡄࡀࡍࡃࡀࡌࡉࡀ ࡅࡓࡌࡀࡁࡊࡅࡍ ࡏࡔࡀࡕࡀ ࡅࡌࡀࡓࡂࡀࡍࡉࡕࡀ ࡅࡓࡅࡉࡕࡀ ࡄࡀࡓࡔࡉࡀ ࡅࡐࡅࡃࡓࡉࡀ ࡅࡌࡀࡎࡀࡎࡉࡀ ࡅࡌࡀࡋࡅࡀࡈࡉࡀ ࡁࡉࡔࡉࡀ ࡖࡐࡀࡂࡓࡀ ࡅࡀࡉࡍࡀ ࡁࡉࡔࡕࡀ ࡅࡊࡀࡅࡉࡄࡕࡀ ࡅࡋࡅࡈࡀࡕࡀ ࡅࡀࡒࡓࡀࡉࡀࡕࡀ ࡅࡀࡕࡅࡀࡕ ࡖࡌࡄࡀࡌࡁࡀࡋࡀࡕࡀ ࡖࡉࡀࡕࡁࡉࡀ ࡋࡎࡀࡃࡀࡍࡉࡀ ࡏࡐࡉࡊࡉࡀ ࡌࡐࡀࡂࡌࡇ ࡌࡐࡀࡂࡌࡉࡋࡅࡍ ࡅࡌࡑࡀࡋࡐࡉࡋࡅࡍ ࡋࡁࡍࡇ ࡖࡀࡃࡀࡌ ࡌࡍࡀ ࡏࡎࡕࡊࡅࡍ ࡅࡄࡉࡆࡉࡍࡊࡅࡍ ࡕࡋࡀࡕࡀ ࡂࡅࡁࡓࡉࡀ ࡀࡁࡀࡄࡀࡕࡀࡍ ࡔࡀࡋࡌࡀࡍࡉࡀ ࡖࡋࡀࡄࡅࡍ ࡄࡀࡎࡉࡓࡉࡀ ࡉࡀࡕࡉࡓࡉࡀ ࡖࡋࡀࡄࡅࡍ ࡁࡑࡉࡓࡉࡀ ࡖࡃࡀࡁࡓࡉࡀ ࡅࡎࡀࡋࡒࡉࡀ ࡋࡒࡅࡃࡀࡌ ࡄࡉࡉࡀ ࡓࡁࡉࡀ ࡁࡔ ࡊࡉࡍࡀࡕࡅࡍ ࡅࡍࡎࡉࡁ ࡃࡀࡅࡋࡀ ࡄࡉࡅࡀࡓࡀ ࡁࡓ ࡀࡕࡅࡍࡀ ࡖࡋࡀࡌࡔࡀࡓࡀࡉ ࡖࡁࡌࡉࡀ ࡋࡀࡑࡁࡉࡀ ࡅࡏࡋ ࡀࡓࡒࡀ ࡋࡀࡌࡀࡕࡍࡀ ࡅࡍࡎࡉࡁࡋࡅࡍ ࡋࡌࡉࡀ ࡅࡊࡉࡍࡉࡀࡍࡅࡍ ࡅࡓࡀࡌࡉࡋࡅࡍ ࡁࡓࡉࡔࡀ ࡖࡉࡀࡓࡃࡍࡀ ࡅࡉࡀࡓࡃࡍࡀ ࡐࡔࡀࡓ ࡅࡀࡕࡀ ࡅࡁࡓࡉࡔ ࡐࡉࡓࡀ ࡅࡏࡌࡁࡀ ࡅࡏࡋࡀࡍࡀ ࡅࡁࡓࡉࡔ ࡁࡅࡈࡅࡍࡕࡀ ࡅࡌࡀ ࡅࡃࡀࡋࡀ ࡅࡁࡓࡉࡔ ࡎࡉࡁࡓࡀ ࡎࡀࡌࡀ ࡅࡀࡎࡅࡕࡀ ࡖࡀࡕࡀࡉࡕࡅࡍ ࡌࡉࡀ ࡋࡕࡉࡁࡉࡋ ࡅࡔࡕࡁࡀࡉࡕࡅࡍ ࡋࡀࡋࡌࡀ ࡖࡊࡅࡋࡇ ࡌࡀࡅࡃࡀࡋࡀ ࡋࡐࡀࡔࡅࡓࡉࡀ ࡊࡉࡁࡉࡀ ࡅࡋࡃࡀࡋࡅࡉࡉࡀ ࡊࡅࡋࡄࡉࡍ ࡍࡉࡊࡅࡕࡉࡀࡕࡀ ࡅࡋࡌࡉ{ࡊࡀࡐࡀࡓ}<ࡍࡐࡀࡑ> ࡊࡀࡍࡐࡇ ࡌࡍ ࡄࡉࡆࡃࡀ ࡅࡌࡉࡌࡕࡀ ࡒࡅࡌࡕࡇ ࡖࡂࡉࡁࡀ ࡅࡌࡉࡊࡀࡐࡀࡓ ࡀࡉࡍࡇ ࡌࡍ ࡃࡉࡌࡉࡄࡕࡀ ࡅࡋࡌࡉࡎࡀࡌࡅࡒࡉࡀ ࡀࡍࡐࡇ ࡖࡉࡅࡓࡀࡒࡉࡀ ࡅࡋࡌࡉࡔࡀࡓࡅࡉࡉࡀ ࡂࡉࡈࡓࡉࡀ ࡖࡌࡅࡕࡀ ࡅࡕࡀ ࡁࡅࡓࡉࡀ ࡄࡀࡕࡌࡉࡀ ࡖࡄࡔࡅࡊࡀ ࡁࡓࡉࡊ ࡄࡀ ࡉࡋࡀ ࡖࡌࡉࡀ ࡁࡓࡉࡊ ࡕࡀࡂࡀ ࡓࡁࡀ ࡖࡌࡉࡀ ࡁࡓࡉࡊࡀ ࡀࡎࡅࡕࡀ ࡓࡀࡁࡕࡉࡀ ࡖࡌࡉࡀ ࡌࡀࡔ ࡁࡉࡍࡀࡋࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡂࡀࡁࡓࡀ ࡖࡔࡀࡃࡓࡉࡍࡊࡅࡍ ࡌࡍ ࡊࡉࡍࡉࡀࡍࡊࡅࡍ ࡖࡍࡀࡐࡔࡀࡉࡊࡅࡍ ࡅࡐࡀࡋࡂࡉࡍࡊࡅࡍ ࡁࡍࡀࡄࡋࡉࡀ ࡆࡀࡁࡉࡀ ࡅࡀࡉࡍࡀࡍࡉࡀࡕࡀ ࡁࡌࡃࡉࡍࡀࡕ ࡏࡅࡕࡓࡉࡀ ࡁࡀࡓࡒࡀ ࡄࡉࡅࡀࡓࡕࡉࡀ ࡅࡁࡃࡀࡅࡓࡀ ࡖࡓࡅࡓࡁࡉࡀ ࡖࡁࡂࡀࡅࡀࡉࡄࡅࡍ ࡒࡀࡉࡌࡉࡀ ࡄࡅࡃࡀࡉࡉࡀ ࡉࡀࡕࡁࡉࡀ ࡎࡌࡀࡋࡀ ࡁࡓ ࡀࡉࡀࡓ ࡁࡀࡓࡀࡉࡀ ࡅࡃࡀࡅࡓࡀ ࡕࡀࡒࡍࡀ ࡀࡍࡀࡕࡅࡍ ࡌࡉࡀ ࡕࡉࡄࡅࡍ ࡎࡉࡊࡉࡍࡉࡀ ࡎࡒࡉࡋࡀࡕࡀ ࡅࡏࡑࡈࡌࡅࡌࡉࡀ ࡅࡀࡊࡋࡉࡀ ࡖࡐࡀࡓࡆࡋࡀ ࡏࡋ ࡎࡀࡄࡓࡉࡀ ࡅࡍࡉࡒࡁࡀ ࡓࡁࡀ ࡖࡂࡋࡀࡋࡀ ࡏࡋ ࡃࡀࡉࡅࡉࡀ ࡅࡋࡉࡋࡉࡀࡕࡀ ࡄࡅࡌࡓࡉࡀ ࡁࡉࡔࡀࡕࡀ ࡅࡕࡉࡄࡅࡉࡋࡇ ࡋࡄࡀࡆࡉࡍ ࡍࡉࡔࡉࡌࡕࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡄࡉࡓࡁࡀ ࡅࡎࡉࡌࡀࡊࡉࡀ ࡅࡌࡐࡀࡓࡒࡀࡍࡉࡀ ࡕࡉࡐࡀࡓࡒࡇ ࡅࡕࡀࡐࡒࡇ ࡌࡍ ࡀࡕࡅࡕࡉࡀ ࡀࡎࡀࡓ ࡏࡃࡀࡉࡄࡅࡍ ࡖࡁࡉࡔࡉࡀ ࡅࡌࡍ ࡀࡕࡅࡕࡉࡀ ࡈࡅࡐࡓࡀࡉࡄࡅࡍ ࡖࡂࡅࡁࡓࡉࡀ ࡌࡄࡀࡔࡀࡁࡀࡍࡉࡀ ࡅࡌࡍ ࡓࡀࡆࡀ ࡅࡓࡉࡌࡆࡀ ࡅࡀ ࡓࡆࡀࡁࡀࡍࡉࡀ ࡖࡁࡀࡉࡕࡀ ࡅࡌࡍ ࡀࡓࡊࡅࡍࡉࡀ ࡖࡌࡓࡀࡓࡀ ࡕࡀࡐࡒࡅࡍࡇ ࡅࡕࡀࡓࡌࡅࡍࡇ ࡏࡋ ࡏࡑࡈࡅࡍࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡀࡕࡓࡀ ࡖࡔࡓࡀࡓࡀ ࡄࡉࡉࡀ ࡆࡀࡊࡉࡍ ࡎࡀ ࡞

 

ࡉࡀࡅࡀࡓ ࡁࡄࡉࡌࡀࡕ ࡆࡉࡅࡇ ࡐࡉࡓࡔࡀࡕ ࡍࡉࡑࡅࡁࡕࡀ ࡁࡉࡊࡉࡎࡉࡀ ࡄࡅࡀࡕ ࡋࡀࡅࡐࡀ ࡏࡋ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡁࡀࡃ ࡅࡊࡔࡀࡓ ࡔࡅࡌࡀࡉࡊࡅࡍ ࡐࡉࡓࡉࡀࡅࡉࡎ ࡒࡀࡓࡉࡋࡊࡅࡍ ࡌࡍ ࡏࡅࡑࡓࡉࡀ ࡖࡆࡉࡅࡀ ࡄࡅࡀࡉࡕࡅࡍ ࡅࡌࡍ ࡌࡀࡌࡁࡅࡂࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡏࡔࡕࡀࡐࡀࡉࡕࡅࡍ ࡌࡍ ࡄࡀࡉࡋࡀࡉࡊࡅࡍ ࡁࡂࡉࡓࡌࡀࡉࡍ ࡅࡌࡍ ࡕࡅࡒࡐࡀࡉࡊࡅࡍ ࡁࡄࡀࡍࡃࡀࡌࡀࡍ ࡅࡌࡍ ࡆࡉࡅࡀࡉࡊࡅࡍ ࡁࡀࡍࡐࡀࡍ ࡅࡌࡍ ࡍࡄࡅࡓࡀࡉࡊࡅࡍ ࡁࡀࡉࡍࡀࡍ ࡅࡌࡍ ࡕࡅࡒࡐࡀࡉࡊࡅࡍ ࡁࡌࡀࡍࡀࡍ ࡅࡌࡍ ࡁࡅࡎࡌࡀࡉࡊࡅࡍ ࡁࡐࡅࡌࡀࡍ ࡅࡌࡍ ࡎࡉࡂࡉࡀࡉࡊࡅࡍ ࡁࡋࡉࡂࡓࡀࡉ ࡄࡁࡅࡋࡉࡀ ࡄࡆࡉࡕࡀ ࡋࡀࡉࡍࡀࡉ ࡅࡋࡄࡀࡆࡀ ࡍࡉࡔࡉࡌࡕࡀࡉ ࡅࡐࡀࡂࡓࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡌࡀࡋࡀࡋࡀ ࡋࡏࡅࡎ{{}}<<ࡐ>>ࡀࡉ ࡅࡀࡃࡓࡀࡊࡕࡀ ࡏࡋ ࡋࡉࡂࡓࡀࡉ ࡄࡀࡉࡋࡀ ࡋࡋࡉࡂࡓࡀࡉ ࡄࡀࡉࡋࡀ ࡏࡋ ࡒࡅࡌࡕࡀࡉ ࡕࡓࡅࡑ ࡋࡉࡁࡀࡊ ࡋࡋࡉࡁࡀࡉ ࡅࡁࡀࡋࡀࡊ ࡋࡁࡀࡋࡀࡉ ࡅࡕࡓࡅࡑ ࡋࡉࡁࡀࡊ ࡁࡀࡕࡓࡇ ࡅࡕࡉࡄࡀࡊ ࡁࡃࡅࡊࡕࡇ ࡖࡏࡆࡉࡁ ࡅࡃࡌࡉࡈࡀࡍࡀࡐ ࡍࡉࡔࡕࡓࡉࡀ ࡍࡉࡔࡕࡓࡉࡀ ࡅࡃࡌࡉࡈࡀࡍࡀࡐ ࡍࡉࡃࡀࡊࡉࡀ ࡅࡈࡉࡔࡉࡈࡅࡉࡀ ࡍࡀࡅࡒࡓࡅࡉࡀ ࡅࡃࡎࡀࡍࡉࡋࡇ ࡍࡉࡓࡉࡄࡌࡅࡉࡀ ࡅࡁࡀࡁࡀ ࡖ ࡓࡀࡄࡌࡉࡀ ࡍࡉࡐࡕࡅࡋࡇ ࡏࡋ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡔࡅࡌࡀࡊ ࡌࡀࡍࡃࡀ ࡖࡄࡉࡉࡀ ࡌࡀࡓࡀࡉࡄࡅࡍ ࡖࡀࡎࡀࡅࡀࡕࡀ ࡍࡉࡄࡅࡉࡋࡇ ࡀࡍࡐࡉࡀ ࡔࡀࡐࡉࡓࡉࡀ ࡅࡐࡀࡓࡑࡅࡐࡉࡀ ࡓࡀࡅࡆࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡀࡍࡐࡉࡀ ࡔࡅࡌࡉࡀ ࡅࡀࡓࡒࡀ ࡅࡁࡀࡍࡐࡉࡀ ࡔࡀࡌࡉࡔ ࡅࡎࡉࡓࡀ ࡅࡁࡀࡍࡐࡉࡀ ࡉࡀࡌࡀ ࡅࡕࡓࡉࡍ ࡊࡉࡐࡇ ࡖࡉࡀࡌࡇ ࡅࡁࡀࡍࡐࡉࡀ ࡌࡋࡀࡊࡉࡀ ࡅࡔࡀࡄࡀࡓࡉࡀࡋࡉࡀ ࡅࡔࡅࡋࡈࡀࡍࡉࡀ ࡅࡁࡀࡍࡐࡉࡀ ࡄࡀࡆࡀࡉࡀ ࡅࡌࡀࡄࡆࡀࡉࡀ ࡅࡁࡀࡍࡐࡉࡀ ࡀࡍࡀࡔࡉࡀ ࡖࡄࡀࡆࡉࡋࡉࡀ ࡍࡉࡓࡉࡄࡌࡅࡍ ࡅࡍࡉࡔࡀࡁࡅࡉࡀ ࡅࡍࡉࡔࡀࡁࡀ ࡁࡂࡀࡁࡀࡓࡅࡀࡕࡀ ࡖࡀࡁࡀࡄࡀࡕࡀࡍ ࡅࡌࡀࡍࡃࡀ ࡖࡄࡉࡉࡀ ࡋࡃࡀࡓࡃࡀࡓࡉࡀ ࡅࡋࡀࡋࡀࡌ ࡀࡋࡌࡉࡀ ࡄࡉࡉࡀ ࡆࡀࡊࡏࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡌࡀࡍࡃࡀ ࡖࡄࡉࡉࡀ ࡁࡆࡀࡊࡅࡀࡕࡀ ࡍࡉࡒࡀࡉࡉࡌ ࡎࡀ ࡞

 

ࡉࡅࡓ ࡁࡄࡉࡌࡀࡕ ࡆࡉࡅࡀ ࡐࡉࡓࡔࡀࡕ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡁࡀࡃ ࡅࡊࡔࡀࡓ ࡔࡅࡌࡀࡉࡊࡅࡍ ࡐࡉࡓࡉࡀࡅࡉࡎ ࡒࡀࡓࡉࡋࡊࡅࡍ ࡌࡍ ࡄࡀࡉࡋࡀࡉࡊࡅࡍ ࡁࡂࡉࡓࡌࡀࡍ ࡅࡌࡍ ࡕࡅࡒࡐࡀࡉࡊࡅࡍ ࡁࡄࡀࡍࡃࡀࡌࡀࡍ ࡅࡌࡍ ࡆࡉࡅࡀࡉࡊࡅࡍ ࡁࡀࡍࡐࡀࡍ ࡅࡌࡍ ࡍࡄࡅࡓࡀࡉࡊࡅࡍ ࡁࡀࡉࡍࡀࡍ ࡅࡌࡍ ࡎࡉࡂࡉࡀࡉࡊࡅࡍ ࡁࡋࡉࡂࡓࡀࡍ ࡀࡍࡀࡕࡅࡍ ࡌࡉࡀ ࡄࡉࡉࡀ ࡖࡏࡋࡀࡅࡉࡀ ࡅࡀࡍࡄࡀࡓࡅࡋࡉࡀ ࡋࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡀࡍࡐࡉࡀ ࡄࡀࡆࡉࡀࡉ ࡅࡌࡀࡄࡆࡉࡀࡉ ࡍࡉࡉࡅࡋ ࡁࡆࡉࡅࡀࡉࡊࡅࡍ ࡅࡍࡉࡐࡅࡒ ࡁࡀࡍࡄࡅࡓࡀࡉࡊࡅࡍ ࡅࡍࡉࡒࡅࡌ ࡁࡄࡀࡉࡋࡀࡉࡊࡅࡍ ࡍࡉࡔࡁࡅࡒࡋࡀࡍ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡅࡎࡊࡉࡋࡀࡕࡀࡍ ࡅࡕࡉࡒࡀࡋࡀࡕࡀࡍ ࡅࡔࡀ ࡁࡀࡔࡀࡕࡀࡍ ࡃࡅࡊࡕࡀ ࡖࡌࡋࡀࡊࡉࡀ ࡀࡍࡀࡕࡅࡍ ࡄࡉࡉࡀ ࡕࡉࡆࡀࡋ ࡕࡉࡆࡋࡅࡍ ࡅࡕࡉࡐࡋࡅࡍ ࡅࡕࡉࡄࡅࡍ ࡀࡎࡅࡕࡀ ࡖࡓࡁࡀ ࡅࡋࡀࡆࡅࡈࡀ ࡅࡄࡉࡉࡀ ࡆࡀࡊࡉࡍ ࡎࡀ ࡞

 

ࡉࡅࡓ ࡁࡄࡉࡌࡀࡕ ࡆࡉࡅࡀ ࡐࡉࡓࡔࡀࡕ ࡅࡍࡉࡑࡅࡁࡕࡀ ࡁࡊࡉࡎࡉࡀ ࡄࡅࡀ ࡋࡀࡅࡐࡀ ࡋࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡀࡁࡀࡃ ࡅࡊࡔࡀࡓ ࡔࡅࡌࡀࡉࡊࡅࡍ ࡌࡍ ࡏࡅࡑࡓࡉࡀ ࡖࡆࡉࡅࡀ ࡄࡅࡀࡉࡕࡅࡍ ࡏࡅ ࡌࡍ ࡐࡉࡓࡉࡀࡅࡉࡎ ࡒࡓࡉࡍࡀࡋࡊࡅࡍ ࡌࡍ ࡌࡀࡌࡁࡅࡂࡉࡀ ࡓࡅࡓࡁࡉࡀ ࡖࡍࡄࡅࡓࡀ ࡄࡅࡀࡉࡕࡅࡍ ࡅࡌࡍ ࡄࡀࡉࡋࡀࡉࡊࡅࡍ ࡁࡂࡉࡓࡌࡀ ࡖࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡌࡍ ࡆࡉࡅࡀࡉࡊࡅࡍ ࡁࡀࡍࡐࡀࡉ ࡅࡌࡍ ࡍࡄࡅࡓࡀࡉࡊࡅࡍ ࡁࡀࡉࡍࡀࡉ ࡅࡌࡍ ࡎࡉࡂࡉࡀࡉࡊࡅࡍ ࡁࡋࡉࡂࡓࡀࡉ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡖࡄࡀࡆࡉࡍ ࡏࡑࡈࡅࡍࡀ ࡄࡉࡊࡋࡀ ࡖࡀࡆࡋࡉࡕࡅࡋࡇ ࡕࡉࡄࡅࡍ ࡀࡊࡋࡀ ࡖࡐࡀࡓࡆࡋࡀ ࡅࡍࡀࡓࡂࡉࡀ ࡓࡅࡓࡁࡉࡀ ࡖࡔࡉࡓࡉࡀࡕࡀ ࡋࡆࡉࡓࡇ ࡖࡔࡉࡃࡉࡀ ࡅࡋࡁࡀࡆࡉࡓࡀ ࡓࡁࡀ ࡖࡋࡉࡋࡉࡀࡕࡀ ࡖ ࡕࡉࡔࡉࡌࡕࡅࡍ ࡅࡕࡉࡐࡉࡎࡒࡅࡍ ࡅࡕࡀࡆࡉࡄࡅࡍ ࡅࡕࡉࡔࡉࡒࡋࡅࡍ ࡑࡉࡑࡋࡉࡀ ࡌࡍ ࡑࡀࡉࡃࡀ ࡖ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡂࡅࡍࡀࡄࡀ ࡌࡍ ࡓࡉࡔࡉࡀ ࡅࡁࡉࡓࡅࡒࡕࡀ ࡌࡍ ࡀࡉࡍࡇ ࡅࡔࡀࡌࡓࡉࡓࡉࡀ ࡌࡍ ࡍࡄࡉࡓࡇ ࡅࡔࡀࡍࡂࡃࡉࡀ ࡌࡍ ࡀࡐࡒࡅࡕࡇ ࡅࡃࡉࡁࡒࡀ ࡅࡌࡉࡓࡎࡀ ࡅࡌࡉࡓࡕࡀ ࡌࡍ ࡐࡅࡌࡇ ࡖࡒࡅࡓࡒࡁࡀࡍࡇ ࡅࡔࡀࡄࡀࡉࡕࡀ ࡅࡂࡀࡈࡀࡐࡕࡀ ࡌࡍ ࡊࡅࡋࡄࡅࡍ ࡄࡉࡍࡃࡀࡌࡉࡀ ࡖࡐࡀࡂࡓࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡌࡀࡅࡌࡉࡍࡀࡋࡊࡅࡍ ࡅࡌࡔࡀࡁࡉࡍࡀࡋࡊࡅࡍ ࡌࡉࡀ ࡁࡐࡉࡓࡅࡍ ࡏࡅࡕࡓࡀ ࡖࡒࡀࡉࡉࡌ ࡋࡐࡅࡌࡀࡉࡄࡅࡍ ࡖࡆࡀࡁࡉࡀ ࡅࡌࡉࡑࡀࡓࡋࡊࡅࡍ ࡌࡉࡑࡓࡀ ࡅࡊࡉࡐࡇ ࡖࡉࡀࡓࡃࡍࡀ ࡅࡏࡋ ࡊࡀࡍࡀ ࡓࡁࡀ ࡖࡀࡎࡀࡅࡀࡕࡀ ࡄࡀࡆࡉࡍ {ࡄࡉ}<ࡀ>ࡊࡋࡀ ࡖࡐࡀࡓࡆࡋࡀ ࡅࡍࡀࡓࡂࡀ ࡓࡁࡀ ࡖࡔ^ࡉ^ࡓࡉ^ࡀ^ࡕࡀ ࡕࡉࡌࡄࡅࡍ ࡅࡕࡉࡐࡒࡅࡍ ࡅࡕࡀࡆࡉࡄࡅࡍ ࡅࡕࡉࡔࡉࡌࡕࡅࡍ ࡅࡕࡉࡔࡉࡒࡋࡅࡍ ࡊࡅࡋࡄࡅࡍ ࡊࡅࡄࡓࡀࡍࡉࡀ ࡅࡍࡉࡄࡅࡍ ࡀࡊࡋࡉࡀ ࡓࡅࡓࡁࡉࡀ ࡖࡔࡉࡓࡉࡀࡕࡀ ࡕࡉ<ࡌ>ࡄࡅࡍ ࡅࡕࡉࡐࡒࡅࡍ ࡅࡕࡀࡆࡉࡄࡅࡍ ࡅࡕࡉࡔࡉࡌࡕࡅࡍ ࡊࡅࡋࡄࡅࡍ ࡊࡅࡄࡓࡀࡍࡉࡀ ࡅࡊࡉࡁࡉࡀ ࡅࡍࡉࡄࡅࡍ ࡀࡊࡋࡉࡀ ࡓࡅࡓࡁࡉࡀ ࡖࡐࡀࡓࡆࡋࡀ ࡅࡍࡀࡓࡂࡉࡀ ࡓࡅࡓࡁࡉࡀ ࡖࡔࡉࡓࡉࡀࡕࡀ ࡋࡆࡉࡓࡀ ࡖࡔࡉࡃࡉࡀ ࡅࡋࡁࡀࡆࡉࡓࡀ ࡖࡋࡉࡋࡉࡀࡕࡀ ࡅࡋࡄࡉࡍࡂࡉࡀ ࡎࡀࡉࡍࡉࡀ ࡅࡋࡄࡀࡓࡔࡉࡀ ࡁࡉࡔࡉࡀ ࡅࡋࡂࡃࡅࡋࡉࡀ ࡁࡀࡈࡋࡉࡀ ࡅࡋࡎࡀࡃࡀࡍࡉࡀ ࡏࡐࡉࡊࡉࡀ ࡅࡋࡃࡌࡀࡅࡀࡕࡀ ࡖࡄࡔࡅࡊࡀ ࡅࡀࡎࡅࡕࡀ ࡕࡉࡄࡅࡉࡋࡇ ࡋࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡄࡕࡉࡌࡉࡕࡅࡍ ࡌࡉࡀ ࡅࡌࡄࡀࡕࡌࡉࡕࡅࡍ ࡌࡉࡀ ࡁࡄࡀࡄࡅ ࡂࡉࡋ ࡂࡉࡋ ࡏࡅࡕࡓࡀ ࡃࡀࡉࡀࡍࡀ ࡌࡀࡍࡀ ࡓࡁࡀ ࡓࡉࡔࡀࡉࡀ ࡖࡄࡕࡉࡌࡁࡇ ࡔࡅࡌࡉࡀ ࡅࡀࡓࡒࡀ ࡅࡀࡎࡅࡕࡀ ࡕࡉࡄࡅࡉࡋࡇ ࡋࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡄࡉࡉࡀ ࡆࡀࡊࡉࡍ ࡎࡀ ࡞

 

ࡄࡀࡆࡉࡍ ࡐࡅࡂࡃࡀࡌࡀ ࡎࡀࡁ ࡊࡅࡆࡀ ࡄࡉࡅ<ࡓ>ࡀ ࡁࡓ ࡀࡕࡅࡍࡀ ࡖࡋࡀࡌࡔࡀࡓࡀࡉ ࡅࡂࡓࡅࡐ ࡌࡉࡀ ࡖࡎࡀࡂࡉࡍ ࡌࡍ ࡉࡀࡓࡃࡍࡀ ࡅࡒࡓࡉࡀ ࡏࡋࡇ ࡅࡈࡓࡉࡋࡇ ࡋࡌࡀࡍ ࡖࡄࡈࡉࡌ ࡅࡈࡓࡉࡋࡇ ࡕࡋࡀࡕࡀ ࡆࡉࡁࡍࡉࡀ ࡁࡀࡍࡐࡇ ࡅࡁࡇ ࡓࡀࡈࡉࡍ ࡄࡀࡅࡉࡀ ࡀࡎࡅࡕࡀ ࡎࡀ ࡞

 

ࡔࡅࡌ ࡌࡉࡀ ࡀࡌࡉࡍ ࡌࡉࡀ ࡍࡉࡔࡀࡓ ࡌࡉࡀ ࡀࡁࡀࡃ ࡅࡊࡔࡀࡓ ࡌࡉࡀ ࡀࡌࡉࡍ ࡌࡉࡀ ࡌࡉࡐࡉࡋ ࡌࡉࡀ ࡄࡉࡉࡀ ࡋࡐࡅࡌࡇ ࡖࡂࡀࡁࡓࡀ ࡆࡀࡃࡉࡒࡀ ࡍࡉࡐࡋࡅࡍ ࡋࡍࡅࡓࡀ ࡖࡏࡕࡋࡇ ࡁࡋࡉࡁࡇ ࡅࡀࡕࡅࡕࡉࡀ ࡏࡒࡁࡇ ࡖࡋࡉࡔࡀࡍࡇ ࡅࡋࡌࡄࡀࡔࡀࡁࡀࡕࡀ ࡁࡉࡔࡀࡕࡀ ࡖࡔࡓࡉࡋࡇ ࡁࡋࡉࡁࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡋࡀࡍࡀࡔࡉࡀ ࡖࡂࡍࡏࡉࡉࡀ ࡅࡃࡉࡀࡕࡁࡉࡀ ࡅࡃࡀࡕࡉࡍ ࡋࡒࡅࡃࡀࡌࡇ ࡄࡃࡀࡓ ࡄࡅࡃࡓࡀࡍࡀ ࡅࡕࡉࡃࡀࡊ ࡍࡅࡓࡀ ࡖࡁࡉࡔࡉࡀ ࡅࡀࡎࡅࡕࡀ ࡕࡉࡄࡅࡉࡋࡇ ࡏࡋ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ ࡞

 

ࡏࡋ ࡐࡅࡌࡀ ࡖࡁࡉࡔࡉࡀ ࡍࡅࡓࡀ ࡅࡋࡐࡅࡌࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡍࡄࡅࡓࡀ ࡅࡈࡀࡁࡅࡕࡀ ࡅࡆࡀࡊࡅࡕࡀ ࡔࡓࡉࡍ ࡌࡉࡀ ࡐࡉࡔࡓࡅࡍ ࡐࡉࡓࡉࡀࡅࡉࡎ ࡉࡀࡓࡃࡍࡀ ࡖࡌࡉࡀ ࡉࡅࡔࡀࡌࡉࡍ ࡍࡉࡑࡅࡁࡕࡀ ࡖࡌࡉࡀ ࡄࡉࡉࡀ ࡏࡋ ࡐࡅࡌ ࡖࡁࡉࡔࡉࡀ ࡍࡅࡓࡀ ࡅࡍࡅࡓࡀ ࡖࡁࡉࡔࡉࡀ ࡕࡉࡃࡅࡊ ࡅࡍࡉࡕࡓࡀࡄࡒࡅࡍ ࡖࡉࡀࡕࡁࡉࡀ ࡕࡀࡅࡌࡉࡀ ࡖࡓࡅࡄࡀ ࡅࡍࡉࡁࡈࡀࡋ ࡓࡀࡆࡀࡉࡄࡅࡍ ࡖࡁࡉࡔࡉࡀ ࡅࡔࡉࡁࡉࡀࡄࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡎࡀ ࡞

 

ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡍࡀࡕࡅࡍ ࡌࡍ ࡀࡕࡓࡀ ࡖࡍࡐࡉࡔ ࡀࡕࡀࡉࡕࡅࡍ ࡅࡌࡍ ࡁࡉࡕ ࡄࡉࡉࡀ ࡀࡔࡕࡀࡐࡀࡉࡕࡅࡍ ࡋࡌࡉࡆࡀࡋ ࡋࡐࡅࡌࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡕࡉࡐࡉࡔࡓࡅࡍ ࡅࡕࡉࡐࡒࡅࡍ ࡌࡉࡍࡇ ࡅࡕࡉࡃࡀࡄࡊࡅࡍ ࡍࡅࡓࡀ ࡅࡕࡉࡄࡅࡉࡋࡉࡀ ࡀࡎࡅࡕࡀ ࡋࡃࡉࡋࡉࡀ ࡅࡍࡉࡕࡀࡎࡉࡀ ࡅࡍࡉࡃࡀࡋࡉࡀ ࡄࡀࡆࡉࡍ ࡐࡀࡂࡓࡀ ࡖࡀࡆࡋࡉࡕࡅࡋࡇ ࡅࡀࡎࡅࡕࡀ ࡕࡉࡄࡅࡉࡋࡇ ࡋࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡌࡍ ࡄࡉࡉࡀ ࡄࡉࡉࡀ ࡆࡀࡊࡉࡍ ࡎࡀ ࡞

 

ࡏࡋࡀࡊ ࡁࡔࡅࡌࡀࡊ ࡒࡓࡀࡉࡕࡀࡊ ࡔࡕࡉࡀࡌࡀ ࡓࡁࡀ ࡖࡌࡉࡀ ࡄࡉࡉࡀ ࡂࡀࡍࡆࡉࡁࡓࡀ ^ࡖࡏࡅࡕࡓࡉࡀ^ ࡁࡍࡉࡀ ࡍࡄࡅࡓࡀ ࡎࡀࡁ ࡃࡀࡅࡋࡀ ࡄࡉࡅࡀࡓࡀ ࡖࡋࡀࡌࡔࡀࡓࡀࡉ ࡅࡀࡄࡁࡀࡋࡉࡀ ࡖࡏࡐࡔࡀࡓ ࡃࡀࡅࡋࡀ ࡖࡌࡉࡀ ࡌࡍ ࡉࡀࡓࡃࡍࡀ ࡖࡀࡎࡀࡅࡀࡕࡀ ࡅࡌࡃࡅࡋࡉࡀ ࡈࡀࡁࡀ ࡖࡀࡎࡉࡌ ࡀࡎࡉࡀ ࡖࡌࡉࡀ ࡅࡌࡃࡅࡋࡉࡀࡄࡅࡍ ࡖࡌࡃࡀࡋࡀࡅࡀࡕࡀ ࡄࡅࡀ ࡔࡀࡓࡉࡀ ࡏࡋࡀࡊ ࡉࡀࡓࡃࡍࡀ ࡋࡀࡎࡅࡕࡀ ࡖࡏࡅࡕࡓࡉࡀ ࡋࡍࡉࡔࡉࡌࡕࡀ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡌࡍ ࡄࡀࡓࡔࡉࡀ ࡅࡄࡉࡉࡀ ࡆࡀࡊࡏࡉࡍ ࡎࡀ ࡞

 

ࡌࡔࡀࡁࡉࡕ ࡀࡁ ࡌࡉࡀ ࡅࡌࡔࡀࡁࡉࡕ ࡆࡉࡅࡀ ࡓࡁࡀ ࡖࡌࡉࡀ ࡖࡋࡀࡁࡀࡈࡉࡋ ࡅࡌࡔࡀࡁࡉࡕ ࡍࡄࡅࡓࡀ ࡓࡁࡀ ࡖࡌࡉࡀ ࡖࡋࡀࡌࡉࡔࡕࡀࡍࡉࡀ ࡅࡌࡔࡀࡁࡉࡕ ࡀࡃࡉࡀࡅࡓࡀ ࡖࡌࡉࡀ ࡅࡌࡔࡀ ࡁࡉࡕ ࡏࡌࡓࡀ ࡅࡔࡉࡌࡀ ࡖࡌࡉࡀ ࡅࡌࡔࡀ ࡁࡉࡕ ࡀࡃࡉࡀࡅࡓࡀ ࡅࡓࡅࡀࡄࡀ ࡖࡌࡉࡀ ࡌࡔࡀࡁࡉࡕࡅࡍ ࡏࡑࡈࡋࡉࡀ ࡖࡆࡉࡅࡀ ࡅࡈࡀࡓࡈࡀࡁࡅࡍࡉࡀ ࡈࡀࡁࡉࡀ ࡃࡀࡊࡉࡉࡀ ࡖࡍࡄࡅࡓࡀ ࡖࡌࡉࡀ ࡌࡔࡀࡁࡉࡕࡅࡍ ࡊࡋࡉࡋࡉࡀ ࡊࡋࡉࡋ ࡆࡀࡊࡀࡅࡀࡕࡀ ࡖࡌࡉࡀ ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ ࡂࡀࡁࡓࡀ ࡖࡒࡀࡋࡀ ࡒࡓࡀ ࡁࡂࡅ ࡌࡉࡀ ࡅࡔࡊࡉࡍࡕࡇ ࡔࡊࡀࡍ ࡁࡂࡅ ࡌࡉࡀ ࡐࡓࡀࡔ ࡐࡓࡀࡔࡀ ࡁࡂࡅ ࡌࡉࡀ ࡐࡔࡀࡓ ࡐࡉࡔࡓࡀ ࡖࡐࡔࡀࡓ ࡏࡅࡕࡓࡉࡀ ࡀࡁࡍࡉࡀ ࡍࡄࡅࡓࡀ ࡅࡁࡍࡉࡀ ࡁࡉࡍࡉࡀࡍࡀ ࡖࡓࡅࡓࡁࡉࡀ ࡉࡀࡕࡁࡉࡀ ࡏࡒࡀࡓࡀ ࡁࡔࡊࡉࡍࡀࡕࡅࡍ ࡌࡉࡀ ࡀࡍࡀࡕࡅࡍ ࡄࡉࡉࡀ ࡀࡊࡋࡉࡀ ࡄࡃࡀࡃࡉࡀ ࡀࡍࡀࡕࡅࡍ ࡄࡁࡅࡋࡉࡀ ࡃࡀࡅࡋࡀ ࡖࡌࡉࡀ ࡄࡉࡅࡀࡓࡀ ࡁࡉࡋࡅࡓࡉࡀ ࡍࡑࡉࡁࡉࡀ ࡏࡕࡉࡕࡉࡀ ࡅࡕࡅࡔࡋࡌࡉࡀ ࡄࡉࡉࡀ ࡃࡀࡊࡉࡉࡀ ࡅࡒࡀࡉࡀࡌࡉࡀ ࡖࡀࡕࡉࡅࡉࡀ ࡋࡏࡉࡋ ࡋࡏࡉࡋ ࡅࡌࡍ ࡏࡋࡀࡅࡉࡀ ࡃࡀࡅࡓࡀ ࡄࡉࡊࡋࡀ ࡀࡕࡀࡉࡕࡅࡍ ࡌࡍ ࡈࡅࡓࡉࡀ ࡖࡏࡋࡀࡅࡉࡀ ࡈࡅࡓࡉࡀ ࡅࡌࡍ ࡀࡓࡀࡌࡀࡕࡀ ࡖࡏࡋࡀࡅࡉࡀ ࡀࡓࡀࡌࡀࡕࡀ ࡅࡌࡍ ࡐࡀࡒࡀࡕࡀ ࡖࡏࡋࡀࡅࡉࡀ ࡐࡀࡒࡀࡕࡀ ࡀࡍࡀࡕࡅࡍ ࡌࡉࡀ ࡖ ࡁࡈࡅࡓࡉࡀ ࡖࡀࡕࡀࡉࡕࡅࡍ ࡅࡁࡀࡓࡀࡌࡀࡕࡀ ࡖࡋࡀ ࡏࡕࡁࡀࡃࡀࡓࡕࡅࡍ ࡋࡐࡀࡂࡓࡇ ࡅࡍࡉࡔࡉࡌࡕࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡁࡅࡊࡓࡀ ࡒࡀࡃࡌࡀࡉࡀ ࡍࡐࡀࡋࡕࡅࡍ ࡅࡋࡀ ࡏࡈࡀࡍࡀࡐࡕࡅࡍ ࡁࡉࡔࡀ ࡁࡓ ࡁࡉࡔࡀ ࡖࡄࡆࡉࡍࡊࡅࡍ ࡁࡓ ࡊࡀࡍࡀ ࡖࡄࡔࡅࡊࡀ ࡁࡓ ࡄࡀࡈࡉࡀ ࡖࡋࡀࡏࡕࡉ ࡒࡓࡉࡀ ࡋࡏࡅࡄࡓࡀ ࡖࡄࡉࡉࡀ ࡅࡋࡀࡌࡆࡀࡌࡀࡍ ࡋࡔࡁࡉࡋࡀ ࡖࡂࡅࡁࡓࡉࡀ ࡆࡀࡃࡉࡒࡉࡀ ࡅࡔࡃࡀ ࡏࡃࡇ ࡋࡐࡅࡌࡇ ࡅࡓࡀࡒ ࡓࡅࡒࡀ ࡖࡌࡉࡓࡕࡀ ࡅࡓࡌࡀࡁࡊࡅࡍ ࡔࡕࡐࡉࡋ ࡅࡍࡐࡀࡋ ࡏࡋࡀࡅࡀࡉࡊࡅࡍ ࡊࡉࡁࡉࡀ ࡔࡉࡁࡈࡉࡀ ࡓࡉࡃࡉࡀ ࡅࡓࡅࡌࡀࡉࡉࡀ ࡅࡌࡀࡋࡅࡀࡈࡉࡀ ࡖࡔࡓࡏࡉࡀ ࡁࡐࡀࡂࡓࡉࡀ ࡀࡉࡍࡀࡉࡄࡅࡍ ࡖࡄࡉࡉࡀ ࡖࡄࡆࡀࡕࡉࡍࡊࡅࡍ ࡌࡀࡍࡀ ࡏࡎࡕࡊࡉࡀ ࡄࡆࡉࡍࡊࡅࡍ ࡕࡋࡀࡕࡀ ࡂࡅࡁࡓࡉࡀ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡕࡅࡔࡋࡉࡌࡉࡀ ࡎࡃࡉࡓࡉࡀ ࡅࡌ ࡎࡀࡃࡓࡉࡀ ࡏࡅࡕࡓࡉࡀ ࡄࡃࡉࡃࡉࡀ ࡖࡉࡀࡕࡁࡉࡀ ࡋࡎࡌࡀࡋࡀ ࡅࡉࡀࡕࡁࡉࡀ ࡋࡉࡀࡌࡉࡍࡀ ࡖࡁࡍ<ࡉ>ࡀ ࡔࡅࡓࡅࡁࡕࡀ ࡄࡀࡉࡕࡀ ࡏࡓࡕࡀ ࡅࡓࡀࡅࡀࡆࡕࡀ ࡅࡕࡀࡒࡅࡍࡕࡀ ࡂࡅࡁࡓࡉࡀ ࡋࡁࡉࡔࡉࡀ ࡆࡉࡅࡀ ࡅࡍࡄࡅࡓࡀ ࡌࡊࡀࡎࡉࡀ ࡊࡋࡉࡋࡉࡀ ࡖࡆࡀࡊࡀࡅࡀࡕࡀ ࡁࡓࡉࡔࡀࡉࡅࡍ ࡕࡓࡉࡑࡋࡅࡍ ࡅࡍࡄࡉࡕ ࡅࡍࡄࡀࡂࡁࡇ ࡄࡉࡍࡂࡀ ࡁࡕࡉࡁࡉࡋ ࡅࡈࡀࡋࡀࡋࡁࡇ ࡈࡀࡋࡅࡋࡀ ࡁࡀࡋࡌࡀ ࡄࡀࡆࡉࡍ ࡖࡄࡔࡅࡊࡀ ࡅࡎࡋࡉࡒ ࡄࡀࡅࡒࡀ ࡅࡆࡉࡅࡉࡄࡕࡀ ࡅࡊࡎࡉࡍࡅࡍ ࡋࡌࡀࡓࡇ ࡖࡁࡀࡉࡕࡇ ࡁࡀࡁࡀࡉࡕࡀࡉࡅࡍ ࡅࡁࡀࡉࡕࡇ ࡍࡀࡃ ࡄࡉࡊࡋࡀ ࡅࡁࡉࡍࡉࡀࡍࡀ ࡏࡔࡕࡀࡓࡄࡀࡆ ࡅࡉࡀࡌࡉࡍ ࡌࡀࡓࡉࡀ ࡖࡁࡀࡉࡕࡀ ࡏࡃࡉࡋࡌࡀ ࡄࡀࡆࡉࡍ ࡅࡀࡌࡓࡉࡀ ࡄࡉࡓࡁࡀ ࡁࡃࡀࡓࡉࡀ ࡍࡉࡔࡁࡅࡒ ࡅࡈࡅࡐࡀࡍࡉࡀ ࡅࡉࡀࡒࡃࡀࡍࡉࡀ ࡖࡍࡅࡓࡀ ࡁࡃࡀࡓࡉࡀ ࡍࡉࡔࡁࡅࡒ ࡅࡌࡉࡀ ࡁࡃࡀࡓࡉࡀ ࡍࡉࡔࡁࡅࡒ ࡋࡄࡀࡌࡁࡅࡋࡉࡀ ࡐࡀࡂࡓࡉࡀ ࡖࡂࡁࡉࡋࡉࡀ ࡁࡉࡎࡓࡀ ࡅࡆࡌࡀ ࡅࡀࡌࡓࡉࡀ ࡕࡋࡀࡕࡀ ࡂࡅࡁࡓࡉࡀ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡀࡍࡏࡍ ࡁࡄࡉࡓࡁࡀ ࡋࡀࡏࡕࡉࡍࡎࡉࡁࡍࡉࡍ ࡅࡁࡉࡀࡒࡃࡀࡍࡉࡀ ࡖࡍࡅࡓࡀ ࡋࡀࡏࡒࡉࡃࡍࡉࡍ ࡅࡁࡈࡅࡐࡀࡍࡉࡀ ࡌࡉࡀ ࡋࡀࡈࡀࡐࡍࡉࡍ ࡀࡓࡒࡀ ࡌࡎࡀࡍࡅࡍ ࡌࡉࡀ ࡋࡀࡏࡑࡈࡁࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡉࡕࡋࡀࡕࡀ ࡂࡅࡁࡓࡉࡀ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡕࡅࡔࡋࡉࡌࡉࡀ ࡒࡓࡉࡀ ࡄࡃࡀ ࡒࡀࡉࡉࡌ ࡁࡓࡉࡔࡀ ࡖࡃࡀࡓࡀ ࡄࡃࡀ ࡒࡀࡉࡉࡌ ࡁࡔࡉࡄࡋࡀ ࡖࡃࡀࡓࡀ ࡅࡕࡉࡕࡀࡉࡀ ࡍࡀࡎࡉࡁ ࡅࡉࡀࡄࡉࡁ ࡋࡌࡉࡑࡀࡉࡀ ࡅࡌࡉࡑࡀࡉࡀ ࡉࡀࡄࡉࡁ ࡋࡓࡉࡔࡀࡉࡀ ࡅࡓࡉࡔࡀࡉࡀ ࡅࡌ{ࡉ}<ࡀ>ࡔࡓࡉࡀ ࡒࡀࡋࡀ ࡅࡌࡒࡀࡓࡉࡋࡇ ࡅࡌࡀࡎࡉࡒࡋࡇ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡌࡍ ࡀࡒࡀ ࡋࡓࡅࡀࡄࡀ ࡅࡌࡍ ࡔࡀࡐࡋࡅࡕࡀ ࡋࡌࡀ ࡋࡉࡅࡕࡀ ࡅࡌࡍ ࡈࡏࡉࡀ ࡋࡔࡓࡀࡓࡀ ࡅࡌࡍ ࡓࡅࡄ ࡈࡏࡉࡀ ࡄࡀࡌࡁࡀࡋࡕࡀ ࡌࡍ ࡄࡀࡓࡔࡉࡀ ࡁࡉࡔࡉࡀ ࡅࡌࡍ ࡎࡀࡃࡀࡍࡉࡀ ࡏࡐࡉࡊࡉࡀ ࡅࡌࡍ ࡊࡉࡁࡉࡀ ࡅࡌࡀࡎࡀࡎࡉࡀ ࡅࡌࡍ ࡌࡀࡄࡓࡀ ࡁࡉࡔࡀ ࡅࡌࡍ ࡏࡅࡁࡀࡃࡉࡀ ࡎࡀࡉࡍࡉࡀ ࡖࡄࡔࡅࡊࡀ ࡅࡌࡍ ࡊࡅࡋࡄࡅࡍ ࡂࡉࡍࡉࡀࡍࡉࡀ ࡖࡏࡕࡉࡂࡍࡀࡁࡅࡍ ࡅࡏࡕࡂࡀࡉࡀࡓࡁࡅࡍ ࡁࡐࡀࡂࡓࡀࡉ ࡃࡉࡋࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡍࡉࡐࡉࡓࡔࡅࡍ ࡅࡍࡉࡐࡒࡅࡍ ࡅࡍࡉࡎࡒࡅࡍ ࡋࡕࡀࡎࡍࡉࡒࡉࡀ ࡖࡀࡓࡒࡀ ࡕࡉࡕࡀࡉࡕࡀ ࡖࡄࡔࡅࡊࡀ ࡃࡅࡊࡕࡀ ࡖࡔࡀࡌࡉࡔ ࡋࡀࡃࡀࡄࡍࡀ ࡅࡎࡉࡓࡀ ࡀࡍࡐࡇ ࡋࡀࡌࡄࡀࡅࡉࡀ ࡅࡊࡅࡊࡁࡉࡀ ࡅࡆࡉࡒࡐࡉࡀ ࡅࡌࡀࡍࡆࡀࡋࡉࡀ ࡖࡔࡅࡌࡉࡀ ࡄࡀࡕࡀࡌ ࡄࡀࡔࡅࡊ ࡍࡄࡅࡓࡀࡉࡄࡅࡍ ࡅࡋࡀࡍࡀࡄࡓࡉࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡌࡉࡀ ࡅࡌࡀ ࡅࡌࡉࡍࡀࡋࡊࡅࡍ ࡁࡏࡅࡕࡓࡉࡀ ࡕࡋࡀࡕࡀ ࡒࡀࡃࡌࡀࡉࡉࡀ ࡖࡆࡉࡅࡀ ࡋࡁࡉࡔࡉࡀ ࡅࡍࡄࡅࡓࡀ ࡌࡊࡀࡎࡉࡀ ࡅࡊࡋࡉࡋࡀ ࡊࡋࡉࡋ ࡆࡀࡊࡅࡀࡕࡀ ࡕࡓࡉࡑࡋࡅࡍ ࡁࡓࡉ ࡔࡀࡉࡄࡅࡍ ࡃࡀࡅࡋࡀ ࡄࡉࡅࡀࡓࡀ ࡋࡂࡉࡈࡉࡀ ࡁࡏࡃࡀࡉࡄࡅࡍ ࡅࡎࡀࡋࡒࡉࡀ ࡋࡊࡉࡐࡇ ࡖࡐࡓࡀࡕ ࡉࡀࡓࡃࡍࡀ ࡓࡁࡀ ࡖࡄࡉࡉࡀ ࡄࡀࡆࡉࡍ ࡉࡀࡓࡃࡍࡀ ࡌࡉࡕࡊࡓࡀࡊ ࡉࡀࡓࡃࡍࡀ ࡅࡏࡒࡀࡓ ࡄࡀࡓࡔࡉࡀ ࡁࡉࡀࡓࡃࡍࡀ ࡅࡒࡀࡓࡉࡋࡅࡍ ࡋࡐࡀࡔࡅࡓࡉࡀ ࡅࡀࡌࡀࡓࡋࡅࡍ ࡐࡔࡀࡓ ࡋࡀࡎࡀࡅࡀࡕࡀ ࡀࡌࡀࡓࡋࡅࡍ ࡀࡎࡅࡍ ࡋࡌࡀࡍࡅࡉࡉࡀ ࡀࡌࡀࡓࡋࡅࡍ ࡌࡍࡅࡍ ࡅࡋࡌࡀ ࡅࡋࡌࡃࡀࡋࡀࡅࡀࡕࡀ ࡀࡌࡀࡓࡋࡅࡍ ࡃࡀࡋࡅࡍ ࡍࡉࡕࡅࡍ ࡐࡀࡔࡅࡓࡉࡀ ࡍࡉࡐࡔࡉࡓࡅࡋࡇ ࡋࡄࡀࡆࡉࡍ ࡍࡉࡔࡉࡌࡕࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡌࡀࡍࡅࡉࡉࡀ ࡌࡍࡅࡋࡇ ࡅࡃࡀࡋࡅࡉࡉࡀ ࡃࡀࡋࡉࡅ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡀࡕࡓࡀ ࡖࡌࡉࡍࡇ ࡀࡕࡀࡉࡕࡅࡍ ࡅࡁࡃࡀࡅࡓࡀ ࡄࡉࡊࡋࡀ ࡖࡌࡉࡍࡇ ࡏࡔࡕࡀࡐࡀࡉࡕࡅࡍ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡀࡉࡀࡓ ࡌࡉࡀ ࡖࡌࡉࡍࡇ ࡀࡕࡀࡉࡕࡅࡍ ࡅࡁࡃࡀࡅࡓࡀ ࡄࡉࡊࡋࡀ ࡖࡌࡉࡍࡇ ࡔࡕࡀࡐࡀࡉࡕࡅࡍ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡀࡉࡀࡓ ࡂࡅࡐࡍࡀ ࡓࡁࡀ ࡖࡎࡉࡍࡃࡉࡓࡊࡀ ࡖࡌࡉࡍࡇ ࡀࡎࡂࡀࡉࡕࡅࡍ ࡌࡉࡃࡊࡀࡓ ࡃࡊࡉࡓࡉࡕࡅࡍ ࡌࡉࡀ ࡏࡅ ࡏࡉࡀࡃࡊࡅࡓࡉࡀ ࡅࡉࡀࡃࡊࡉࡓࡉࡍࡊࡅࡍ ࡌࡉࡀ ࡗ ࡀࡕࡀࡉࡕࡅࡍ ࡌࡍ ࡂࡉࡍࡆࡀࡉ ࡊࡅࡍ ࡅࡌࡍ ࡐࡀࡓࡅࡀࡍ ^ࡍࡄࡅࡓࡀ^ ࡐࡓࡀࡔࡉࡍࡊࡅࡍ ࡅࡊࡁࡀࡔࡕࡅࡍ ࡄࡔࡅࡊࡀ ࡌࡍ ࡒࡅࡃࡀࡌ ࡍࡄࡅࡓࡀ ࡅࡊࡁࡀࡔࡕࡅࡍ ࡄࡁࡉࡋࡀ ࡌࡍ ࡒࡅࡃࡀࡌ ࡁࡉࡍࡉࡀࡍࡀ ࡅࡊࡁࡀࡔࡕࡅࡍ ࡈࡏࡉࡀ ࡌࡍ ࡒࡅࡃࡀࡌ ࡔࡓࡀࡓࡀ ࡅࡊࡁࡀࡔࡕࡅࡍ ࡌࡄࡉࡕࡀ ࡌࡍ ࡒࡅࡃࡀࡌ ࡀࡎࡅࡕࡀ ࡅࡊࡁࡀࡔࡕࡅࡍ ࡔࡅࡁࡀ ࡓࡉࡔࡀࡅࡀࡕࡀ ࡖࡄࡔࡅࡊࡀ ࡌࡍ ࡒࡅࡃࡀࡌ ࡔࡅࡁࡀ ࡓࡉࡔࡀࡅࡀࡕࡀ ࡖࡍࡄࡅࡓࡀ ࡅࡊࡁࡀࡔࡕࡅࡍ ࡋࡄࡀࡓࡔࡉࡀ ࡁࡉࡔࡉࡀ ࡅࡎࡀࡃࡀࡍࡉࡀ ࡏࡐࡉࡊࡉࡀ ࡅࡏࡅࡁࡀࡃࡉࡀ ࡖࡄࡔࡅࡊࡀ ࡅࡋࡊࡉࡁࡉࡀ ࡅࡋ ࡌࡀࡎࡀࡎࡉࡀ ࡅࡋࡌࡀࡄࡓࡉࡀ ࡁࡉࡔࡉࡀ ࡖࡀࡁࡃࡉࡋࡇ ࡏࡋ ࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡋࡊࡅࡋࡄࡅࡍ ࡂࡅࡐࡍࡉࡀ ࡅࡂࡉࡍࡀࡍࡉࡀ ࡖࡏࡕࡉࡂࡍࡀࡁࡅࡍ ࡅࡏࡕࡂࡀࡉࡀࡓࡁࡅࡍ ࡁࡐࡀࡂࡓࡀ ࡖࡓࡀࡌࡆࡉࡄࡓࡅࡍ ࡁࡓࡌࡀࡋࡉࡄࡀ ࡍࡉࡐࡉࡓࡔࡅࡍ ࡅࡍࡉࡐࡒࡅࡍ ࡌࡉࡍࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡅࡍࡉࡐࡋࡅࡍ ࡋࡕࡀࡎࡍࡉࡒࡉࡀ ࡖࡀࡓࡒࡀ ࡓࡀࡁࡕࡉࡀ ࡖࡄࡔࡅࡊࡀ ࡃࡅࡊࡕࡀ ࡖࡔࡀࡌࡉࡔ ࡋࡀࡃࡀࡄࡍࡀ ࡅࡎࡉࡓࡀ ࡀࡍࡐࡇ ࡋࡀࡌࡄࡀࡅࡉࡀ ࡅࡊࡅࡊࡁࡉࡀ ࡆࡉࡒࡐࡉࡀ ࡅࡌࡀࡍࡆࡀࡋࡉࡀ ࡖࡔࡅࡌࡉࡀ ࡄࡀࡕࡀࡌ ࡄࡀࡔࡊࡉࡀ ࡆࡉࡅࡀࡉࡄࡅࡍ ࡅࡋࡀࡍࡀࡄࡓࡉࡀ ࡕࡅࡌ ࡌࡀࡃࡊࡉࡓࡍࡀࡋࡊࡅࡍ ࡌࡉࡀ ࡏࡅ ࡏࡃࡊࡅࡓࡉࡀ ࡏࡃࡊࡉࡓ^ࡉ^ࡕࡅࡍ ࡗ ࡀࡕࡀࡉࡕࡅࡍ ࡌࡍ ࡄࡀࡈࡀࡉ ࡄࡈࡉࡕࡀ ࡅࡌࡍ ࡎࡉࡐࡀࡍ ࡎࡀࡐࡀࡐࡀࡍ ࡄࡀࡉࡀࡋ ࡄࡀࡉࡋࡇ ࡖࡄࡀࡉࡋࡀ ࡅࡒࡓࡀࡁࡀ ࡁࡀࡋࡌࡀ ࡖࡄࡔࡅࡊࡀ ࡔࡀࡁࡅࡉࡉࡀ ࡔࡀࡁࡉࡕࡉࡍࡊࡅࡍ ࡌࡉࡀ ࡏࡉࡀࡅࡒࡅࡓࡉࡀ ࡏࡉࡀࡅࡒࡉࡓࡉࡍࡊࡅࡍ ࡌࡉࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡁࡂࡀࡁࡓࡀ ࡖࡒࡀࡉࡉࡌ ࡋࡐࡅࡌࡇ ࡖࡐࡓࡀࡕ ࡖࡌࡍ ࡐࡓࡀࡕ ࡖࡌࡍ ࡍࡀࡐࡔࡉࡇ ࡐࡓࡀ ࡄࡀࡆࡉࡍ ࡖࡄࡔࡅࡊࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡉࡐࡕࡀ ࡀࡋࡀࡄࡀ ࡓࡁࡀ ࡒࡀࡃࡌࡀࡉࡀ ࡖࡄࡉࡐࡉࡀ ࡖࡌࡉࡀ ࡋࡁࡉࡔ ࡄࡉࡐࡉࡀ ࡖࡌࡉࡀ ࡌࡊࡀࡎࡀࡉ ࡅࡃࡓࡉࡀ ࡖࡌࡉࡀ ࡁࡓࡉࡔࡉࡇ ࡕࡓࡉࡑࡋࡇ ࡄࡀࡆࡉࡍ ࡖࡒࡀࡓࡉࡀ ࡅࡀࡌࡀࡓ ࡀࡍࡀ ࡁࡄࡀࡉࡋࡀࡉ ࡁࡍࡀࡉࡕࡇ ࡋࡁࡀࡉࡕࡀ ࡅࡁࡂࡀࡌࡁࡀࡓࡅࡀࡕࡀ ࡕࡀࡒࡉࡍࡕࡇ ࡋࡕࡉࡁࡉࡋ ࡄࡀࡆࡉࡍ ࡖࡌࡎࡀ ࡀࡓࡒࡀ ࡖࡋࡀࡌࡎࡅࡕࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡂࡀࡁࡓࡀ ࡖࡀࡐࡓࡉࡔࡉࡍࡊࡅࡍ ࡌࡍ ࡊࡀࡍࡀࡉࡊࡅࡍ ࡒࡓࡉࡕࡉࡍࡊࡅࡍ ࡋࡀࡎࡀࡅࡀࡕࡀ ࡖࡏࡄࡀࡁࡉࡍࡊࡅࡍ ࡋࡁࡄࡉࡓࡉࡀ ࡆࡉࡃࡒࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡃࡅࡊࡕࡀ ࡖࡀࡍࡀࡕࡅࡍ ࡌࡉࡀ ࡕࡉࡆࡋࡅࡍ ࡅࡕࡉࡐࡋࡅࡍ ࡋࡐࡀࡂࡓࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡀࡍࡀࡔࡀ ࡕࡉࡐࡉࡔࡓࡅࡍ ࡅࡕࡉࡐࡒࡅࡍ ࡌࡉࡍࡇ ࡄࡀࡓࡔࡉࡀ ࡅࡀࡓࡑࡉࡀ ࡅࡊࡉࡁࡉࡀ ࡅࡔࡉࡁࡈࡉࡀ ࡅࡓࡉࡃࡉࡀ ࡅࡓࡅࡌࡀࡉࡉࡀ ࡅࡌࡀࡋࡅࡀࡈࡉࡀ ࡖࡔࡓࡅࡍ ࡁࡐࡀࡂࡓࡀ ࡖࡓࡀࡌ ࡆࡉࡄࡓࡅࡍ ࡁࡓࡌࡀࡋࡉࡄࡀ ࡅࡍࡉࡎࡉࡌࡒࡅࡍ ࡀࡍࡐࡇ ࡖࡓࡀࡌ ࡆࡉࡄࡓࡅࡍ ࡁࡓ ࡌࡀࡋࡉࡄࡀ ࡖࡉࡅࡓࡀࡒࡉࡀ ࡅࡕࡉࡌࡕࡅࡋࡇ ࡒࡅࡌࡕࡇ ࡁࡀࡋࡁࡅࡔࡉࡀ ࡕࡀࡕࡍࡅࡋࡇ ࡄࡆࡉࡕࡇ ࡋࡀࡉࡍࡇ ࡅࡃࡓࡀࡊࡕࡇ ࡏࡋ ࡋࡉࡂࡓࡇ ࡅࡏࡅࡁࡀࡃࡉࡀ ࡏࡋ ࡏࡃࡇ ࡅࡌࡉࡌࡀࡓ ࡅࡌࡉࡔࡕࡌࡀ ࡋࡐࡅࡌࡇ ࡅࡕࡀࡒࡌࡇ ࡋࡊࡅࡋࡇ ࡏࡅࡑࡈࡅࡍࡇ ࡁࡉࡔࡓࡀࡓࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡌࡉࡀ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡃࡅࡊࡕࡀ ࡖࡀࡍࡀࡕࡅࡍ ࡌࡉࡀ ࡕࡉࡆࡋࡅࡍ ࡕࡉࡕࡅࡍ ࡕࡉࡄࡅࡍ ࡄࡉࡓࡁࡉࡀ ࡎࡉࡐࡉࡀ ࡕࡉࡕࡉࡒࡓࡅࡍ ࡋࡎࡀࡄࡓࡉࡀ ࡅࡃࡀࡉࡅࡉࡀ ࡅࡋࡐࡉࡂࡉࡀ ࡅࡋࡐࡀࡋࡂࡉࡀ ࡅࡋࡍࡀࡋࡉࡀ ࡅࡋࡍࡉࡅࡋࡉࡀ ࡅࡋࡄࡀࡓࡔࡉࡀ ࡁࡉࡔࡉࡀ ࡅࡋࡎࡀࡃࡀࡍࡉࡀ ࡏࡐࡉࡊࡉࡀ ࡅࡋࡓࡅࡄࡉࡀ ࡁࡉࡔࡀࡕࡀ ࡆࡀࡃࡀࡍࡉࡀࡕࡀ ࡅࡌࡀࡓࡂࡆࡀ ࡅࡏࡋ ࡋࡉࡋࡉࡀࡕࡀ ࡆࡉࡊࡓࡉࡀ ࡅࡍࡅࡒࡁࡀࡕࡀ ࡅࡋࡓࡅࡄࡉࡀ ࡆࡉࡊࡓࡉࡀ ࡅࡁࡉࡓࡅࡒࡕࡀ ࡍࡅࡒࡁࡀࡕࡀ ࡅࡏࡋ ࡏࡔࡀࡕࡀ ࡖࡄࡀࡈࡉࡀࡁࡇ ࡋࡐࡀࡂࡓࡇ ࡖࡓࡀࡌ ࡆࡉࡄࡓࡅࡍ ࡁࡓࡌࡀࡋࡉࡄࡀ ࡎࡀ

 

ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡅࡁࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ ࡉࡀࡕࡉࡁ ࡀࡋࡌࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡌࡉࡀ ࡀࡍࡀࡕࡅࡍ ࡏࡓࡉࡉࡀ ࡅࡓࡀࡅࡆࡉࡀ ࡀࡍࡀࡕࡅࡍ ࡏࡔࡕࡉࡀ ࡌࡉࡀ ࡖࡂࡀࡍࡆࡉࡁࡓࡉࡀ ࡀࡍࡀࡕࡅࡍ ࡌࡍ ࡊࡅࡋ ࡖࡄࡅࡀࡉࡕࡅࡍ ࡌࡉࡍࡀࡉࡊࡅࡍ ࡄࡅࡀ ࡊࡅࡋ ࡆࡀࡊࡀࡅࡀࡕࡀ ࡊࡁࡀࡔࡕࡅࡍ ࡌࡍ ࡁࡉࡕ ࡄࡉࡉࡀ ࡀࡕࡀࡉࡕࡅࡍ ࡌࡍ ࡏࡋࡀࡅࡉࡀ ࡃࡉࡍࡀ ࡅࡍࡉࡎࡊࡀ ࡖࡀࡋࡌࡀ ࡅࡌࡍ ࡏࡋࡀࡅࡉࡀ ࡃࡉࡍࡀ ࡅࡃࡀࡅࡓࡀ ࡄࡉࡊࡋࡀ ࡅࡌࡍ ࡁࡀࡉࡕࡀ ࡅࡁࡉࡍࡉࡀࡍࡀ ࡅࡌࡍ ࡏࡋࡀࡅࡉࡀ ࡎࡀࡃࡀࡍࡀ ࡅࡌࡍ ࡏࡋࡀࡅࡉࡀ ࡃࡀࡅࡓࡀ ࡖࡀࡋࡌࡀ ࡅࡌࡍ ࡏࡋࡀࡅࡉࡀ ࡔࡉࡁࡉࡀࡄࡉࡀ ࡄࡉࡊࡋࡀ ࡅࡌࡍ ࡁࡀࡉࡕࡀ ࡖࡔࡅࡁࡀ ࡃࡌࡅ ࡖࡄࡅ ࡃࡀࡅࡓࡀ ࡖࡔࡉࡁࡉࡀ ࡄࡉࡀ ࡅࡔࡉࡓࡉࡀࡕࡀ ࡅࡌࡍ ࡐࡀࡒࡀࡃࡕࡀ ࡓࡀࡁࡕࡉࡀ ࡒࡀࡃࡌࡀࡉࡕࡀ ࡖࡊࡅࡋࡄࡅࡍ ࡐࡀࡒࡀࡃࡀࡕࡀ ࡖࡌࡉࡍࡀ ࡄࡅࡀ ࡏࡕࡐࡀࡒࡀࡃ ࡅࡁࡊࡅࡋࡄࡅࡍ ࡀࡌࡀࡌࡉࡀ ࡔࡐࡉࡋࡕࡅࡍ ࡁࡊࡅࡋࡄࡅࡍ ࡆࡀࡁࡉࡀ ࡖࡏࡓࡉࡋࡕࡅࡍ ࡅࡁࡊࡅࡋࡄࡅࡍ ࡍࡀࡄࡋࡉࡀ ࡅࡌࡎࡀࡉࡕࡅࡍ ࡅࡁࡊࡅࡋࡄࡅࡍ ࡄࡀࡍࡃࡀࡌࡉࡀ ࡏࡎࡉࡓࡉࡕࡅࡍ ࡏࡔࡐࡉࡋࡁࡊࡅࡍ ࡔࡀࡐࡀࡋࡀ ࡅࡌࡃࡀࡋࡉࡁࡊࡅࡍ ࡂࡅࡁࡓࡉࡀ ࡕࡀࡍࡂࡀࡓࡉࡀ ࡁࡑࡉࡑࡉࡀ ࡅࡌࡀࡋࡀࡄࡉࡀ ࡁࡋࡉࡒࡉࡀ ࡑࡀࡉࡃࡀ ࡁࡂࡀࡃࡅࡐࡀ ࡅࡀࡕࡅࡀࡕ ࡄࡀࡓࡀࡔࡕࡉࡀ ࡁࡈࡅࡐࡔࡀ ࡖࡏࡅࡃࡍࡀ {ࡖ}<ࡅ>ࡂࡀࡁࡓࡀ ࡐࡀࡔࡅࡓࡀ ࡁࡓࡅࡒࡀ ࡖࡐࡅࡌࡇ ࡋࡀࡏࡈࡀࡍࡀࡐࡕࡅࡍ ࡍࡀࡐࡋࡉࡕࡅࡍ ࡌࡉࡀ ࡄࡉࡉࡀ ࡏࡋ ࡊࡑࡉࡓࡀ ࡅࡍࡉࡕࡀࡐࡀ ࡅࡏࡋ ࡈࡓࡅࡔࡀ ࡅࡔࡅࡌࡀ ࡅࡏࡋ ࡏࡅࡉࡓࡀ ࡍࡉࡕࡐࡀࡕࡀ ࡀࡔࡊࡀࡕࡅࡍ ࡃࡀࡉࡅࡉࡀ ࡎࡃࡉࡌࡉࡕࡅࡍ ࡅࡋࡉࡋࡉࡀࡕࡀ ࡐࡀࡒࡉࡃࡕࡅࡍ ࡄࡅࡌࡓࡉࡀ ࡅࡌࡈࡀࡎࡉࡎࡉࡕࡅࡍ ࡋࡀࡈࡀࡁࡉࡀ ࡅࡌࡍࡀࡍࡂࡉࡓࡉࡕࡅࡍ ࡊࡉࡁࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡖࡐࡀࡂࡓࡉࡀ ࡕࡀࡁࡓࡉࡕࡅࡍ ࡏࡔࡀࡕࡀ ࡌࡍࡀࡍࡂࡉࡓࡉࡕࡅࡍ ࡀࡓࡅࡉࡕࡀ ࡌࡃࡀࡄࡊࡉ ࡕࡅࡍ ࡍࡅࡓࡀ ࡌࡍ ࡂࡉࡓࡌࡀࡉࡄࡅࡍ ࡖࡁࡍࡉࡀ ࡀࡍࡀࡔࡀ ࡀࡍࡀࡕࡅࡍ ࡄࡆࡉࡍࡊࡅࡍ ࡁࡉࡔࡀ ࡁࡓ ࡁࡉࡔࡀ ࡏࡎࡉࡓ ࡐࡅࡌࡇ ࡅࡔࡀࡃࡉࡅࡉࡀ ࡐࡀࡉࡉࡔ ࡊࡀࡁࡃࡇ ࡁࡌࡓࡉࡓࡕࡇ ࡓࡀࡒ ࡔࡃࡉࡁࡊࡅࡍ ࡌࡓࡉࡓࡕࡇ ࡖࡌࡀࡓࡉࡓࡀ ࡖࡌࡀࡓࡉࡓ ࡍࡄࡅࡓࡀ ࡄࡅࡀ ࡏࡋࡀࡅࡀࡉࡊࡅࡍ ࡒࡀࡓࡉࡀ ࡕࡓࡉࡍ ࡃࡀࡅࡋࡉࡀ ࡄࡀࡃࡕࡉࡀ ࡏࡋࡀࡅࡀࡉࡊࡅࡍ ࡌࡀࡋࡀࡋࡉࡀ ࡊࡀࡎࡉࡉࡀ ࡅࡍࡈࡉࡓࡉࡀ ࡅࡌࡍ ࡏࡅࡑࡓࡉࡀ ࡖࡆࡉࡅࡀ ࡍࡉࡄࡉࡀ ࡅࡔࡃࡉࡊࡉࡀ ࡅࡊࡔࡉࡓࡉࡀ ࡅࡁࡀࡎࡉࡌࡉࡀ ࡖࡏࡔࡕࡀࡃࡀࡓ ࡏࡋࡀࡅࡀࡉࡊࡅࡍ ࡌࡍ ࡁࡉࡕࡄࡉࡉࡀ ࡏࡋࡀࡅࡀࡉࡊࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡉࡐࡓࡀࡕ ࡐࡓࡀࡄࡀ ࡅࡐࡓࡉࡄࡀ ࡓࡁࡀ ࡖࡄࡉࡉࡀ ࡒࡀࡃࡌࡀࡉࡉࡀ ࡂࡅࡐࡍࡀ ࡖࡌࡉࡍࡇ ࡄࡅࡀࡉࡕࡅࡍ ࡁࡏࡋࡀࡍࡀ ࡖࡌࡉࡍࡇ ࡏࡕࡉࡍࡑࡉࡁࡕࡅࡍ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡏࡅࡋࡀࡉ ࡅࡐࡓࡀࡕ ࡅࡃࡉࡂࡋࡀࡕ ࡀࡉࡍࡀࡍࡉࡀࡕࡀ ࡓࡅࡓࡁࡀࡕࡀ ࡍࡉࡁࡀ ࡅࡍࡅࡁࡀ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡁࡄࡀࡉࡋࡀࡉࡄࡅࡍ ࡃࡉࡋࡄࡅࡍ ࡒࡀࡉࡉࡌ ࡀࡋࡌࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ^ࡅࡌࡀࡅࡌࡉࡍࡀࡋࡊࡅࡍ ࡌࡉࡀ^ ࡁࡔࡀࡌࡉࡔ ࡅࡎࡉࡓࡀ ࡅࡌࡀࡓࡆࡉࡁࡀࡍࡉࡀ ࡅࡐࡀࡄࡓࡀ^ࡄࡓࡀ^ࡍࡉࡀ ࡖࡌࡃࡉࡍࡉࡀࡕࡀ ࡓࡅࡓࡁࡀࡕࡀ ࡖࡁࡄࡀࡉࡋࡀࡉࡄࡅࡍ ࡃࡉࡋࡅࡍ ࡍࡀࡄࡓࡉࡀ ࡊࡅࡋࡄࡅࡍ ࡀࡋࡌࡉࡀ ࡕࡅࡌ ࡀࡔࡁࡉࡕ ࡏࡋࡀࡅࡀࡉࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡌࡉࡀ ࡁࡔࡅࡌࡀ ࡖࡆࡄࡉࡓ ࡆࡉࡄࡓࡅࡍ ࡖࡒࡀࡉࡉࡌ ࡋࡎࡌࡀࡋࡀࡉ ࡅࡋࡉࡀ ࡌࡉࡍࡀࡉ ࡖࡁࡀࡁࡉࡀ ࡖࡏࡄࡉࡃࡉࡀ ࡐࡀࡄࡕࡉࡋࡉࡀ ࡅࡌࡔࡀࡅࡉࡋࡉࡀ ࡀࡂࡓࡀ ࡅࡆࡉࡃࡒࡀ ࡉࡀࡄࡁࡉࡋࡉࡀ ࡌࡍ ࡎࡌࡀࡋࡀࡉ ࡋࡉࡀࡌࡉࡍࡀࡉ ࡅࡕࡀࡍࡂࡀࡓࡅࡕࡀ ࡌࡍ ࡉࡀࡌࡉࡍࡀࡉ ࡆࡀࡁࡃࡉࡀ ࡕࡓࡉࡑ

afta ḏ-ambra - A Phylactery for Rue (An Invocation of the Personified Herb)

Author: E. S. Drower

Source: Orientalia; Vol. 15 (1946), pp. 324-346

Published by: GBPress- Gregorian Biblical Press

Stable URL: http://www.jstor.org/stable/43073269

Unicode by: Ibrāhīm afiʿī (University of Tehrān)

 

 

ࡔࡀࡐࡕࡀ ࡖ ࡔࡀࡌࡁࡓࡀ
 
ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡕࡀࡌࡕࡀ ࡅࡍࡀࡈࡀࡓࡕࡀ ࡓࡀࡁࡕࡉࡀ ࡖ ࡔࡓࡀࡓࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡔࡄࡅࡒ ࡅࡈࡓࡅࡃ ࡅࡀࡍࡐࡉࡒ ࡅࡁࡀࡈࡉࡋ ࡌࡍ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡍࡀࡕ ࡔࡀࡌࡁࡓࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡅࡌࡀࡅࡌࡉࡍࡀࡋࡀࡊ ࡁࡏࡉࡍ ࡅࡋࡔࡅࡌࡀ ࡓࡁࡀ ࡒࡀࡃࡌࡀࡉࡀ ࡀࡉࡀࡊ ࡄࡅ ࡁࡄࡀࡉࡋࡀࡊ ࡆࡓࡉࡉࡕ ࡅࡋࡀࡆࡉࡓࡉࡀࡊ ࡂࡉࡍࡀࡉࡀ ࡁࡂࡉࡍࡕࡇ ࡅࡋࡀࡐࡀࡓࡃࡉࡎࡐࡀࡍࡀ ࡏࡋ ࡒࡀࡁࡉࡋ ࡐࡀࡓࡃࡀࡎࡉࡀ ࡄࡀࡔࡕࡀ ࡀࡍࡀࡕ ࡔࡀࡌࡁࡓࡀ ࡁࡄࡀࡉࡋࡀࡊ ࡔࡀࡄࡒࡉࡋࡅࡍ ࡅࡁࡀࡈࡋࡉࡍࡅࡍ ࡉࡊࡅࡋࡄࡅࡍ ࡓࡅࡄࡉࡀ ࡆࡀࡃࡀࡍࡉࡀࡕࡀ ࡅࡏࡉࡍ ࡓࡅࡄࡀ ࡄࡏ ࡍࡉࡒࡅࡁࡕࡀ ࡌࡔࡀࡍࡉࡀࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡁࡊࡅࡄࡓࡀࡍࡉࡀ ࡅࡒࡉࡓࡎࡉࡀ ࡅࡓࡉࡃࡉࡀ ࡅࡓࡅࡌࡀࡉࡉࡀ ࡀࡍࡀࡕ ࡔࡀࡌࡁࡓࡀ ࡅࡏࡉࡉࡋ ࡏࡉࡉࡋ (ࡊࡅࡄࡓࡀࡍࡉࡀ) ࡏࡆࡉࡋ ࡉࡕࡉࡕ ࡀࡉࡀࡊ ࡌࡉࡀ ࡖ ࡍࡀࡐࡒࡉࡀ ࡌࡍ ࡓࡉࡔࡀ ࡖ ࡈࡅࡓࡀ ࡓࡀࡌࡀ ࡕࡏࡉࡅࡋ ࡁࡈࡀࡁࡅࡕࡀ ࡏࡋ ࡐࡀࡂࡓࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡈࡓࡅࡃ ࡅࡀࡍࡐࡉࡒ ࡌࡉࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡔࡀࡕࡀ ࡅࡓࡅࡉࡕࡀ ࡕࡏࡉࡅࡋ ࡁࡈࡀࡁ ࡔࡀࡌࡉࡔ ࡅࡎࡉࡓࡀ ࡉࡃࡉࡋࡀࡊ ࡍࡉࡄࡅࡍ ࡌࡓࡀࡁࡉࡀࡍࡀ ࡌࡉࡀ ࡅࡍࡅࡓࡀ ࡏࡋࡀࡊ ࡌࡓࡀࡁࡉࡀࡍ ࡅࡆࡉࡒࡀ ࡅࡀࡉࡀࡓ ࡉࡃࡉࡋࡀࡊ ࡍࡀࡔࡉࡌ ࡌࡀࡅࡌࡉࡍࡀࡋࡀࡊ ࡁࡁࡉࡋ ࡅࡏࡍࡁࡅ ࡌࡀࡓࡉࡀ ࡀࡋࡀࡄࡉࡀ ࡅࡁࡍࡉࡓࡉࡂ ࡌࡀࡓࡉࡀ ࡄࡀࡉࡋࡀ ࡅࡆࡀࡉࡍࡀ ࡅࡕࡉࡊࡉࡓࡉࡍࡅࡍ ࡉࡄࡀࡍࡀࡕࡉࡍ ࡓࡅࡄࡉࡀ ࡁࡉࡔࡀࡕࡀ ࡅࡄࡅࡌࡓࡉࡀ ࡕࡀࡒࡉࡐࡀࡕࡀ ࡌࡉࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡉࡀࡊ ࡁࡉࡓࡒࡀ ࡖ ࡌࡉࡔࡕࡀࡃࡀࡓ ࡅࡔࡀࡁࡉࡒ ࡉࡄࡀࡄࡅ ࡄࡉࡅࡉࡀ ࡁࡉࡔࡀ ࡅࡌࡀࡐࡉࡒࡋࡇ ࡌࡍ ࡄࡅࡄࡅ ࡁࡀࡉࡕࡀ ࡁࡄࡀࡉࡋࡇ ࡏࡔࡀࡉࡐࡀ ࡅࡀࡐ ࡀࡍࡀࡕ ࡁࡄࡀࡉࡋࡀࡊ ࡅࡁࡄࡀࡉࡀࡋ ࡄࡀࡋࡉࡍ ࡏࡅࡌࡀࡌࡀࡕࡀ ࡈࡓࡅࡃ ࡅࡀࡍࡐࡉࡒ ࡌࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡔࡒࡅࡋ ࡉࡊࡅࡄࡓࡀࡍࡉࡀ ࡅࡓࡅࡄࡉࡀ ࡁࡉࡔࡀࡕࡀ ࡍࡉࡎࡁࡀࡊ ࡔࡅࡌࡀ ࡌࡉࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡉࡀࡊ ࡍࡎࡀࡁࡕࡀࡊ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡏࡔࡕࡀࡁࡀࡁࡀࡊ ࡋࡀࡋࡀࡄࡉࡀ ࡆࡉࡊࡓࡉࡀ ࡅࡋࡏࡎࡕࡉࡓࡀࡕࡀ ࡍࡅࡒࡁࡀࡕࡀ ࡅࡎࡉࡄࡃࡀࡕ ࡏࡋࡀࡊ ࡉࡈࡀࡁ ࡅࡔࡀࡃࡀࡓ ࡉࡊࡅࡋ ࡌࡀࡍ ࡊࡓࡉࡄࡉࡀ ࡅࡔࡀࡅࡉࡀ ࡀࡎࡅࡕࡀ ࡅࡀࡎࡅࡕࡀ ࡌࡀࡔࡊࡀࡁࡇ ࡄࡀࡔࡕࡀ ࡀࡎࡀࡓ ࡄࡀࡋࡑࡀࡊ ࡅࡒࡀࡁࡉࡋ ࡌࡉࡍࡀࡉ ࡄࡀࡋࡉࡍ ࡏࡅࡌࡀࡌࡀࡕࡀ ࡏࡅࡋ ࡁࡔࡋࡀࡌࡀ ࡁࡄࡀࡉࡋࡀࡊ ࡅࡐࡅࡒ ࡁࡄࡀࡃࡅࡕࡀ ࡉࡊࡅࡋࡌࡀࡍ ࡖ ࡔࡀࡕࡉࡋࡀࡊ ࡏࡅ ࡁࡄࡀࡌࡓࡀ ࡏࡅ ࡁࡔࡀࡊࡓࡀ ࡏࡅ ࡁࡌࡉࡀ ࡉࡁࡉࡋࡃࡁࡀࡁࡀࡊ ࡓࡅࡄࡉࡀ ࡏࡄࡅࡉࡀ ࡈࡓࡅࡃ ࡅࡀࡐࡉࡒ ࡅࡀࡒࡀࡓ ࡅࡑࡍࡀࡐ ࡅࡀࡔࡒࡅࡋ ࡊࡀࡓࡉࡅࡕࡀ ࡅࡀࡒࡕࡀ ࡌࡍ ࡐࡀࡂࡓࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡕࡉࡄࡅࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡕࡀࡌࡕࡀ ࡅࡆࡀࡓࡀࡆࡕࡀ ࡅࡄࡀࡃࡅࡕࡀ ࡅࡋࡔࡀࡕࡉࡀ ࡄࡀࡃࡅࡕࡀ ࡋࡌࡀࡔࡒࡅࡉࡀࡍࡀ ࡀࡌࡓࡉࡕ ࡅࡎࡀࡄࡃࡉࡕ ࡅࡎࡀࡄࡃࡉࡕ (ࡒࡀࡄࡃࡉࡕ ?) ࡀࡎࡉࡀ ࡀࡎࡀࡉ ࡀࡎࡅࡕࡀࡊ ࡅࡕࡉࡌࡀࡓࡍࡉࡍ (ࡕࡉࡌࡀࡓࡋࡀࡍ ?) ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡁࡔࡅࡌࡇ ࡅࡁࡄࡀࡉࡋࡇ ࡖ ࡀࡎࡉࡀ ࡖ ࡌࡀࡎࡉࡀ ࡕࡉࡄࡅࡉࡋࡉࡀ ࡀࡎࡅࡕࡀ ࡖ ࡍࡀࡐࡔࡀ ࡓࡁࡀ ࡅࡋࡀࡆࡅࡈࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡄࡉࡉࡀ ࡆࡀࡊࡏࡉࡍ ࡎࡀ
 
ࡀࡎࡅࡕࡀ ࡕࡉࡄࡅࡉࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡐࡀࡎ ࡁࡓ ࡐࡀࡎ ࡀࡍࡀࡕ ࡊࡅࡓࡎࡉࡀࡊ ࡓࡀࡌࡀ ࡐࡀࡎ ࡁࡓ ࡐࡀࡎ ࡒࡀࡓࡉࡋࡉࡀ ࡕࡓࡉࡑ ࡔࡃࡉࡊࡉࡀ ࡅࡂࡀࡉࡀ ࡓࡃࡉࡀ ࡌࡊࡀࡍࡉࡋࡇ ࡃࡀࡅࡋࡀ ࡌࡃࡅࡋࡉࡀ ࡀࡍࡀ ࡖ ࡌࡄࡉࡉࡀ ࡌࡉࡕࡉࡀ ࡀࡍࡀ ࡔࡀࡌࡁࡓࡀ ࡔࡉࡁࡀࡁࡀ ࡈࡀࡁࡀ ࡌࡀࡋࡊࡀࡉࡄࡅࡍ ࡖ ࡊࡅࡋࡄࡅࡍ ࡎࡀࡌࡀࡍࡉࡀ ࡌࡀࡍ ࡀࡌࡀࡓࡋࡇ ࡉࡄࡉࡁࡉࡋ ࡆࡉࡅࡀ ࡅࡌࡀࡍ ࡂࡋࡀࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡄࡀࡌࡀࡓࡀ ࡅࡎࡉࡌࡎࡉࡓࡀ ࡅࡓࡀࡌࡉࡍ ࡋࡌࡀࡃࡉࡒࡕࡀ ࡖ ࡄࡉࡍࡀ ࡅࡂࡋࡀࡋࡀ ࡅࡍࡅࡓࡀ ࡅࡌࡉࡀ ࡅࡓࡌࡉࡀ ࡌࡉࡍࡀࡉ ࡄࡉࡋࡉࡕࡀ ࡊࡀࡎࡉࡕࡀ ࡅࡌࡀࡓࡂࡀࡍࡉࡕࡀ ࡅࡍࡉࡃࡓࡇ ࡈࡀࡁࡀ ࡖ ࡋࡉࡀࡃ ࡏࡅࡌࡀࡍࡉࡀ ࡌࡉࡔࡕࡉࡀ ࡖ ࡔࡕࡉࡀ ࡖ ࡔࡉࡕࡉࡀࡊ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡕࡓࡅࡑ ࡒࡅࡌࡕࡇ ࡁࡀࡋࡁࡅࡔࡉࡀ ࡄࡆࡀࡉࡕࡇ ࡋࡀࡉࡍࡇ ࡅࡓࡅࡀࡆ ࡀࡍࡐࡇ ࡅࡀࡍࡐࡇ ࡔࡅࡌࡀࡒࡉࡀ ࡍࡉࡄࡅࡍ ࡅࡋࡉࡄࡅࡍ ࡅࡋࡉࡄࡅࡉࡀ ࡄࡀࡉࡋࡀ ࡅࡒࡓࡀ (ࡏࡒࡀࡓࡀ ?) ࡐࡀࡎࡉࡄࡉࡀࡕࡀ ࡖ ࡎࡅࡎࡉࡀ ࡖ ࡀࡆࡉࡋ ࡀࡒࡀࡌࡇ ࡅࡋࡀࡌࡀࡍࡃࡉࡁ ࡖ ࡀࡕࡉࡀ ࡌࡍ ࡀࡁࡀࡕࡓࡇ ࡅࡋࡀࡌࡀࡈࡉࡋࡇ ࡅࡌࡉࡍࡉࡋࡉࡀ ࡖ ࡐࡅࡌࡇ ࡍࡀࡐࡒࡀࡍ ࡅࡄࡀࡅࡉࡀࡍ ࡆࡀࡊࡅࡕࡀ ࡖ ࡍࡉࡔࡓࡉࡅࡊ ࡐࡋࡀࡍ ࡁࡓ ࡐࡋࡀࡍࡉࡕࡀ ࡕࡉࡄࡅࡉࡋࡇ ࡀࡓࡃࡉࡊࡋࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡋ-ࡂࡅࡀࡓࡇ ࡍࡉࡐࡉࡓࡑࡇ ࡅࡍࡉࡐࡒࡅࡍ ࡌࡉࡍࡇ ࡄࡀࡓࡔࡉࡀ ࡁࡉࡔࡉࡀ ࡍࡎࡀࡃࡀࡍࡉࡀ ࡏࡐࡉࡊࡉࡀ ࡅࡃࡅࡁࡒࡉࡀ (ࡁࡅࡃࡒࡉࡀ ?) ࡅࡔࡀࡓࡅࡒࡉࡀ ࡌࡍ ࡊࡀࡁࡕࡀ ࡖ ࡔࡅࡓࡇ ࡅࡌࡍ ࡀࡌࡁࡅࡁࡉࡀ ࡖ ࡋࡉࡁࡇ ࡅࡌࡍ ࡀࡉࡍࡀࡍࡉࡀࡕࡀ ࡖ ࡁࡅࡓࡊࡉࡀ ࡅࡌࡍ ࡈࡅࡐࡓࡉࡀ ࡖ ࡏࡃࡉࡀ ࡅࡋࡉࡂࡓࡉࡀ ࡅࡌࡍ ࡂࡉࡍࡉࡀ ࡀࡌࡇ ࡅࡌࡍ ࡊࡉࡐࡇ  ࡅࡋࡀࡋࡀࡌ ࡌࡉࡀ ࡖ ࡊࡀࡔࡓࡉࡍ ࡅࡌࡍ ࡍࡅࡓࡀ ࡐࡉࡔࡓࡀ ࡒࡀࡔࡉࡀ ࡄࡀࡓࡔࡉࡀ ࡀࡍࡀ ࡐࡋࡀࡍ ࡁࡓ ࡐࡋࡀࡍࡉࡉࡀ ࡖ ࡏࡌࡓࡉࡕ ࡏࡌࡓࡉࡕ ࡅࡃࡄࡉࡎࡁࡉࡕ ࡐࡅࡊࡓࡀࡉ ࡀࡃࡊࡉࡓࡉࡕ ࡏࡋࡀࡅࡀࡉࡄࡅࡍ ࡔࡀࡋࡉࡈࡉࡀ ࡐࡉࡈࡉࡀ ࡀࡓࡄࡅࡕ ࡄࡃࡀࡃࡉࡀ ࡀࡌࡈࡅࡍ ࡀࡌࡈࡅࡍ ࡉࡁࡀࡁࡀࡉࡊࡅࡍ ࡐࡕࡉࡀ ࡅࡃࡉࡁࡓࡀࡉࡊࡅࡍ ࡒࡀࡉࡉࡌ ࡏࡎࡉࡓࡉࡕࡅࡍ ࡄࡕࡉࡌࡉࡕࡅࡍ ࡁࡏࡎࡉࡒࡕࡀ ࡓࡁࡀ ࡅࡋࡀࡆࡅࡈࡀ ࡅࡁࡌࡀࡋࡀࡋࡀ ࡖ ࡓࡅࡓࡁࡉࡀ ࡖ ࡏࡎࡕࡉࡒࡀࡕࡉࡀ ࡋࡀࡌࡉࡕࡉࡁࡓࡀ ࡅࡄࡀࡁࡋࡇ ࡋࡀࡌࡉࡐࡎࡀࡒ ࡅࡄࡀࡕࡌࡇ ࡋࡀࡌࡉࡕࡁࡀࡓ ࡅࡌࡉࡍࡉࡋࡉࡀ ࡌࡓࡀࡅࡓࡁࡀࡍ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡀ ࡎࡀࡌࡀ ࡅࡄࡉࡉࡀ ࡆࡀࡊࡉࡍ ࡎࡀ
 
ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡔࡋࡀࡌࡀ ࡏࡋࡀࡊ ࡏࡋࡀࡍ ࡈࡅࡁࡀ ࡀࡋࡀࡄࡀ ࡅࡈࡅࡓࡉࡀ ࡅࡁࡓ ࡌࡀࡓࡉࡀ ࡈࡅࡓࡉࡀ ࡓࡀࡌࡉࡀ ࡁࡓ ࡍࡀࡄࡋࡉࡀ ࡀࡌࡅࡒࡉࡀ ࡅࡁࡓ ࡐࡀࡒࡀࡕࡀ ࡌࡔࡀࡃࡊࡀࡕࡀ ࡔࡋࡀࡌࡀ ࡏࡋࡀࡊ ࡎࡀࡌࡀ ࡂࡀࡉࡀ ࡖ ࡌࡀࡄࡉࡋࡉࡀ ࡄࡀࡆࡉࡍ ࡅࡀࡌࡀࡓࡋࡇ ࡅࡔࡅࡌࡀ ࡔࡋࡀࡌࡀ ࡏࡋࡀࡊ ࡎࡀࡌࡀ ࡀࡎࡉࡀ ࡖ ࡌࡀࡎࡉࡀ ࡓࡅࡄࡉࡀ ࡅࡍࡉࡔࡌࡀࡕࡀ ࡖ ࡌࡉࡍࡇ ࡔࡉࡃࡉࡀ ࡆࡀࡄࡉࡍ ࡅࡓࡅࡄࡉࡀ ࡁࡉࡔࡀࡕࡀ ࡓࡀࡉࡕࡀ ࡅࡌࡉࡕࡐࡀࡓࡒࡀࡍ ࡔࡋࡀࡌࡀ ࡏࡋࡀࡊ ࡎࡀࡌࡀ ࡀࡎࡉࡀ ࡖ ࡌࡀࡎࡉࡀ ࡓࡅࡄࡉࡀ ࡅࡍࡉࡔࡌࡀࡕࡀ ࡀࡍࡀࡕ ࡄࡅ ࡔࡀࡌࡁࡓࡀ ࡂࡀࡉࡀ ࡖ ࡁࡄࡀࡉࡋࡀࡊ ࡈࡀࡓࡃࡉࡕ ࡅࡌࡀࡐࡒࡉࡕ ࡅࡌࡓࡀࡄࡒࡉࡕ ࡊࡅࡋࡄࡅࡍ ࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡀࡍࡀࡕ ࡄࡅ ࡔࡀࡌࡁࡓࡀ ࡂࡀࡉࡀ ࡖ ࡖ ࡔࡀࡉࡋࡉࡋࡀࡊ ࡅࡁࡀࡉࡉࡋࡀࡊ ࡀࡋࡀࡄࡉࡀ ࡆࡉࡊࡓࡉࡀ ࡅࡏࡎࡕࡉࡓࡀࡈࡀ ࡍࡅࡒࡁࡀࡕࡀ ࡋࡀࡎࡅࡕࡀࡊ ࡅࡃࡀࡓࡌࡀࡍࡀࡊ ࡖ ࡍࡀࡎࡉࡅࡊ ࡅࡏࡃࡅࡊ ࡅࡁࡉࡓࡉࡅࡊ ࡅࡀࡌࡀࡓࡋࡀࡊ ࡊࡅࡋ ࡖ ࡀࡁࡀࡃࡕ ࡔࡀࡓࡉࡓ ࡅࡏࡕࡉࡕ ࡅࡎࡀࡄࡃࡉࡕ ࡏࡋࡀࡊ ࡅࡀࡐ ࡀࡍࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡎࡉࡀ ࡔࡀࡉࡉࡋࡍࡀ ࡌࡉࡍࡀࡊ ࡅࡄࡀࡉࡋࡀ ࡅࡁࡀࡉࡉࡍࡀ ࡌࡉࡍࡀࡊ ࡀࡎࡅࡕࡀ ࡅࡃࡀࡓࡌࡀࡍࡀ ࡉࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡏࡅࡑࡈࡅࡍࡇ ࡅࡄࡉࡊࡋࡇ ࡅࡊࡅࡋࡇ ࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡋࡀࡊ ࡏࡅ ࡁࡄࡀࡌࡓࡀ ࡏࡅ ࡁࡔࡀࡊࡓࡀ ࡏࡅ ࡁࡌࡉࡀ ࡏࡅ ࡁࡂࡅࡓࡌࡀࡉࡆࡀ ࡖ ࡕࡀࡅࡓࡀ ࡎࡅࡌࡀࡒࡀ ࡅࡀࡉࡋࡉࡕ ࡁࡊࡅࡋࡄࡅࡍ ࡄࡀࡍࡃࡀࡌࡉࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡍࡀࡕ ࡔࡀࡌࡁࡓࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡉࡊࡅࡋࡄࡅࡍ ࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡁࡓࡉࡔࡇ ࡅࡋࡀࡂࡈࡇ ࡅࡄࡉࡃࡓࡀ ࡖ ࡓࡉࡔࡀ ࡅࡋࡌࡉࡕࡒࡉࡓࡉࡀ ࡍࡀࡐࡒࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡋࡀࡊ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡑࡉࡓࡉࡀ ࡅࡌࡉࡕࡒࡉࡓࡉࡀ ࡑࡀࡋࡀࡄࡉࡀࡕࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡀࡉࡍࡉࡀ ࡅࡌࡉࡕࡒࡉࡓࡉࡀ ࡀࡉࡍࡉࡀ ࡌࡄࡀࡔࡊࡀ ࡅࡀࡁࡃࡀ ࡊࡉࡁࡀ ࡅࡉࡀࡓࡒࡀࡍࡀ ࡁࡀࡉࡍࡉࡀ ࡅࡌࡉࡕࡒࡉࡓࡉࡀ ࡁࡉࡓࡅࡒࡕࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡋࡏࡅࡃࡍࡉࡀ ࡅࡌࡉࡕࡒࡉࡓࡉࡀ ࡅࡍࡉࡑࡋࡉࡀ ࡅࡌࡈࡀࡓࡔࡉࡀ ࡏࡅࡃࡍࡉࡀ ࡅࡌࡉࡕࡒࡉࡓࡉࡀ ࡈࡀࡌࡀࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡂ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡖ ࡉࡀࡕࡁࡀ ࡏࡋ ࡍࡄࡉࡓࡇ ࡅࡌࡉࡕࡒࡉࡓࡉࡀ ࡔࡀࡌࡁࡓࡀࡍࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡋࡐࡅࡌࡇ ࡅࡌࡉࡕࡒࡉࡓࡉࡀ ࡂࡉࡃࡉࡀ ࡅࡐࡉࡒࡉࡀ ࡅࡌࡀࡄࡓࡉࡀ ࡅࡌࡎࡀࡓࡉࡀ ࡐࡅࡌࡇ ࡅࡋࡉࡔࡄࡀࡍࡇ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡊࡀࡊࡉࡀ ࡅࡔࡉࡍࡉࡀ ࡅࡌࡉࡕࡒࡉࡓࡉࡀ ࡀࡎࡕࡀࡓࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡂ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡌࡁࡀࡋࡉࡀࡕࡀ ࡅࡂࡀࡍࡂࡀࡓࡉࡀࡕࡀ ࡅࡌࡉࡕࡒࡉࡓࡉࡀ ࡎࡀࡍࡅࡊࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡉࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡋࡑࡀࡅࡓࡀ ࡅࡌࡉࡕࡒࡉࡓࡉࡀ ࡔࡀࡍࡂࡉࡓࡉࡀ ࡅࡔࡀࡍࡂࡓࡅࡍࡉࡀ ࡁࡀࡐࡒࡅࡕࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡂ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡊࡀࡃࡐࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡂ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡁࡉࡕ ࡌࡀࡎࡉࡀ ࡅࡌࡉࡕࡒࡉࡓࡉࡀ ࡁࡂࡀࡍࡁࡀ ࡅࡎࡅࡐࡍࡀ ࡅࡊࡀࡃࡉࡀ ࡅࡁࡀࡁࡀࡓࡉࡀࡕࡀ ࡖ ࡁࡓࡉࡀ ࡅࡌࡉࡕࡒࡉࡓࡉࡀ ࡕࡅࡍࡁࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡋࡏࡃࡉࡀ ࡅࡌࡉࡕࡒࡉࡓࡉࡀ ࡌࡒࡀࡓࡒࡀࡎࡕࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡐࡅࡌࡇ ࡖ ࡒࡅࡓࡒࡁࡀࡍࡀ ࡅࡌࡉࡀࡁࡔࡀ ࡅࡌࡊࡀࡌࡔࡀ ࡅࡌࡀࡊࡑࡉࡓࡀ ࡅࡌࡊࡀࡌࡑࡀ ࡐࡀࡓࡑࡅࡐࡉࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡄࡀࡔࡕࡀ ࡐࡀࡓࡑࡅࡐࡉࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡍࡉࡓࡅࡀࡆ ࡀࡍࡐࡇ ࡍࡉࡐࡑࡅࡍࡅࡍ ࡅࡍࡉࡕࡐࡀࡑࡍࡅࡍ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡋࡉࡁࡇ ࡅࡓࡀࡌࡉࡀ ࡓࡅࡒࡀࡕࡀ ࡅࡌࡀࡁࡀࡃࡉࡀ ࡁࡉࡔࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡊࡀࡁࡃࡀ ࡅࡏࡋ ࡄࡀࡔࡀࡔࡀ ࡅࡏࡋ ࡈࡀࡄࡀࡋࡀ ࡅࡏࡋ ࡊࡅࡋࡉࡀࡕࡀ ࡅࡀࡁࡃࡀ ࡔࡀࡅࡋࡀ ࡅࡓࡅࡌࡀࡉࡉࡀ ࡁࡉࡔࡉࡀ ࡁࡄࡀࡓࡔࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡌࡉࡀ ࡅࡋࡊࡀࡓࡊࡀ ࡖ ࡌࡉࡀ ࡅࡌࡉࡕࡒࡉࡓࡉࡀ ࡌࡉࡓࡎࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡄࡀࡋࡑࡀ ࡅࡂࡀࡑࡀ ࡁࡄࡀࡋࡑࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡔࡅࡓࡀ ࡅࡌࡀࡓࡎࡀ ࡅࡊࡀࡐࡕࡀ ࡖ ࡔࡅࡓࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡌࡀࡈࡀࡄࡉࡀࡕࡀ ࡅࡌࡉࡕࡒࡉࡓࡉࡀ ࡓࡉࡐࡎࡉࡀ (ࡓࡉࡐࡅࡄࡀ ? - ࡓࡉࡎࡅࡐ ?) ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡋࡌࡅࡒࡓࡀ ࡅࡌࡉࡕࡒࡉࡓࡉࡀ ࡎࡀࡄࡈࡀࡈࡀࡓࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡄࡀࡍࡀ ࡅࡌࡉࡕࡒࡉࡓࡉࡀ ࡑࡉࡌࡉࡓࡕࡀ ࡅࡂࡀࡉࡁࡀ ࡒࡅࡌࡕࡇ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡍࡀࡐࡒࡀ ࡅࡌࡉࡕࡒࡉࡓࡉࡀ ࡎࡓࡅࡍࡂࡉࡀ ࡂࡀࡅࡀࡉࡉࡀ ࡁࡔࡅࡐࡓࡀ (ࡔࡅࡐࡋࡀ) ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡄࡀࡋࡑࡇ ࡅࡃࡅࡐࡍࡇ ࡅࡌࡉࡕࡒࡉࡓࡉࡀ ࡓࡅࡌࡀࡉࡀ ࡁࡄࡀࡋࡑࡀ ࡅࡃࡅࡐࡍࡀ ࡅࡔࡉࡍࡂࡃࡅࡍࡉࡀ ࡁࡀࡈࡌࡀ ࡅࡓࡅࡌࡀࡉࡉࡀ ࡖ ࡁࡅࡓࡊࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡁࡅࡓࡊࡉࡀ ࡅࡌࡉࡕࡒࡉࡓࡉࡀ ࡁࡅࡓࡊࡉࡍࡉࡀࡕࡀ ࡁࡁࡅࡓࡊࡉࡀ ࡅࡔࡀࡄࡀࡉࡕࡀ ࡁࡔࡀࡒࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡔࡀࡒࡉࡀ ࡅࡌࡉࡕࡒࡉࡓࡉࡀ ࡔࡉࡍࡂࡃࡅࡍࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡏࡋ ࡋࡉࡂࡓࡇ ࡅࡌࡉࡕࡒࡉࡓࡉࡀ ࡐࡀࡓࡂࡀࡋࡕࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡏࡍ ࡓࡅࡄࡀ ࡄࡏ ࡖ ࡉࡀࡕࡁࡀ ࡉࡊࡅࡋࡇ ࡒࡀࡉࡍࡀ ࡖ ࡒࡅࡌࡕࡇ ࡖ ࡌࡉࡕࡒࡉࡓࡉࡀ ࡁࡐࡀࡂࡓࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡆࡉࡍ ࡄࡏ ࡓࡅࡄࡀ ࡁࡉࡔࡕࡀ ࡅࡊࡅࡋࡄࡅࡍ ࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡋࡀࡊ ࡅࡄࡀࡔࡕࡀ ࡀࡍࡀࡕ ࡔࡀࡌࡁࡓࡀ ࡂࡀࡉࡀ ࡔࡀࡄࡒࡉࡍࡅࡍ ࡅࡁࡀࡈࡋࡉࡍࡅࡍ ࡉࡊࡅࡋࡄࡅࡍ ࡌࡀࡄࡓࡉࡀ ࡅࡋࡄࡀࡋࡉࡍ ࡓࡅࡄࡉࡀ ࡁࡉࡔࡀࡕࡀ ࡅࡄࡅࡌࡓࡉࡀ ࡆࡀࡃࡀࡍࡉࡀࡕࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡋࡀࡊ ࡅࡌࡔࡀࡍࡉࡋࡀࡊ ࡏࡅ ࡁࡋࡉࡋࡉࡀ ࡅࡏࡅࡌࡀࡍࡀ ࡏࡅ ࡁࡓࡉࡐࡎࡉࡀ ࡏࡅ ࡁࡒࡉࡓࡎࡉࡀ ࡅࡁࡊࡅࡄࡓࡀࡍࡉࡀ ࡅࡓࡉࡃࡉࡀ ࡅࡓࡅࡌࡀࡉࡉࡀ ࡅࡄࡀࡔࡕࡀ ࡀࡍࡀࡕ ࡔࡀࡌࡁࡓࡀ ࡂࡀࡉࡀ ࡌࡀࡅࡌࡉࡍࡀࡋࡀࡊ ࡅࡌࡔࡅࡁࡉࡍࡀࡋࡀࡊ ࡁࡏ ࡉࡍ ࡅࡏࡋ ࡔࡅࡌࡀ ࡓࡁࡀ ࡒࡀࡃࡌࡀࡉࡀ ࡀࡉࡀࡊ ࡀࡍࡀࡕ ࡁࡄࡀࡉࡋࡀࡊ ࡖ ࡍࡀࡐࡔࡀࡊࡇ ࡐࡓࡀࡃࡕ ࡅࡍࡐࡀࡒࡕ ࡅࡄࡀࡅࡉࡕ ࡋࡀࡆࡉࡓࡉࡀࡊ ࡂࡉࡍࡀࡉࡀ ࡁࡂࡉࡍࡕࡇ ࡅࡋࡀࡔࡉࡕࡋࡀࡊ ࡐࡀࡓࡃࡉࡎࡐࡀࡍࡀ ࡁࡐࡀࡓࡃࡉࡎࡐࡇ ࡖ ࡕࡉࡔࡄࡅࡒ ࡅࡕࡉࡈࡓࡅࡃ ࡅࡕࡉࡁࡈࡅࡋ ࡌࡍ ࡄࡀࡆࡉࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡊࡅࡋ ࡓࡅࡄࡉࡀ ࡅࡊࡅࡋ ࡓࡅࡄ ࡀࡍࡀࡍࡀࡉ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡏࡎࡕࡉࡓࡀ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡎࡉࡍ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡊࡉࡅࡀࡍ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡁࡉࡋ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡍࡉࡓࡉࡂ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡊࡅࡋ ࡓࡅࡄ ࡁࡓ ࡏࡍࡂࡀࡓࡉࡀ ࡅࡊࡅࡋࡄࡉࡍ ࡒࡉࡓࡉࡀࡕࡇ ࡅࡔࡀࡊࡁࡀ ࡏࡅࡉࡓࡀ ࡅࡀࡃࡅࡍࡀࡉ ࡅࡃࡀࡍࡉࡔ ࡅࡆࡀࡊࡉࡀ ࡁࡓࡎࡐࡅࡄࡓࡀ ࡅࡀࡋࡀࡄࡉࡀ ࡅࡐࡀࡕࡉࡊࡓࡉࡀ ࡆࡉࡊࡓࡉࡀ ࡅࡊࡅࡋࡄࡉࡍ ࡓࡅࡄࡉࡀ ࡁࡉࡔࡀࡕࡀ ࡆࡉࡊࡓࡉࡀ ࡅࡍࡅࡒࡁࡀࡕࡀ ࡖ ࡂࡀࡈࡋࡉࡀ ࡁࡍࡉࡀ ࡅࡌࡎࡀࡅࡈࡉࡀ ࡏࡅࡋࡉࡀ ࡁࡊࡓࡀࡎ ࡏࡌࡀࡉࡄࡅࡍ ࡅࡌࡔࡅࡈࡀ ࡏࡅࡋࡉࡀ ࡁࡊࡓࡀࡎ ࡏࡌࡀࡉࡄࡅࡍ ࡅࡍࡉࡃࡓࡉࡀ ࡅࡋࡅࡈࡀࡕࡀ ࡅࡀࡒࡓࡀࡉࡀࡕࡀ ࡖ ࡀࡋࡀࡄࡉࡀ ࡅࡀࡍࡀࡔࡉࡀ ࡀࡍࡀࡕ ࡎࡀࡌࡀ ࡁࡄࡀࡉࡋࡀࡊ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡄࡀࡋࡉࡍ ࡊࡅࡋࡄࡉࡍ ࡓࡅࡄࡉࡀ ࡁࡉࡔࡀࡕࡀ ࡅࡌࡀࡄࡓࡉࡀ ࡅࡒࡉࡓࡎࡉࡀ ࡅࡊࡅࡄࡓࡀࡍࡉࡀ ࡁࡉࡔࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡕࡅࡌ ࡌࡀࡅࡌࡉࡍࡀࡋࡀࡊ ࡀࡍࡀࡕ ࡎࡀࡌࡀ ࡂࡀࡉࡀ ࡁࡀࡋࡀࡄࡉࡀ ࡆࡉࡊࡓࡉࡀ ࡅࡁࡏࡎࡕࡉࡓࡀࡉࡀ ࡍࡅࡒࡁࡀࡕࡀ ࡁࡁࡉࡋ ࡌࡀࡓࡉࡀ ࡀࡋࡀࡄࡉࡀ ࡅࡀࡍࡀࡔࡉࡀ ࡅࡁࡍࡉࡓࡉࡂ ࡌࡀࡓࡉࡀ ࡊࡀࡉࡋࡀ ࡅࡆࡀࡉࡍࡀ ࡅࡒࡓࡀࡁࡀ ࡅࡁࡏࡍࡁࡅ ࡌࡀࡓࡉࡀ ࡄࡉࡊࡅࡌࡕࡀ ࡅࡌࡀࡓࡉࡀ ࡐࡉࡄࡕࡀ ࡅࡍࡄࡀࡔࡀ ࡅࡔࡅࡓࡉࡀ ࡁࡔࡀࡌࡉࡔ ࡖ ࡏࡋࡀࡊ ࡍࡉࡃࡍࡉࡀ ࡅࡁࡎࡉࡓࡀ ࡖ ࡏࡋࡀࡊ ࡓࡀࡃࡉࡀ ࡅࡁࡆࡉࡒࡀ ࡅࡍࡅࡓࡀ ࡅࡌࡉࡀ ࡅࡁࡆࡉࡒࡀ ࡖ ࡀࡉࡀࡓ ࡈࡅࡓ ࡈࡅࡓࡀ ࡖ ࡄࡀࡅࡉࡋࡀࡊ ࡌࡓࡀࡁࡉࡀࡍࡀ ࡅࡁࡕࡅࡓࡉࡀ ࡖ ࡉࡀࡃࡋࡅࡊ ࡅࡁࡐࡀࡒࡀࡕࡀ ࡅࡁࡀࡓࡀࡌࡀࡕࡀ ࡖ ࡓࡀࡁࡉࡅࡊ ࡅࡁࡍࡀࡄࡋࡉࡀ ࡖ ࡁࡂࡀࡅࡀࡉࡄࡅࡍ ࡀࡔࡊࡉࡄࡉࡕ ࡅࡔࡉࡄࡉࡕ ࡖ ࡕࡉࡕࡉࡓࡀ ࡖ ࡌࡉࡑࡓࡀ ࡖ ࡕࡉࡑࡓࡀ ࡉࡄࡀࡆࡉࡍ ࡓࡅࡄࡀ ࡁࡉࡔࡕࡀ ࡌࡈࡀࡍࡀࡐࡕࡀ ࡆࡉࡊࡓࡉࡀ ࡅࡍࡅࡒࡁࡀࡕࡀ ࡔࡉࡃࡉࡀ ࡅࡄࡅࡌࡓࡉࡀ ࡅࡐࡀࡕࡉࡊࡓࡉࡀ ࡅࡋࡉࡋࡉࡀࡕࡀ ࡅࡕࡀࡒࡐࡀ ࡌࡍ ࡄࡀࡆࡉࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡍ ࡄࡀࡄࡅ ࡁࡉࡓࡒࡀ ࡖ ࡌࡉࡔࡕࡀࡃࡀࡓ ࡏࡔࡉࡐࡇ ࡉࡄࡀࡄࡅ ࡄࡉࡅࡉࡀ ࡁࡉࡔࡀ ࡖ ࡌࡀࡐࡉࡒࡋࡇ ࡀࡍࡀࡕ ࡎࡀࡌࡀ ࡏࡆࡄࡀ ࡅࡏࡕࡀࡆࡄࡀ ࡁࡄࡀࡉࡋࡀࡊ ࡅࡒࡀࡁࡉࡋ ࡌࡉࡍࡀࡉ ࡄࡀࡋࡉࡍ ࡓࡀࡆࡉࡀ ࡅࡏࡅࡌࡀࡍࡀࡕࡀ ࡉࡄࡀࡆࡉࡍ ࡐࡀࡂࡓࡀ ࡅࡓࡅࡄࡀ ࡅࡍࡉࡔࡉࡌࡕࡀ ࡅࡄࡀࡍࡃࡀࡌࡉࡀ ࡅࡁࡉࡍࡉࡀࡍࡀ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡔࡀࡕࡉࡋࡀࡊ ࡏࡅ ࡁࡋࡉࡋࡉࡀ ࡏࡅ ࡁࡏࡅࡌࡀࡍࡀ ࡏࡅࡋ ࡏࡆࡉࡋ ࡁࡐࡀࡂࡓࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡔࡄࡅࡒ ࡅࡈࡓࡅࡃ ࡅࡁࡀࡈࡉࡋ ࡌࡉࡍࡇ ࡎࡀࡍࡉࡀ ࡅࡊࡅࡋࡄࡅࡍ ࡁࡉࡋࡃࡁࡀࡁࡉࡀ ࡅࡔࡉࡃࡉࡀ ࡅࡎࡀࡄࡓࡉࡀ ࡅࡃࡀࡉࡅࡉࡀ ࡅࡐࡉࡒࡃࡉࡀ ࡅࡋࡀࡈࡀࡁࡉࡀ ࡅࡍࡀࡋࡉࡀ ࡅࡍࡉࡅࡋࡉࡀ ࡍࡓࡅࡄࡉࡀ ࡁࡉࡔࡀࡕࡀ ࡅࡄࡅࡌࡓࡉࡀ ࡅࡃࡌࡀࡅࡀࡕࡀ ࡎࡀࡉࡍࡀࡕࡀ ࡅࡈࡅࡋࡀࡍࡉࡀࡕࡀ ࡃࡀࡄࡀࡋࡀࡕࡀ ࡖ ࡄࡔࡅࡊࡀ ࡅࡄࡀࡓࡔࡉࡀ ࡁࡉࡔࡉࡀ ࡅࡌࡀࡁࡀࡃࡉࡀ ࡎࡀࡉࡍࡉࡀ ࡅࡐࡀࡕࡉࡊࡓࡉࡀ ࡆࡉࡊࡓࡉࡀ ࡀࡍࡀࡕ ࡎࡀࡌࡀ ࡄࡀࡉࡊࡉࡍ ࡏࡅࡋ ࡏࡆࡉࡋ ࡀࡉࡀࡊ ࡌࡉࡀ ࡖ ࡍࡀࡐࡒࡉࡀ ࡌࡍ ࡓࡉࡔࡀ ࡖ ࡈࡅࡓࡉࡀ ࡄࡀࡉࡊࡉࡍ ࡏࡅࡋ ࡏࡆࡉࡋ ࡏࡋ ࡊࡅࡄࡓࡀࡍࡉࡀ (ࡁࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ) ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡁࡀࡈࡉࡋ ࡌࡍ ࡄࡀࡍࡃࡀࡌࡇ (ࡊࡅࡄࡓࡀࡍࡉࡀ) ࡁࡉࡔࡉࡀ ࡏࡅࡋ ࡁࡔࡀࡉࡀ ࡅࡐࡅࡒ ࡁࡔࡋࡀࡌࡀ ࡏࡅࡋ ࡁࡓࡀࡁࡅࡕࡀ ࡅࡐࡅࡒ ࡁࡄࡀࡃࡅࡕࡀ ࡅࡎࡀࡌࡀ ࡄࡀࡃࡅࡕࡀ ࡅࡀࡎࡅࡕࡀ ࡉࡔࡀࡕࡉࡀ ࡅࡀࡕࡓࡀࡍࡀ ࡋࡌࡀࡔࡒࡉࡀࡍࡀ ࡀࡍࡀࡕ ࡏࡌࡉࡓࡀ ࡅࡔࡀࡋࡌࡉࡕ ࡔࡋࡀࡌࡀ ࡋࡀࡁࡃࡀࡍࡀ ࡖ ࡕࡉࡌࡉࡓࡉࡍࡅࡍ ࡀࡎࡉࡀ ࡀࡎࡅࡕࡀ ࡀࡎࡀࡉࡕࡇ ࡅࡋࡀࡔࡕࡀࡋࡌࡀࡕ ࡕࡉࡔࡀࡋࡄࡉࡌࡉࡍ ࡖ ࡋࡉࡁࡀࡕ ࡌࡀࡓࡉࡀ ࡀࡋࡀࡄࡉࡀ ࡅࡀࡍࡀࡔࡉࡀ ࡋࡅࡀࡕ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡀࡔࡅࡕࡀ ࡕࡉࡄࡅࡉࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡁࡔࡅࡌࡀ ࡖ ࡌࡀࡍ ࡀࡎࡉࡀ ࡖ ࡌࡀࡎࡉࡀ ࡅࡄࡉࡉࡀ ࡆࡀࡊࡉࡍ ࡎࡀ
 
ࡌࡀࡎࡕࡀ ࡌࡀࡎࡕࡀࡉ ࡎࡀࡌࡀ ࡆࡀࡊࡀࡉࡀ ࡌࡀࡎࡀࡉ ࡆࡀࡊࡀࡉࡀ ࡌࡀࡎࡀࡉ ࡌࡀࡎࡀࡉ ࡌࡀࡎࡀࡉ ࡎࡀࡌࡀ ࡆࡀࡊࡀࡉࡀ ࡀࡅࡌࡉࡕࡀࡊ ࡀࡅࡌࡉࡕࡀࡊ ࡀࡅࡌࡉࡕࡀࡊ ࡁࡈࡅࡓࡉࡀ ࡖ ࡉࡀࡃࡉࡅࡊ ࡅࡁࡀࡓࡀࡌࡀࡕࡀ ࡖ ࡓࡀࡁࡉࡅࡊ ࡅࡁࡀࡉࡀࡓ ࡎࡕࡀࡍࡀ ࡖ ࡍࡀࡔࡉࡌ ࡏࡋࡀࡊ ࡅࡁࡋࡉࡁࡀࡕ ࡊࡅࡊࡁࡀ ࡍࡀࡄࡉࡓࡀ ࡖ ࡌࡀࡍࡄࡀࡓ ࡌࡍ ࡊࡅࡋࡄࡅࡍ ࡊࡅࡊࡁࡉࡀ ࡎࡓࡅࡂ ࡏࡅࡋ ࡁࡇ ࡁࡐࡀࡂࡓࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡊࡅࡋ ࡆࡉࡒࡀ ࡖ ࡌࡀࡔࡊࡀࡕࡋࡇ ࡍࡉࡒࡅࡐ ࡅࡀࡃࡉࡊ ࡅࡀࡒࡉࡐ ࡌࡉࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡅࡄ ࡎࡀࡉࡀࡍࡕࡉࡀ ࡏࡅ ࡔࡀࡊࡀࡑࡕࡀ ࡏࡅ ࡄࡀࡏࡔࡉࡀ ࡏࡅ ࡏࡅࡁࡀࡃࡉࡀ ࡏࡅ ࡃࡀࡍࡉࡔ ࡏࡅ ࡄࡉࡋࡐࡀ ࡖ ࡄࡀࡋࡉࡐ ࡏࡅ ࡂࡀࡎࡀ ࡖ ࡂࡀࡉࡉࡎ ࡏࡅ ࡐࡉࡂࡀ ࡖ (ࡏࡅ) ࡐࡀࡋࡂࡀ ࡏࡅ ࡄࡅࡌࡀࡓࡕࡀ ࡁࡔࡅࡌࡀ ࡖ ࡂࡀࡁࡓࡏࡉࡉࡋ ࡌࡀࡋࡀࡊࡀ ࡅࡁࡔࡅࡌࡀ ࡖ ࡒࡀࡃࡅࡔࡀࡍ ࡌࡀࡋࡀࡊࡀ ࡅࡁࡔࡅࡌࡀ ࡖ ࡊࡀࡓࡊࡅࡍ ࡌࡀࡋࡀࡊࡀ ࡖ ࡊࡀࡓࡉࡊ ࡎࡀࡄࡓࡉࡀ ࡅࡃࡀࡉࡅࡉࡀ ࡅࡔࡉࡃࡉࡀ ࡅࡓࡅࡄࡉࡀ ࡅࡄࡅࡌࡓࡉࡀ ࡅࡋࡉࡋࡉࡀࡕࡀ ࡅࡏࡊࡅࡓࡉࡀ ࡅࡐࡓࡉࡊࡉࡀ ࡅࡐࡀࡕࡉࡊࡓࡉࡀ ࡅࡍࡉࡌࡅࡎࡉࡀ ࡀࡍࡀࡕࡅࡍ ࡌࡋࡀࡊࡉࡀ ࡖ ࡀࡐࡔࡉࡓࡅࡉࡀ ࡅࡀࡐࡒࡅࡉࡀ ࡌࡍ ࡐࡀࡂࡓࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡀࡎࡅࡕࡀ ࡕࡉࡄࡅࡉࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡄࡉࡉࡀ ࡆࡀࡊࡉࡍ ࡎࡀ
 
ࡀࡎࡅࡕࡀ ࡕࡉࡄࡅࡉࡋࡇ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡔࡀࡌࡁࡓࡀ ࡀࡍࡀࡕ ࡁࡓ ࡔࡀࡌࡁࡓࡀ ࡖ ࡌࡍ ࡁࡀࡆࡉࡓࡀ ࡖ ࡔࡀࡌࡁࡓࡀ ࡄࡅࡉࡕ ࡅࡌࡍ ࡊࡀࡍࡀ ࡓࡁࡀ ࡖ ࡀࡎࡀࡅࡀࡕࡀ ࡅࡔࡀࡓࡉࡀ ࡏࡎࡉࡓࡉࡀ ࡅࡒࡉࡓࡎࡉࡀ ࡖ ࡏࡎࡉࡓࡉࡀ ࡅࡌࡃࡀࡊࡉࡕ ࡏࡍࡔࡉࡀ ࡖ ࡌࡈࡀࡍࡐࡀࡍ ࡅࡌࡀࡎࡉࡀ ࡊࡀࡓࡉࡄࡉࡀ ࡀࡍࡀࡕ ࡐࡉࡔࡓࡀ ࡋࡀࡍࡀࡔࡉࡀ ࡉࡀࡄࡁࡉࡕ ࡅࡄࡀࡉࡋࡀ ࡉࡊࡅࡋࡄࡅࡍ ࡏࡋࡉࡌࡀࡍࡉࡀ ࡅࡉࡀࡍࡒࡉࡀ ࡅࡑࡉࡄࡌࡀ ࡅࡏࡒࡀࡓࡀ ࡉࡎࡀࡁࡓࡉࡀ ࡋࡎࡀࡁࡉࡀ ࡅࡓࡂࡀࡂࡕࡀ ࡉࡊࡅࡋࡄࡅࡍ ࡓࡅࡄࡉࡀ ࡔࡀࡒࡋࡉࡕ ࡅࡕࡉࡅࡋࡁࡇ ࡅࡓࡅࡌࡀࡉࡉࡀ ࡅࡓࡉࡐࡎࡉࡀ ࡀࡍࡀࡕ ࡔࡀࡒࡋࡉࡕ ࡅࡄࡀࡓࡔࡉࡀ ࡅࡌࡃࡀࡊࡉࡕ ࡏࡅࡁࡀࡃࡉࡀ ࡌࡍ ࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡊࡅࡋ ࡎࡀࡄࡓࡉࡀ ࡅࡎࡀࡈࡀࡍࡉࡀ ࡅࡎࡀࡓࡍࡁࡅ ࡅࡐࡀࡋࡂࡀ ࡅࡁࡓ ࡏࡍࡂࡀࡓࡉࡀ ࡖ ࡌࡔࡀࡌࡔࡉࡀ ࡁࡐࡀࡂࡓࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡄࡀࡕࡀࡌࡕࡀ ࡅࡆࡀࡓࡀࡆࡕࡀ ࡅࡍࡀࡈࡀࡓࡕࡀ ࡖ ࡔࡀࡓࡀࡓࡀ ࡍࡉࡄࡅࡉࡋࡇ ࡉࡐࡀࡂࡓࡇ ࡅࡓࡅࡄࡇ ࡅࡍࡉࡔࡉࡌࡕࡇ ࡅࡄࡀࡍࡃࡀࡌࡇ ࡅࡏࡅࡑࡈࡅࡍࡇ ࡅࡄࡉࡊࡋࡇ ࡅࡊࡅࡋࡇ ࡁࡉࡍࡉࡀࡍࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡁࡔࡅࡌࡀ ࡖ ࡌࡀࡍ ࡀࡎࡉࡀ ࡖ ࡌࡀࡎࡉࡀ ࡅࡄࡉࡉࡀ ࡆࡀࡊࡉࡍ ࡎࡀ
 
ࡓࡀࡆࡀࡉࡄࡅࡍ ࡖ ࡄࡀࡍࡉࡍ ࡆࡀࡌࡀࡍࡀࡕࡀ ࡖ ࡔࡀࡌࡁࡓࡀ ࡒࡓࡉࡀ ࡔࡅࡁࡀ ࡆࡉࡁࡍࡉࡀ ࡊࡅࡋ ࡉࡅࡌࡀ ࡔࡅࡁࡀ ࡈࡅࡐࡎࡉࡀ ࡅࡓࡌࡉࡀ ࡁࡄࡀࡌࡓࡀ ࡏࡅ ࡁࡂࡅࡌࡉࡆࡀ ࡖ ࡕࡀࡅࡓࡀ ࡎࡅࡌࡀࡒࡀ ࡏࡅ ࡁࡌࡉࡀ ࡅࡒࡓࡉࡀ ࡔࡅࡁࡀ ࡆࡉࡁࡍࡉࡀ ࡀࡁࡀࡕࡀࡓ ࡄࡃࡀࡃࡉࡀ ࡅࡀࡔࡒࡉࡇ ࡉࡓࡅࡄࡀ ࡅࡋࡌࡀࡁࡀࡃࡉࡀ ࡅࡔࡀࡓࡉࡓ ࡅࡌࡍࡀࡎࡀࡉ ࡄࡀࡆࡉࡍ ࡓࡀࡆࡀ ࡖ ࡀࡐࡑࡀ ࡁࡓ ࡀࡐࡑࡀ ࡄࡀࡆࡉࡍ ࡐࡅࡂࡃࡀࡌࡀ ࡖ ࡔࡀࡌࡁࡓࡀ ࡉࡆࡀࡌࡅࡍࡉࡀ ࡅࡋࡊࡅࡋࡌࡀࡍ ࡖ ࡌࡀࡔࡒࡉࡀࡕࡋࡇ ࡖ ࡌࡑࡉࡀ ࡄࡀࡉࡋࡇ ࡕࡋࡀࡕࡀ ࡆࡉࡁࡍࡉࡀ ࡖ ࡌࡑࡉࡀ ࡄࡀࡉࡋࡇ ࡕࡓࡉࡍ ࡈࡅࡐࡓࡉࡀ ࡅࡖ ࡈࡅࡐࡓࡉࡀ ࡏࡅ ࡄࡃࡀ ࡈࡅࡐࡓࡀ ࡌࡀࡔࡒࡉࡀࡕࡋࡇ ࡄࡀࡆࡉࡍ ࡐࡅࡂࡃࡀࡌࡀ ࡒࡓࡉࡀ ࡏࡋࡇ ࡅࡀࡔࡒࡉࡇ ࡋࡎࡅࡌࡒࡀ ࡁࡄࡀࡌࡓࡀ ࡅࡋࡓࡅࡄ ࡅࡄࡀࡓࡔࡉࡀ ࡅࡋࡏࡅࡁࡀࡃࡉࡀ ࡅࡋࡄࡀࡉࡋࡇ ࡁࡔࡀࡊࡓࡀ ࡅࡋࡎࡅࡁࡀ ࡅࡋࡓࡅࡄ ࡐࡀࡋࡂࡀ ࡁࡌࡉࡀ ࡒࡀࡓࡉࡓࡉࡀ (ࡒࡓࡉࡀ) ࡓࡀࡆࡀ ࡖ ࡄࡀࡆࡉࡍ ࡆࡀࡌࡀࡍࡕࡀ ࡔࡀࡌࡁࡓࡀ ࡁࡓ ࡈࡅࡓࡉࡀ ࡖ ࡋࡀࡔࡀࡌࡉࡋࡇ ࡒࡀࡋࡀ ࡖ ࡕࡀࡓࡍࡀࡅࡋࡀ ࡅࡋࡒࡀࡉࡋࡀ ࡖ ࡓࡅࡄࡀ ࡁࡌࡉࡀ ࡅࡒࡓࡉࡍࡅࡍ ࡉࡄࡀࡋࡉࡍ ࡐࡅࡂࡃࡀࡌࡉࡀ ࡖ ࡔࡀࡌࡁࡓࡀ ࡅࡀࡔࡒࡉࡇ ࡉࡌࡀࡍ ࡖ ࡓࡅࡄࡀ ࡉࡂࡉࡈࡋࡇ ࡔࡅࡁࡀ ࡉࡅࡌࡉࡀ ࡅࡊࡅࡋ ࡉࡅࡌࡀ ࡔࡅࡁࡀ ࡈࡅࡐࡓࡉࡀ ࡓࡌࡉࡀ ࡁࡔࡀࡊࡓࡀ ࡏࡅ ࡁࡌࡉࡀ ࡅࡀࡔࡒࡉࡀ ࡌࡍ ࡕࡋࡀࡕࡀ ࡔࡉࡕࡀ ࡒࡀࡃࡌࡀࡉࡕࡀ ࡅࡆࡀࡊࡀࡓࡋࡇ ࡌࡍ ࡆࡅࡐࡓࡀ ࡖ ࡂࡀࡁࡓࡀ ࡀࡁࡀࡃࡋࡇ ࡋࡅࡀࡕ ࡆࡀࡅࡇ ࡅࡏࡍࡕࡀ ࡋࡅࡀࡕ ࡂࡀࡁࡓࡇ ࡖ ࡀࡁࡉࡃࡋࡇ ࡋࡀࡕࡉࡒࡓࡉࡁ ࡅࡋࡅࡀࡕ ࡄࡃࡀࡃࡉࡀ ࡋࡀࡍࡉࡒࡉࡓࡁࡅࡍ
 
ࡕࡅࡌ ࡓࡀࡆࡀ ࡖ ࡄࡀࡆࡉࡍ ࡐࡅࡂࡃࡀࡌࡀ ࡖ ࡔࡀࡌࡁࡓࡀ ࡕࡀࡎࡕࡉࡓࡉࡅࡍ ࡖ ࡌࡉࡕࡉࡒࡓࡉࡀ ࡏࡔࡊࡉࡀ ࡖ ࡂࡉࡃࡓࡉࡀ ࡅࡒࡓࡉࡀ ࡏࡋࡀࡅࡀࡉࡄࡅࡍ ࡅࡀࡔࡒࡇ ࡖ (ࡏࡋ?) ࡏࡍࡕࡀ ࡖ ࡁࡀࡉࡉࡀ ࡉࡌࡉࡐࡀࡊ (ࡋࡌࡉࡐࡀࡒ ?) ࡅࡃࡁࡀࡉࡋࡉࡋࡇ ࡁࡍࡉࡀ ࡔࡀࡓࡉࡓ ࡎࡀ
 
ࡄࡀࡆࡉࡍ ࡔࡀࡐࡕࡀ ࡅࡌࡉࡍࡉࡀࡍࡀ ࡖ ࡔࡀࡁࡓࡀ ࡖ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ.

Haria Biia (A Mandæan Book of Black Magic)

Author: E. S. Drower

Source: The Journal of the Royal Asiatic Society of Great Britain and Ireland, No. 2 (Oct., 1943), pp. 149-1

Published by: Cambridge University Press

Stable URL: http://www.jstor.org/stable/25221916

Unicode by: Ibrāhīm afiʿī (University of Tehrān)

 

 

ࡄࡀࡓࡔࡉࡀ ࡁࡉࡔࡉࡀ

 
1. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡄࡅࡉࡋࡇ ࡋࡐࡋࡀࡍ ࡌࡍ ࡏࡔࡀࡕࡀ ࡅࡌࡀࡄࡓࡀ ࡅࡒࡀࡓࡎࡀ ࡅࡔࡉࡒࡅࡐࡕࡀ ࡅࡀࡉࡍࡀ ࡁࡉࡔࡕࡀ ࡅࡊࡉࡅࡉࡄࡕࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡈࡀࡋࡉࡎࡌ ࡊࡃࡅࡁ ࡅࡐࡅࡔ ࡁࡌࡉࡀ ࡅࡀࡔࡒࡉࡀ ࡀࡋࡌࡀࡓࡉ ࡏࡔࡀࡕࡀ ࡎࡀ
 
2. ࡏࡆࡄࡀ ࡅࡏࡕࡀࡆࡄࡀ ࡀࡉࡍࡀ ࡁࡉࡔࡕࡀ ࡅࡀࡉࡍࡀ ࡒࡋࡉࡒࡕࡉࡀ ࡅࡀࡉࡍࡀ ࡔࡉࡄࡉࡋࡕࡉࡀ ࡅࡀࡉࡍࡀ ࡁࡓࡅࡒࡕࡉࡀ ࡅࡀࡉࡍࡀ ࡏࡊࡅࡌࡕࡉࡀ ࡅࡀࡉࡍࡀ ࡄࡀࡌࡓࡀࡍࡉࡕࡀ ࡅࡀࡉࡍࡀ ࡀࡆࡋࡀ ࡅࡀࡉࡍࡀ ࡀࡕࡉࡀ ࡅࡀࡉࡍࡀ ࡓࡀࡉࡅࡁࡕࡉࡀ ࡅࡀࡉࡍࡀ ࡒࡀࡃࡀࡅࡉࡀ ࡅࡀࡉࡍࡀ ࡓࡌࡉࡀ ࡏࡋࡀ ࡓࡒࡉࡄࡀ ࡅࡀࡉࡍࡀ ࡌࡑࡅࡑࡕࡉࡀ ࡅࡂࡀࡕࡋࡀ ࡅࡌࡉࡕࡉ ࡗ ࡍࡅࡓࡀ ࡕࡉࡐࡔࡅࡓ ࡅࡕࡉࡐࡅࡒ ࡌࡍ ࡐࡀࡂࡓࡀࡉ ࡅࡓࡅࡄࡀࡉ ࡅࡍࡉࡔࡉࡌࡕࡀࡉ ࡅࡏࡑࡈࡅࡍࡉࡀ ࡅࡄࡉࡊࡋࡀࡉ ࡅࡊࡅࡋࡇ ࡁࡉࡍࡉࡀࡍࡀࡉ ࡅࡆࡀࡅࡀࡉ ࡅࡁࡍࡀࡉ ࡅࡁࡍࡀࡕࡀࡉ ࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡁࡀࡁࡀ ࡍࡀࡆࡀࡓ ࡁࡀࡍࡃ ࡂࡀࡌ ࡉࡀࡍࡒࡀ ࡌࡍ ࡀࡉࡍࡀ ࡁࡉࡔࡕࡀ ࡓࡅࡐ ࡁࡏࡃࡀࡊ ࡉࡀࡌࡉࡍࡀࡊ ࡄࡀࡅࡉࡀ ࡓࡅࡀࡄࡀ ࡅࡀࡎࡅࡕࡉ ࡁࡄࡀࡉࡋࡉࡀ ࡖ ࡌࡀࡓࡀࡉࡀࡍ ࡎࡀ
 
3. ࡏࡎࡉࡓࡉࡀ ࡃࡀࡉࡅࡉࡀ ࡅࡔࡉࡃࡉࡀ ࡅࡂࡅࡍࡀࡄࡉࡀ ࡅࡁࡑࡉࡀࡓࡉࡀ ࡏࡎࡉࡓ ࡊࡉࡁࡀ ࡏࡎࡉࡓ ࡖ ࡀࡉࡍࡉࡀ ࡊࡉࡁࡀ ࡖ ࡀࡂࡀࡍࡁࡉࡀ ࡖ ࡀࡉࡍࡉࡀ ࡏࡎࡉࡓ ࡔࡉࡓࡉࡀࡍࡉࡀ ࡖ ࡌࡒࡀࡓࡃࡉࡍ ࡌࡍ ࡌࡅࡓࡒࡀ ࡏࡎࡉࡓࡉࡀ ࡄࡕࡉࡌࡉࡀ ࡊࡅࡋࡄࡅࡍ ࡀࡉࡍࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡍ ࡊࡉࡁࡉࡀ ࡅࡍࡀࡐࡑࡀ ࡅࡔࡉࡃࡀࡉࡉࡀ ࡅࡓࡀࡌࡀࡔࡉࡀ ࡏࡎࡉࡓࡉࡀ ࡃࡀࡉࡅࡉࡀ ࡅࡏࡎࡉࡓࡉࡀ ࡐࡀࡈࡉࡀࡓࡅࡕࡀ ࡅࡀࡋࡀࡄࡉࡀ ࡅࡏࡊࡅࡓࡉࡀ ࡅࡋࡉࡋࡉࡀࡕࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡂࡀࡌ ࡊࡅࡁࡀ (ࡊࡉࡁࡀ) ࡖ ࡓࡉࡔࡀ ࡊࡃࡅࡁ ࡅࡏࡀࡋࡉࡒ ࡏࡋࡔࡀࡓࡀ ࡖ ࡉࡀࡌࡉࡍࡇ ࡅࡁࡀࡎࡌ ࡁࡄࡀࡉࡋࡀ ࡖ ࡌࡀࡓࡀࡉࡀࡍ ࡎࡀ
 
4. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡆࡀࡓࡀࡆࡕࡀ ࡅࡍࡀࡈࡀࡓࡕࡀ ࡓࡀࡁࡕࡉࡀ ࡖ ࡔࡓࡀࡓࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡓࡉࡔࡉࡀ ࡖ ࡐࡋࡀࡍ ࡌࡍ ࡄࡉࡉࡀ ࡅࡌࡍ ࡌࡀࡍࡃࡀ ࡖ ࡄࡉࡉࡀ ࡀࡎࡉࡀ ࡌࡀࡓࡀࡉࡄࡅࡍ ࡖ ࡀࡎࡀࡅࡀࡕࡀ ࡌࡍ ࡌࡀࡃࡍࡀ ࡀࡕࡉࡍࡀ ࡅࡋࡌࡀࡓࡁࡀ ࡀࡆࡉࡋࡍࡀ ࡀࡔࡊࡀࡕࡇ (ࡀࡔࡊࡉࡕࡇ) ࡅࡊࡉࡁࡇ ࡁࡉࡊࡉࡀ (ࡁࡀࡊࡉࡀ) ࡀࡋࡉࡀ ࡅࡌࡉࡕࡀࡔࡀࡃ ࡅࡀࡌࡀࡓࡍࡀࡋࡇ ࡅࡀࡋࡌࡀ ࡖ ࡌࡉࡕࡀࡔࡉࡃࡉࡕ ࡅࡀࡌࡀࡓ ࡀࡋࡌࡀ ࡋࡀࡁࡀࡊࡉࡍࡀ ࡅࡀࡋࡌࡀ ࡋࡀࡌࡉࡕࡀࡔࡉࡃࡍࡀ ࡅࡆࡀࡍࡐࡅࡎࡀࡉࡊࡅࡍ ࡁࡐࡀࡌࡁࡉࡀ (ࡁࡀࡍࡐࡉࡀ) ࡉࡀࡒࡃࡀࡉࡊࡅࡍ ࡖ ࡑࡉࡑࡋࡉࡀ ࡅࡌࡀࡓࡂࡍࡉࡀ (ࡅࡌࡀࡓࡂࡍࡀࡉࡊࡅࡍ) ࡁࡀࡉࡍࡀࡉ ࡅࡎࡀࡅࡈࡀࡉࡊࡅࡍ ࡁࡋࡉࡁࡀࡉ ࡅࡔࡀࡅࡉࡀ (ࡅࡔࡀࡓࡉࡀ) ࡁࡊࡅࡋࡄࡅࡍ ࡄࡀࡍࡃࡀࡌࡀࡉ ࡅࡔࡉࡕࡉࡍ ࡅࡔࡉࡕࡀ ࡔࡉࡓࡉࡀࡍࡉࡀ ࡅࡔࡉࡓࡉࡀࡍࡀ ࡓࡁࡀ ࡖ ࡓࡅࡌࡒࡀࡉ (ࡒࡅࡌࡕࡀࡉ) ࡅࡀࡌࡀࡓࡍࡀࡋࡇ ࡋࡀࡕࡀࡁࡍࡉࡀ ࡓࡉࡔࡀ ࡅࡋࡀࡕࡀࡋࡀ ࡅࡋࡀࡕࡉࡕࡀࡔࡉࡃࡀ ࡅࡋࡀࡕࡉࡍࡀࡍࡃࡉࡀ ࡓࡉࡔࡀࡍࡀ ࡏࡐࡀࡒࡉࡃ ࡌࡀࡍ ࡖ ࡀࡕࡀࡋࡀࡊ ࡔࡉࡕࡀ ࡂࡅࡁࡓࡉࡀ ࡅࡀࡎࡅࡕࡀ ࡌࡀࡕࡀࡋࡉࡀ ࡌࡍ ࡀࡕࡓࡀ ࡓࡁࡀ ࡖ ࡍࡄࡅࡓࡀ ࡋࡅࡆࡀࡍ ࡅࡌࡅࡆ(ࡀࡍ) ࡅࡍࡅࡌࡀࡍ ࡅࡌࡉࡋࡀࡍ ࡎࡉࡍࡃࡉࡓࡊࡀ ࡓࡁࡀ ࡓࡉࡔࡀࡉࡉࡀ ࡍࡉࡒࡋࡀࡐ ࡅࡊࡅࡓࡎࡉࡀ ࡌࡍ ࡌࡅࡄࡀࡊ ࡅࡆࡀࡍࡐࡅࡕࡉࡀ ࡌࡍ ࡔࡉࡓࡉࡀࡍࡉࡀ ࡖ ࡐࡒࡅࡕࡀࡊ ࡑࡋࡉࡀ (ࡑࡉࡑࡋࡉࡀ) ࡌࡍ ࡑࡀࡉࡓࡉࡀ ࡅࡌࡀࡓࡂࡍࡇ . . . ࡅࡑࡅࡕࡇ ࡌࡍ ࡋࡉࡁࡀࡊ ࡅࡔࡀࡐࡀࡉࡉࡀ ࡌࡍ ࡊࡅࡋࡄࡅࡍ ࡄࡀࡍࡃࡀࡌࡀࡊ ࡅࡌࡍ ࡔࡉࡕࡉࡍ ࡔࡉࡓࡉࡀࡍࡉࡀ ࡅࡔࡉࡓࡉࡀࡍࡀ ࡓࡁࡀ ࡖ ࡐࡒࡅࡕࡀࡊ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡋࡌࡅࡒࡓࡇ ࡅࡋࡓࡉࡔࡉࡀ ࡅࡋࡑࡀࡉࡓࡉࡀ ࡅࡋࡊࡅࡋࡇ ࡐࡀࡂࡓࡉࡀ ࡖ ࡐࡋࡀࡍ ࡅࡋࡔࡉࡕࡋࡇ ࡁࡄࡀࡆࡉࡍ ࡊࡃࡀࡁࡀ ࡁࡄࡀࡆࡀ ࡁࡀࡁࡀ ࡖ ࡏࡕࡁࡀࡃࡋࡀ ࡅࡄࡉࡉࡀ ࡆࡀࡊࡉࡍ ࡎࡀ ࡄࡀࡆࡉࡍ ࡁࡀࡁࡀ ࡐࡎࡀࡒࡀ ࡖ ࡑࡉࡋࡉࡕࡀ ࡊࡃࡅࡁ ࡍࡌࡀࡓࡉࡀ ࡓࡉࡔࡀ ࡌࡒࡀࡓࡉࡀ ࡎࡀ
 
5. ࡋࡀࡊ ࡁࡔࡅࡌࡀࡊ ࡒࡓࡀࡉࡕࡀࡊ ࡃࡉࡓࡃࡁࡅࡍ ࡃࡀࡉࡅࡀ ࡖ ࡀࡊࡉࡋ ࡁࡉࡎࡓࡀ ࡖ ࡌࡉࡕࡀࡍࡀ ࡅࡔࡀࡕࡉࡀ ࡆࡌࡇ ࡅࡋࡉࡋࡉࡀࡕࡀ ࡏࡋ ࡐࡋࡀࡍ ࡁࡉࡔ ࡃࡋࡀࡔࡌࡀࡓ (ࡁࡅࡕࡀࡍࡇ ؟) ࡓࡁࡀ ࡋࡀࡉࡁࡀࡕ (ࡋࡉࡁࡀࡕ) ࡁࡓࡀࡕࡀ ࡄࡀࡉࡀ ࡁࡅࡕࡀࡍࡀ ࡓࡁࡀ ࡖ ࡐࡋࡀࡍ ࡋࡉࡁࡀࡕ ࡍࡀࡅࡎࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ (ࡄࡀࡆࡉࡍ) ࡁࡀࡁࡀ ࡒࡓࡉࡀ ࡋࡁࡉࡕ ࡌࡀࡓࡅࡒࡕࡉࡀ ࡕࡋࡀࡕࡀ ࡉࡅࡌࡉࡀ ࡎࡓࡉࡍ ࡅࡄࡃࡀ ࡆ(ࡉࡁࡍࡉࡀ ࡅࡒࡁࡅࡓ) ࡃࡅࡊࡕࡀ ࡖ ࡏࡍࡉࡔ ࡋࡀࡄࡀࡆࡉࡋࡇ ࡅࡍࡀࡐࡉࡒ ࡁࡊࡀࡓࡎࡇ . . . ࡁࡉࡔࡀ. . . .
 
6. ࡀࡅࡐࡉࡒ ࡁࡏࡑࡀࡓ ࡀࡓࡉࡀ ࡍࡄࡀࡌ ࡅࡌࡉࡕࡉࡂࡍࡀࡕ ࡏࡔࡀࡕࡀ ࡖ ࡐࡋࡀࡍ . . . (etc)
 
7. ࡄࡀࡓࡉࡒ ࡔࡉࡍࡀ ࡌࡔࡀࡁࡉࡍࡀࡋࡊࡅࡍ ࡅࡌࡀࡅࡌࡉࡍࡀࡋࡊࡅࡍ ࡅࡐࡀࡎࡉࡀ ࡏࡋࡀࡍࡀ ࡂࡅࡄࡀ (ࡂࡄࡅࡊࡀ) ࡖ ࡄࡓࡀࡒࡀ ࡖ ࡔࡉࡍࡀ ࡖ ࡄࡀࡄࡅ ࡔࡅࡌࡉࡀ ࡓࡁࡀ ࡅࡉࡀࡒࡉࡓࡀ ࡅࡀࡆࡉࡆࡀ ࡔࡅࡌࡉࡀ ࡆࡄࡅࡍ ࡐࡎࡉࡒࡉࡅࡍ ࡌࡍ ࡐࡋࡀࡍ ࡁࡓ ࡐࡋࡀࡍࡉࡕࡉࡀ ࡌࡍ ࡏࡅࡃࡍࡇ ࡅࡌࡍ ࡋࡉࡁࡉࡀ ࡄࡓࡀࡒࡀ ࡖ ࡔࡉࡍࡀ ࡅࡂࡄࡅࡊࡀ ࡌࡍ ࡁࡉࡍࡀ ࡎࡐࡉࡄࡀࡕࡇ ࡅࡋࡃࡀࡑࡀ ࡌࡍ ࡀࡕࡅࡕࡉࡀ ࡋࡉࡔࡀࡍࡇ ࡐࡋࡀࡍ ࡁࡓ ࡐࡋࡀࡍࡉࡕࡀ ࡁࡔࡅࡌࡀ ࡖ ࡏࡒࡀࡓࡀ ࡏࡍ ࡊࡀࡎࡉࡇ ࡌࡍ ࡀࡋࡌࡉࡀ ࡁࡔࡅࡌࡉࡀ ࡖ ࡆࡄࡀ ࡅࡌࡍ ࡍࡅࡇ ࡍࡉࡕࡉࡀ ࡆࡓࡀࡆࡕࡀ ࡖ ࡔࡓࡀࡓࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡔࡉࡍࡇ ࡋࡀࡍࡉࡄࡓࡅࡒ ࡀࡌࡉࡍ ࡀࡌࡉࡍ ࡀࡎࡅࡕࡀ ࡓࡀࡁࡕࡉࡀ ࡖ ࡌࡋࡀࡊࡀ ࡅࡆࡉࡒࡅ ࡏࡉࡍ ࡏࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡋࡌࡀࡍ ࡄࡀࡓࡉࡒ ࡔࡉࡍࡇ ࡁࡋࡉࡋࡉࡀ ࡅࡌࡍ ࡌࡄࡀࡃࡉࡕ ࡁࡔࡉࡍࡕࡉࡀ ࡎࡀ
 
8. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡖ ࡋࡀࡁࡀࡈࡋࡉࡀ ࡍࡉࡄࡌࡀࡕ ࡋࡃࡀࡓࡉࡀ ࡅࡁࡀࡒࡉࡕ ࡅࡎࡉࡋࡒࡉࡕ ࡋࡊࡉࡐࡀ ࡎࡉࡊࡓࡉࡕ ࡀࡔࡊࡉࡕ ࡀࡍࡀࡍࡀ ࡓࡁࡀ ࡊࡉࡐ ࡈࡅࡓࡉࡀ ࡉࡀࡕࡉࡁ ࡔࡀࡉࡋࡉࡕ ࡅࡀࡌࡀࡓ(ࡉ)ࡋࡇ ࡊࡉࡁ ࡖ ࡑࡉࡌࡓࡀ ࡌࡀࡄࡅ ࡊࡉࡁ ࡑࡉࡌࡓࡀ ࡀࡉࡕࡉࡕ ࡌࡉࡍࡉࡀࡍࡀ ࡖ ࡂࡀࡁࡓࡀ ࡎࡀࡐࡓࡀ ࡅࡁࡀࡃࡉࡓࡕࡉࡀ ࡋࡑࡉࡌࡓࡀ ࡌࡍ ࡐࡀࡂࡓࡀ ࡖ ࡐࡋࡀࡍ ࡋࡈࡅࡓࡉࡀ ࡅࡀࡂࡌࡀࡕࡀ ࡅࡋࡀࡄࡀࡈࡉࡀ ࡅࡋࡀࡁࡀࡈࡋࡉࡀ ࡅࡆࡀࡉࡍࡀ ࡋࡀࡁࡃࡉࡀ ࡅࡏࡃࡉࡀ ࡁࡀࡂࡓࡀ ࡋࡀࡁࡃࡉࡀ ࡎࡀ ࡓࡀࡆࡀ ࡄࡀࡆࡉࡍ ࡁࡀࡁࡀ ࡋࡑࡉࡌࡓࡀ ࡍࡄࡉࡔࡋࡇ ࡁࡂࡀࡍࡐࡇ ࡁࡆࡀࡂࡉࡍ ࡖ ࡋࡀࡌࡀࡐࡓࡀࡔ ࡔࡅࡁࡀ ࡆࡉࡁࡍࡉࡀ ࡅࡁࡅࡃࡒࡇ ࡃࡅࡊࡕࡀ ࡖ ࡏࡍࡉࡔ ࡋࡀࡉࡀࡃࡀ ࡄࡀࡅࡉࡀ ࡀࡎࡅࡕࡀ ࡅࡓࡅࡀࡄࡀ ࡎࡀ
 
9. ࡆࡄࡀ ࡀࡈࡀࡓ ࡅࡊࡁࡅࡎ ࡅࡕࡁࡀࡈࡀࡋ ࡅࡕࡁࡀࡓࡅࡍ ࡅࡕࡓࡀࡄࡒࡉࡅࡍ ࡊࡅࡋࡀࡉࡊࡅࡍ ࡃࡀࡉࡅࡉࡀ ࡔࡉࡃࡉࡀ ࡅࡔࡉࡁࡈࡉࡀ ࡅࡎࡀࡈࡀࡍࡉࡀ ࡅࡐࡉࡂࡉࡀ ࡅࡐࡀࡋࡂࡉࡀ ࡅࡁࡍࡉࡀ ࡀࡍࡂࡀࡓࡉࡀ ࡌࡍ ࡐࡋࡀࡍ ࡁࡓ ࡐࡋࡀࡍࡉࡕࡀ ࡕࡅࡌ ࡋࡀࡕࡉࡕࡀࡄࡆࡅࡋࡇ ࡋࡀࡁࡄࡉࡋࡌࡉࡀ ࡖ ࡋࡉࡋࡉࡀ ࡅࡋࡀࡁࡄࡉࡆࡅࡀࡍࡉࡀ ࡖ ࡏࡅࡌࡀࡌࡀ ࡅࡋࡀࡁࡔࡉࡍࡕࡉࡀ ࡅࡋࡀࡁࡕࡉࡓࡀࡕࡇ ࡋࡀࡕࡉࡔࡉࡊࡁࡅࡍ ࡏࡋࡇ ࡅࡋࡀࡕࡉࡓࡀࡌࡅࡍࡇ ࡅࡋࡀࡕࡉࡕࡀࡄࡆࡅࡋࡇ ࡏࡋ ࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡆࡀࡅࡇ ࡅࡁࡍࡉࡀ ࡅࡁࡍࡀࡕࡇ ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖ ࡏࡊࡀ ࡁࡁࡀࡉࡕࡇ ࡐࡋࡀࡍ ࡁࡓ ࡐࡋࡀࡍࡉࡕࡀ ࡄࡉࡉࡀ ࡆࡀࡊࡉࡍ (ࡋ)ࡊࡅࡋࡄࡅࡍ (ࡏࡅࡁࡀࡃࡉࡀ) ࡎࡀ ࡏࡎࡉࡓࡉࡀ ࡀࡍࡀࡕࡅࡍ ࡊࡅࡋࡀࡉࡊࡅࡍ ࡏࡎࡉࡓ ࡅࡌࡆࡀࡌࡀࡍ ࡅࡌࡔࡀࡃࡓࡉࡀ ࡒࡌࡀࡄࡉࡀ ࡄࡀࡋࡉࡍ ࡀࡎࡅࡕࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡋࡀࡍࡉࡔࡕࡓࡉࡀ ࡄࡃࡀࡃࡉࡀ ࡁࡔࡅࡌ ࡉࡀࡄࡅ ࡉࡀࡉࡀ ࡅࡉࡅ ࡍࡄࡅࡓ ࡍࡕࡅࡎ ࡒࡀࡎ ࡕࡀࡒࡌࡀࡄࡉࡀ ࡀࡔࡒࡅࡐ ࡔࡒࡉࡍ. . . ࡀࡎࡀࡓࡀ ࡌࡉࡕࡉࡋࡕࡀ (ࡌࡉࡍࡉࡋࡕࡀ) ࡔࡀ . . . ࡅࡀࡎࡅࡕࡀ ࡕࡉࡄࡅࡉࡋࡉࡀ ࡏࡋ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡌࡉࡍ ࡀࡌࡉࡍ ࡎࡀࡋࡀ . . . ࡂࡅࡍࡕࡀ ࡂࡅࡍࡕࡀ (etc., magical nonsense and figures) ࡎࡀ. ࡄࡀࡆࡉࡍ ࡒࡌࡀࡄࡀ ࡋࡌࡀࡍ ࡖ ࡄࡀࡆࡉࡀ ࡄࡉࡆࡅࡀࡍࡉࡀ ࡖ ࡔࡉࡍࡕࡀ ࡊࡃࡅࡁ ࡅࡋࡂࡅࡈ ࡏࡋࡇ ࡊࡄࡀࡅࡉࡀ (ࡒࡀࡄࡀࡅࡉࡀ) ࡓࡅࡀࡄࡀ ࡎࡀ
 
10. ࡀࡎࡅࡕࡀ ࡅࡍࡈࡀࡓࡕࡀ ࡓࡀࡁࡕࡉࡀ ࡖ ࡔࡓࡀࡓࡀ ࡍࡉࡄࡅࡉࡋࡉࡀ ࡋࡐࡋࡀࡍࡉࡕࡀ ࡏࡎࡉࡓࡉࡀ ࡏࡎࡉࡓࡉࡀ ࡊࡅࡋࡄࡅࡍ ࡐࡀࡕࡉࡊࡓࡉࡀ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡏࡎࡉࡓࡉࡀ ࡋࡉࡋࡉࡀࡕࡀ ࡍࡅࡒࡁࡀࡕࡀ ࡅࡐࡀࡕࡉࡊࡓࡉࡀ ࡏࡎࡉࡓࡀ ࡋࡉࡋࡉࡀࡕࡀ ࡅࡌࡀࡋࡉࡕ ࡅࡓࡂࡉࡋࡀ ࡅࡌࡓࡀࡂࡋࡀ ࡔࡀࡍࡀ ࡏࡎࡉࡓࡀ ࡀࡍࡀࡍࡀ ࡖ ࡏࡅࡕࡓࡉࡀ ࡊࡅࡋࡄࡅࡍ ࡔࡉࡓࡔࡉࡀ ࡃࡀࡉࡅࡉࡀ ࡅࡌࡀࡋࡀࡊࡉࡀ ࡅࡐࡀࡕࡉࡊࡓࡉࡀ ࡖ ࡌࡓࡀࡄࡒࡉࡍ ࡅࡌࡁࡀࡈࡋࡀࡍ ࡅࡌࡁࡀࡓࡀࡍ ࡌࡍ ࡐࡀࡂࡓࡀ ࡖ ࡐࡋࡀࡍࡉࡕࡀ ࡏࡎࡉࡓࡀ ࡕࡓࡉࡎࡀࡓ ࡋࡉࡋࡉࡀࡕࡀ ࡁࡄࡀࡁࡀࡓࡀ ࡏࡎࡉࡓ ࡔࡀࡌࡉࡔ ࡅࡏࡎࡉࡓࡉࡀ ࡀࡋࡀࡄࡉࡀ ࡆࡉࡊࡓࡉࡀ ࡁࡓࡀࡆࡀࡉࡄࡅࡍ ࡖ ࡍࡀࡐࡔࡀࡉࡄࡅࡍ ࡏࡎࡉࡓ ࡐࡀࡕࡉࡊࡓࡉࡀ ࡖ ࡏࡃࡊࡀࡓ ࡔࡅࡌࡀࡉࡊࡅࡍ ࡀࡍࡀࡕࡅࡍ ࡀࡓࡁࡀ ࡂࡅࡁࡓࡉࡀ ࡖ ࡌࡊࡀࡋࡀࡋࡀ ࡅࡂࡉࡍࡃࡀࡋ (ࡂࡀࡍࡏࡉࡀ ࡏࡋ) ࡔࡀࡊࡁࡉࡀ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍࡉࡕࡀ ࡅ ࡏࡋ ࡏࡅࡋࡀ ࡖ ࡁࡊࡀࡓࡎࡉࡀ ࡌࡀࡔࡊࡉࡀ ࡌࡉࡍࡇ .ࡋࡊࡅࡍ ࡀࡍࡀࡕࡅࡍ ࡌࡋࡀࡊࡉࡀ ࡒࡀࡃࡉࡎࡉࡀ ࡅࡌࡄࡀࡉࡌࡍࡉࡀ ࡖ ࡌࡉࡍࡉࡕࡅࡍ ࡌࡉࡍࡉࡕࡅࡍ ࡏࡋ ࡏࡅࡁࡀࡃࡉࡀ (read ࡏࡅࡋࡀ ࡖ) ࡐࡋࡀࡍࡉࡕࡀ ࡖ ࡍࡅࡓࡏࡉࡋ ࡑࡀࡅࡓࡏࡉࡋ ࡅࡏࡕࡉࡁࡏࡉࡋ ࡅࡄࡀࡌࡓࡏࡉࡋ ࡅࡃࡓࡀࡃࡀࡉࡅࡀ ࡔࡀࡌࡉࡔ ࡅࡌࡋࡀࡊࡏࡉࡋ ࡓࡅࡌࡉࡋ ࡅࡔࡀࡓࡉࡋ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡁࡂࡅࡀࡓࡀ ࡖ ࡈࡀࡔࡕ ࡊࡅࡀࡍ ࡖ ࡋࡀࡑࡉࡓ ࡁࡂࡀࡅࡇ ࡑࡅࡓࡕࡀ ࡔࡓࡉࡁࡇ ࡌࡉࡔࡀ ࡖ ࡔࡉࡔࡌࡉࡀ ࡄࡀࡅࡓࡉࡀ ࡅࡀࡔࡒࡉࡋࡇ ࡏࡋ ࡏࡍࡕࡀ ࡖ ࡋࡀࡁࡀࡈࡍࡀ ࡅࡔࡀࡕࡉࡀ ࡗ ࡌࡉࡃࡀࡊ (ࡌࡉࡃࡌࡀࡊ) ࡅࡌࡉࡂࡀࡍࡉࡋࡇ ࡁࡉࡋࡇ ࡄࡀࡅࡉࡀ ࡀࡎࡅࡕࡀ ࡌࡍ ࡌࡀࡓࡀࡉࡀࡍ ࡌࡔࡀࡁࡀ ࡔࡅࡌࡉࡀ ࡎࡀ
 
11. ࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍࡉࡋࡄࡀ ࡅࡏࡋ ࡏࡅࡋࡀ ࡖ ࡁࡊࡀࡓࡎࡇ ࡅࡌࡔࡀࡁࡉࡍࡀࡋࡊࡅࡍ ࡀࡍࡀࡕࡅࡍ ࡌࡋࡀࡊࡉࡀ ࡒࡀࡃࡉࡔࡉࡀ ࡅࡌࡄࡀࡉࡌࡍࡉࡀ ࡕࡉࡍࡉࡕࡅࡍ ࡕࡉࡍࡉࡕࡅࡍ ࡖ ࡌࡉࡍࡉࡕࡅࡍ ࡋࡏࡅࡁࡀࡃࡉࡀ (ࡏࡋ ࡏࡅࡋࡀ)ࡖ ࡐࡋࡀࡍࡉࡕࡀ ࡁࡔࡅࡌࡀ ࡍࡅࡓࡏࡉࡋ ࡑࡅࡓࡉࡏࡉࡋ ࡅࡏࡅࡕࡓࡉࡀࡏࡉࡋ ࡅࡏࡓࡃࡉࡏࡉࡋ ࡅࡔࡀࡕࡀࡔࡏࡉࡋ ࡊࡁࡉࡋ ࡑࡉࡃࡓࡉࡋ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡁࡌࡂࡀࡋࡕࡀ ࡖ ࡈࡀࡁࡉࡀ ࡅࡓࡉࡐࡇ ࡏࡍࡕࡀ ࡋࡄࡀࡋࡑࡇ ࡖ ࡀࡐࡊࡀࡅࡋࡇ ࡀࡐࡊࡀ ࡎࡀ
 
12. ࡒࡀࡋ ࡀࡓࡒࡀ ࡖ ࡁࡀࡊࡉࡀ ࡅࡒࡀࡋ ࡔࡅࡌࡉࡀ ࡅࡌࡍ ࡔࡀࡌࡉࡔ ࡖ ࡉࡀࡕࡉࡁ ࡁࡃࡌࡀ ࡅࡌࡍ ࡎࡓࡉࡒࡀ ࡖ ࡓࡌࡉࡋࡇ ࡂࡅࡔࡁࡀࡍࡒࡀ ࡁࡀࡊࡉࡀ ࡎࡀࡍࡀࡉ ࡅࡔࡉࡍࡀࡉ ࡋࡎࡉࡍࡇ ࡁࡃࡌࡀ ࡏࡌࡁࡀ ࡏࡋࡉࡀ ࡉࡀࡕࡉࡁ ࡁࡔࡅࡌࡉࡀ . ࡅࡐࡏࡉࡉࡋ ࡅࡓࡅࡐࡏࡉࡋ ࡅࡌࡀࡓࡊࡀࡏࡉࡋ ࡅࡁࡔࡅࡌ ࡂࡀࡁࡓࡏࡉࡋ ࡅࡂࡋࡀࡐࡋࡀࡉࡀࡋ ࡅࡐࡀࡊࡓࡉࡀࡉࡉࡋ ࡀࡍࡀࡕࡅࡍ ࡐࡊࡅࡉࡇ ࡅࡀࡐࡊࡅࡉࡇ ࡋࡐࡋࡀࡍ ࡁࡉࡔࡀࡌࡍࡄࡀࡁࡓࡉࡇ ࡅࡓࡀࡄࡌࡉࡇ ࡅࡏࡍࡕࡇ ࡅࡁࡍࡉࡀ ࡅࡁࡍࡀࡕࡇ ࡅࡌࡍ ࡊࡅࡋ ࡍࡀࡄࡓࡀ ࡖ ࡔࡀࡕࡉࡀ ࡌࡉࡍࡇ ࡎࡀࡓࡄࡉࡁ ࡎࡀࡓࡄࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡓࡀࡆࡀ ࡄࡀࡆࡉࡍ ࡐࡅࡂࡃࡀࡌࡀ ࡒࡓࡉࡀ ࡋࡌࡉࡄࡋࡀ ࡌࡀࡓࡀࡓࡕࡉࡀ ࡔࡉࡕࡉࡍ ࡅࡄࡃࡀ ࡆࡉࡁࡍࡉࡀ ࡅࡔࡃࡉࡋࡇ ࡋࡎࡀࡍࡀࡊ ࡁࡁࡀࡉࡕࡉࡀ ࡅࡍࡀࡐࡉࡒ ࡁࡉࡔࡀ ࡌࡉࡍࡇ ࡒࡀࡉࡌࡉࡀ ࡅࡌࡍࡀࡎࡉࡀ ࡎࡀ
 
13. ࡏࡐࡉࡒࡀ ࡀࡓࡒࡀ ࡌࡍ ࡔࡅࡌࡉࡀ ࡅࡔࡅࡌࡉࡀ ࡌࡍ ࡀࡓࡒࡀ ࡏࡐࡉࡒ ࡔࡀࡌࡉࡔ (ࡌࡍ ࡎࡉࡓࡀ ؟) ࡅࡏࡐࡉࡒࡉࡍ ࡀࡓࡁࡉࡀ ࡆࡀࡅࡉࡀࡕࡀ ࡖ ࡁࡀࡉࡕࡀ ࡏࡐࡉࡊࡀ ࡃࡌࡅࡕࡀ ࡖ ࡃࡀࡉࡅࡀ ࡁࡋࡉࡋࡉࡀࡕࡀ ࡏࡐࡉࡊ ࡕࡓࡉࡎࡀࡓ ࡌࡀࡋࡅࡀࡔࡉࡀ ࡏࡐࡉࡊࡀ ࡌࡀࡕࡀ ࡖ ࡐࡋࡀࡍࡉࡕࡀ ࡌࡍ ࡆࡉࡅࡀ (ࡆࡀࡅࡇ) ࡐࡋࡀࡍ ࡅࡁࡍࡇ ࡅࡄࡀࡍࡆࡀࡌࡀࡍ ࡏࡐࡉࡊ ࡌࡍ ࡆࡉࡅࡇ (ࡆࡀࡅࡇ) ࡅࡁࡍࡇ ࡅࡁࡍࡀࡕࡇ ࡌࡀࡕࡇ ࡅࡋࡀࡅࡃࡀ ࡌࡉࡍࡇ ࡅࡍࡉࡕࡐࡉࡊ ࡌࡉࡍࡇ ࡌࡀࡋࡊࡀ ࡅࡔࡀࡄࡀࡓࡀࡋࡉࡀ ࡌࡍ ࡊࡅࡋࡄࡅࡍ ࡁࡍࡀࡕ ࡀࡍࡀࡔࡉࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡊࡃࡅࡁ ࡅࡒࡁࡅࡓ ࡁࡁࡀࡁࡀ ࡖ ࡎࡀࡍࡀࡊ ࡁࡁࡀࡁࡀ ࡁࡀࡓࡀࡉࡀ ࡅࡌࡉࡊࡁࡉࡔࡔ ࡌࡉࡍࡀࡊ ࡎࡀ
 
14. ࡁࡔࡅࡌࡀࡉࡄࡅࡍ ࡖ ࡌࡋࡀࡊࡉࡀ ࡖ ࡊࡃࡉࡁࡉࡀ ࡁࡄࡀࡆࡉࡍ ࡒࡌࡀࡄࡀ ࡅࡊࡉࡁࡔࡀ ࡅࡀࡎࡀࡓࡀ ࡁࡔࡅࡌ ࡔࡀࡉࡀࡉࡉࡋ ࡅࡁࡉࡍࡉࡀࡉࡉࡋ ࡅࡍࡄࡅࡓࡉࡀࡉࡉࡋ ࡅࡄࡀࡒࡀࡍࡉࡀࡉࡉࡋ ࡅࡒࡀࡔࡕࡉࡏࡉࡋ ࡅࡄࡅࡓࡉࡀࡉࡉࡋ ࡅࡃࡀࡄࡅࡉࡀࡉࡉࡋ ࡅࡀࡍࡉࡀࡍࡉࡀࡉࡉࡋ ࡅࡁࡉࡍࡉࡀࡉࡉࡋ ࡅࡔࡉࡀࡉࡉࡋ ࡅࡊࡉࡁࡉࡀࡉࡉࡋ ࡕࡅࡌ ࡅࡀࡅࡉࡀࡉࡉࡋ ࡅࡄࡀࡍࡉࡀࡉࡉࡋ ࡅࡀࡍࡀࡉࡀࡉࡉࡋ ࡀࡍࡀࡕࡅࡍ ࡌࡋࡀࡊࡉࡀ ࡓࡅࡄࡌࡏࡉࡀࡉࡉࡋ ࡖ ࡊࡃࡉࡁࡉࡀ ࡔࡅࡌࡀࡉࡄࡅࡍ ࡀࡍࡀࡕࡅࡍ (ࡓࡀࡄࡉࡒࡉࡅࡍ) ࡀࡐࡊࡉࡅࡕࡀ ࡎࡉࡍࡉࡅࡕࡀ ࡅࡓࡌࡅࡍ ࡀࡓࡄࡀࡌࡕࡀ ࡅࡔࡅࡐࡓࡀ ࡅࡔࡀࡉࡀ ࡅࡏࡒࡀࡓࡀ ࡋࡃࡉࡋࡉࡀ ࡐࡋࡀࡍ ࡅࡊࡁࡅࡔ ࡌࡉࡍࡇ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡅࡏࡍࡔࡉࡀ ࡅࡂࡅࡁࡓࡉࡀ ࡅࡐࡕࡅࡋࡉࡀ ࡅࡐࡕࡅࡋࡉࡀࡕࡀ ࡁࡂࡅࡌࡅࡓࡀ (ࡁࡂࡌࡅࡓࡀ) ࡅࡍࡀࡄࡓࡀ ࡖ ࡔࡀࡕࡉࡀ ࡌࡉࡀ ࡌࡉࡍࡇ ࡅࡄࡀࡓࡉࡀ ࡅࡄࡀࡓࡀࡕࡀ ࡅࡀࡋࡌࡉࡀ ࡅࡃࡀࡓࡉࡀ ࡁࡂࡅࡀࡌࡓࡇ (ࡁࡂࡌࡅࡓࡀ) ࡅࡍࡉࡍࡅࡃ ࡀࡋࡌࡀ ࡊࡅࡋࡇ ࡅࡍࡉࡍࡅࡃ ࡔࡀࡌࡉࡔ ࡅࡍࡉࡍࡅࡃ ࡎࡉࡓࡀ ࡅࡍࡉࡍࡅࡃ ࡀࡋࡀࡄࡉࡀ ࡅࡀࡍࡀࡔࡉࡀ ࡅࡍࡉࡍࡅࡃ ࡈࡅࡓࡉࡀ ࡅࡀࡓࡀࡌࡀࡕࡀ ࡏࡋ ࡊࡅࡋࡄࡅࡍ ࡁࡉࡔࡉࡀ ࡖ ࡄࡀࡈࡉࡁࡉࡀ ࡁࡃࡉࡋࡉࡀ ࡐࡋࡀࡍ ࡅࡋࡁࡀࡉࡕࡀࡉ ࡅࡁࡉࡋࡃࡁࡀࡁࡀࡉ ࡍࡉࡒࡅࡌ ࡁࡍࡅࡓ ࡆࡌࡀ ࡅࡂࡀࡈࡋࡀ ࡀࡅࡉࡌࡉࡕࡉࡊ ࡁࡉࡉࡀࡓࡅࡊࡕ ࡐࡕ ࡀࡋࡀࡄࡉࡀ ࡅࡈࡅࡓࡉࡀࡉࡉࡋ ࡅࡌࡉࡍࡉࡀࡉࡉࡋ ࡅࡒࡉࡍࡉࡀࡉࡉࡋ ࡅࡈࡅࡍࡉࡀࡉࡉࡋ ࡅࡀࡈࡉࡀࡉࡉࡋ ࡅࡌࡉࡍࡉࡀࡉࡉࡋ ࡅࡒࡉࡍࡉࡀࡉࡉࡋ ࡅࡈࡅࡍࡉࡀࡉࡉࡋ ࡅࡀࡈࡉࡀࡉࡉࡋ ࡅࡌࡉࡍࡉࡀࡉࡉࡋ ࡑࡅ ࡑࡅ ࡑࡅ ࡀࡍࡀࡃ ࡀࡒࡀࡓ ࡀࡓࡒࡀ ࡀࡍࡀࡃ (or ࡀࡍࡀࡓ؟) ࡑࡌࡀࡓ ࡋࡉࡔࡀࡍࡅࡍ ࡊࡅࡋࡄࡅࡍ ࡁࡉࡔࡉࡀ ࡖ ࡄࡀࡈࡉࡁࡉࡀ ࡁࡃࡉࡋࡉࡀ ࡐࡋࡀࡍ ࡅࡋࡁࡀࡉࡕࡀࡉ ࡕࡅࡌ ࡀࡔࡉࡐ ࡐࡅࡌࡀࡉࡄࡅࡍ ࡅࡑࡌࡀࡃ ࡀࡕࡅࡕࡉࡀ ࡋࡉࡔࡀࡍࡅࡍ ࡀࡍࡀࡕࡅࡍ ࡔࡅࡁࡀ ࡊࡅࡊࡁࡉࡀ ࡖ ࡔࡅࡌࡀࡉࡊࡅࡍ ࡊࡎࡉࡀ ࡅࡋࡀࡌࡂࡀࡋࡀࡋ ࡋࡁࡀࡓ ࡌࡍ ࡔࡅࡌ ࡓࡁࡀ ࡖ ࡂࡀࡋࡉࡋࡇ ࡅࡂࡀࡋࡉࡀࡕࡀ ࡁࡔࡅࡌ ࡀࡃࡅࡍࡀࡉ ࡑࡁࡀࡁࡅࡕ ࡄࡅ ࡆࡄࡀ ࡅࡄࡀࡉࡄࡅ ࡀࡍࡀࡓ ࡀࡍࡀࡃ ࡀࡋࡉࡃࡍࡀ ࡀࡎࡀࡓ ࡅࡊࡔࡀࡓ ࡀࡉࡍࡉࡉࡋ ࡁࡔࡅࡌ ࡅࡍࡅࡓ ࡆࡌࡀ ࡅࡂࡀࡈࡋࡀ ࡖ ࡄࡀࡓࡀࡔࡀࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡅࡋࡂࡅࡈ ࡏࡋࡀࡊ ࡕࡅࡌ ࡒࡓࡉࡀ ࡋࡌࡉࡄࡋࡀ ࡅࡄࡀࡓࡃࡋࡀ ࡅࡔࡀࡓࡉࡀ ࡋࡎࡀࡍࡀࡊ ࡖ ࡁࡉࡔࡉࡀ ࡅࡀࡎࡀࡓ ࡋࡉࡔࡀࡍࡅࡍ ࡎࡀ
 
15. ࡁࡔࡅࡌ ࡉࡀࡍࡉࡀࡉࡉࡋ ࡅࡔࡉࡀࡉࡉࡋ ࡅࡍࡉࡀࡉࡉࡋ ࡀࡍࡀࡕࡅࡍ ࡌࡋࡀࡊࡉࡀ ࡓࡀࡄࡉࡒࡉࡅࡍ ࡎࡉࡍࡉࡅࡕࡀ ࡅࡓࡌࡅࡍ ࡓࡄࡀࡌࡕࡀ ࡄࡉࡆࡃࡀ ࡅࡔࡅࡐࡓࡀ ࡅࡔࡀࡉࡀ ࡅࡏࡒࡀࡓࡀ ࡋࡃࡉࡋࡉࡀ ࡐࡋࡀࡍ ࡊࡁࡅࡔ ࡌࡉࡍࡇ ࡎࡅࡋࡈࡀࡍࡉࡀ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡅࡏࡍࡎࡉࡀ ࡅࡂࡅࡁࡓࡉࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ
 
16. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡕࡀࡌࡕࡀ ࡅࡆࡀࡓࡀࡆࡕࡀ ࡅࡍࡀࡈࡀࡓࡕࡀ ࡓࡀࡁࡕࡉࡀ ࡖ ࡔࡓࡀࡓࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡍ ࡄࡉࡉࡀ ࡅࡌࡍ ࡌࡀࡍࡃࡀ ࡖ ࡄࡉࡉࡀ ࡀࡎࡉࡀ ࡌࡀࡓࡀࡉࡄࡅࡍ ࡖ ࡀࡎࡀࡅࡀࡕࡀ ࡖ ࡌࡀࡎࡉࡀ ࡍࡉࡔࡉࡌࡕࡀࡉ ࡖ ࡕࡉࡋ ࡏࡋࡉࡆࡀ (ࡏࡋࡉࡕࡀ؟) ࡓࡅࡄࡀ ࡓࡅࡄࡀ ࡁࡀࡊࡀ (ࡁࡀࡊࡉࡀ) ࡅࡓࡅࡄࡀ ࡖ ࡁࡋࡉࡋࡉࡀ ࡁࡀࡊࡉࡀ ࡅࡃࡀࡄࡋࡅࡋࡉࡀ ࡁࡔࡅࡌ ࡔࡅࡁࡀ ࡌࡋࡀࡊࡉࡀ ࡖ ࡌࡔࡀࡋࡈࡉࡀ ࡋࡁࡍࡉࡀ ࡀࡍࡀࡔࡉࡀ ࡅࡌࡀࡎࡉࡋࡅࡍ ࡌࡍ ࡊࡉࡁࡉࡀ ࡅࡌࡀࡎࡉࡎࡉࡀ ࡅࡀࡉࡍࡀ ࡁࡉࡔࡕࡀ ࡅࡏࡔࡀࡕࡀ ࡒࡉࡕࡀ ࡅࡌࡀࡓࡂࡀࡍࡉࡕࡀ ࡓࡅࡉࡕࡀ ࡐࡕ ࡀࡄࡀࡕ ࡖ ࡌࡅࡕࡀ ࡖ ࡄࡏ ࡕࡉࡆࡄࡀ ࡅࡕࡉࡁࡈࡅࡋ ࡁࡔࡅࡌ ࡌࡄࡀࡒࡀࡓ ࡉࡅࡔࡀ ࡀࡏࡉࡎࡀ ࡁࡓ ࡌࡀࡓࡉࡀࡌ ࡌࡔࡀࡍࡀ ࡄࡅ ࡌࡀࡎࡉࡀ ࡍࡉࡔࡌࡀࡕࡀ ࡖ ࡉࡀࡍࡒࡉࡀ ࡅࡉࡀࡍࡒࡉࡕࡀ ࡅࡌࡓࡀࡄࡉࡒ ࡓࡅࡄࡀ ࡏࡋࡉࡆࡀ ࡅࡔࡓࡉࡕࡀ ࡅࡓࡅࡉࡕࡀ ࡖ ࡉࡀࡍࡒࡉࡀ ࡅࡉࡀࡍࡒࡉࡕࡀ ࡁࡔࡅࡌ ࡒࡀࡎ ࡃࡀࡌࡀࡃ ࡅࡀࡈࡉࡀࡎ ࡀࡎࡉࡅࡉࡀ ࡅࡌࡀࡈࡅࡎ ࡒࡀࡈࡅࡎ ࡔࡅ ࡔࡅ ࡆࡀ ࡆࡀ ࡆࡀ ࡆࡀ ࡆࡀ ࡆࡀ ࡆࡀ (magical figures and gibberish follow, including the sacred name Yahu five times repeated) ࡎࡀ ࡄࡀࡆࡉࡍ ࡁࡀࡁࡀ ࡄࡀࡅࡒࡀ ࡖ ࡄࡉࡁࡉࡋ ࡋࡉࡀࡍࡒࡀ ࡖ ࡁࡀࡊࡉࡀ ࡅࡌࡉࡎࡕࡀࡓࡅࡀࡃ ࡊࡃࡅࡁ ࡅࡋࡂࡅࡈ ࡏࡋࡀࡊ ࡁࡑࡀࡅࡓࡀࡊ ࡄࡀࡅࡉࡀ ࡓࡅࡀࡄࡀ ࡎࡀ
 
17. (ࡀ) ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡀࡎࡉࡓࡉࡀ ࡑࡉࡓࡉࡀ ࡑࡉࡓࡉࡀ ࡑࡀࡅࡌࡉࡀ ࡍࡉࡃࡋࡀ ࡒࡀࡐ ࡑࡉࡓ ࡒࡅࡌ ࡍࡉࡆࡀࡋ ࡓࡁࡅࡕࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡉࡑࡉࡋࡇ ࡅࡋࡀࡌࡀࡉࡉࡑ ࡅࡔࡉࡍࡕࡀ ࡋࡀࡉࡍࡇ ࡋࡀࡕࡉࡀ ࡌࡍ ࡎࡉࡍࡕࡉࡀ ࡋࡀࡍࡉࡒࡅࡌ ࡀࡋࡌࡀ ࡋࡆࡉࡅࡀ ࡖ ࡔࡀࡌࡉࡔ ࡍࡉࡄࡆࡉࡀ ࡅࡑࡉࡑࡉࡀ ࡔࡉࡍࡕࡀ ࡁࡀࡕࡀ ࡔࡀࡊࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡋࡉࡀࡍࡒࡀ ࡖ ࡁࡀࡊࡉࡀ ࡅࡋࡂࡅࡈ ࡁࡑࡅࡓࡉࡀ ࡎࡀ
(ࡁ) ࡀࡎࡅࡕࡉࡉࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡑࡀࡉࡃࡉࡀ ࡑࡀࡉࡀࡃ ࡑࡀࡉࡃࡉࡀ ࡑࡀࡉࡅࡌ ࡀࡍࡀࡓ ࡅࡀࡐࡉࡑࡉࡓ ࡒࡅࡌ ࡍࡉࡄࡉࡋ ࡁࡁࡀࡋࡀ ࡅࡁࡓࡅࡄࡀ ࡋࡐࡋࡀࡍ ࡋࡐࡋࡀࡍ ࡖ ࡌࡉࡌࡍࡀ ࡅࡀࡌࡀࡉࡉࡑ ࡅࡔࡉࡍࡕࡀ ࡋࡀࡉࡍࡀࡉ ࡅࡀࡕࡀ ࡌࡍ ࡔࡉࡍࡕࡇ ࡋࡀࡍࡉࡒࡅࡌ ࡅࡆࡉࡅࡀ ࡖ ࡔࡀࡌࡉࡔ ࡋࡀࡍࡉࡄࡆࡉࡇ ࡅࡍࡅࡍࡀ ࡖ ࡔࡉࡍࡕࡀ ࡁࡀࡕࡓࡇ ࡔࡀࡊࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡋࡉࡀࡍࡒࡀ ࡖ ࡁࡀࡊࡀ ࡅࡍࡀࡍࡇ ࡋࡀࡌࡀࡉࡉࡑ ࡊࡃࡅࡁ ࡅࡌࡀࡉࡉࡑ ࡍࡀࡍࡇ ࡄࡀࡅࡉࡀ ࡎࡀ
(ࡂ) ࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡑࡀࡉࡃࡉࡀ ࡑࡀࡃࡉࡀ ࡅࡑࡀࡉ ࡅࡌࡀࡍࡀࡃ ࡅࡀࡐࡉࡑࡉࡃ ࡒࡅࡌ ࡍࡉࡆࡀࡋ ࡅࡁࡓࡅࡋࡀ ࡁࡃࡄࡇ ࡋࡐࡋࡀࡍ ࡖ ࡌࡉࡌࡍࡀ ࡅࡀࡌࡀࡉࡅࡍ ࡅࡔࡉࡍࡕࡀ ࡋࡀࡉࡍࡀࡉ ࡅࡀࡕࡀ ࡌࡍ ࡔࡉࡍࡕࡀ ࡋࡀࡍࡉࡒࡅࡌ ࡅࡆࡉࡅࡀ ࡖ ࡔࡀࡌࡉࡔ ࡋࡀࡍࡉࡄࡆࡉ ࡅࡍࡅࡍࡀ ࡖ ࡔࡉࡍࡕࡀ ࡁࡀࡕࡓࡇ ࡔࡀࡊࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡋࡉࡀࡍࡒࡀ ࡖ ࡁࡀࡊࡉ ࡅࡍࡀࡍࡇ ࡊࡃࡅࡁ ࡅࡌࡀࡉࡉࡑ ࡍࡀࡍࡀ ࡄࡀࡅࡉࡀ ࡎࡀ
(ࡃ) ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡑࡉࡓࡉࡀ ࡑࡉࡓࡉࡀ ࡑࡀࡅࡌࡉࡀ ࡍࡉࡃࡋࡀ ࡒࡀࡐ ࡑࡉࡓ ࡍࡉࡆࡀࡋ ࡍࡉࡃࡁࡅࡋࡉࡀ ࡒࡀࡐ ࡑࡉࡓ ࡍࡉࡆࡀࡋ ࡍࡉࡁࡃࡅࡋࡉࡀ ࡒࡀࡐࡑࡉࡓ ࡍࡉࡆࡀࡋ ࡍࡉࡁࡅࡋࡉࡀ ࡓࡁࡅࡕࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡉࡑࡉࡋࡇ ࡅࡋࡀࡌࡀ ࡖ ࡄࡅࡍ ࡅࡔࡉࡍࡕࡀ ࡋࡀࡉࡍࡇ ࡋࡀࡕࡉࡀ ࡅࡌࡍ ࡔࡉࡍࡕࡉࡀ ࡋࡀࡍࡉࡒࡅࡌ ࡀࡋࡌࡉࡀ ࡋࡆࡉࡅࡀ ࡖ ࡔࡀࡌࡉࡔ ࡍࡉࡄࡆࡉࡇ ࡅࡑࡉࡑࡉࡀ ࡔࡉࡍࡕࡀ ࡁࡀࡕࡓࡀ ࡔࡀࡊࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡋࡉࡀࡍࡒࡀ ࡅࡋࡂࡅࡈ ࡁࡑࡅࡓࡉࡀ ࡎࡀ
(ࡄ) ࡅࡀࡎࡅࡕࡀ ࡕࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡑࡀࡉࡃࡉࡀ ࡑࡀࡉࡀࡃ ࡑࡀࡉࡀࡃ ࡑࡀࡉࡃࡉࡀ ࡑࡀࡅࡌࡉࡀ ࡍࡉࡃࡋࡀ ࡒࡅࡐ ࡑࡉࡓ ࡒࡅࡌ ࡍࡄࡀ ࡋࡁࡀࡋࡇ ࡅࡋࡓࡅࡄࡇ ࡖ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖ ࡌࡉࡌࡍࡀ ࡌࡀࡉࡉࡑ ࡅࡔࡉࡍࡕࡀ ࡋࡀࡉࡍࡇ ࡋࡀࡕࡉࡀ ࡌࡍ ࡔࡉࡍࡕࡉࡀ ࡋࡀࡍࡉࡒࡅࡌ ࡀࡋࡌࡀ ࡖ ࡆࡉࡅࡀ ࡖ ࡔࡀࡌࡉࡔ ࡍࡉࡄࡆࡉࡀ ࡅࡍࡅࡍࡀ ࡖ ࡔࡉࡍࡕࡀ ࡁࡀࡕࡓࡇ ࡔࡀࡊࡉࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡋࡉࡀࡍࡒࡀ ࡖ ࡁࡀࡊࡉࡀ ࡅࡍࡀࡍࡇ ࡋࡀࡌࡀࡉࡉࡑ ࡊࡃࡅࡁ ࡅࡌࡀࡉࡉࡑ ࡍࡀࡍࡇ ࡄࡀࡅࡉࡀ ࡎࡀ
 
. ࡒࡉࡈࡉࡀ ࡁࡓ ࡒࡀࡈࡉࡀ ࡁࡓࡇ ࡖ ࡒࡉࡈࡉࡀ ࡆࡄࡀ ࡖ ࡒࡉࡈࡉࡀ ࡅࡍࡄࡀ ࡖ ࡒࡉࡈࡉࡀ ࡏࡕࡀࡁࡀࡈࡀࡋ ࡒࡉࡈࡉࡀ ࡅࡌࡊࡀࡁࡔࡉࡍ ࡒࡉࡈࡉࡀ ࡅࡌࡉࡀࡁࡔࡉࡍ ࡒࡉࡈࡉࡀ ࡅࡌࡀࡐࡒࡉࡍ ࡒࡉࡈࡉࡀ ࡄࡉࡍࡉࡋࡀ ࡒࡀࡓࡉࡍࡀ ࡏࡋࡀࡅࡀࡉࡊࡅࡍ ࡌࡋࡀࡊࡉࡀ ࡖ ࡓࡅࡂࡆࡀ ࡅࡌࡀࡐࡒࡉࡍ ࡁࡊࡉࡕࡀ ࡅࡒࡉࡓࡎࡀ ࡁࡉࡔࡀ ࡖ ࡒࡉࡈࡉࡀ ࡅࡌࡀࡐࡒࡉࡍ ࡁࡊࡉࡕࡀ ࡌࡍ ࡐࡋࡀࡍ ࡁࡓ ࡐࡋࡀࡍࡉࡕࡀ ࡉࡀࡄࡅ ࡉࡀࡄࡅ ࡉࡀࡄࡅ ࡅࡀࡎࡅࡕࡀ ࡕࡉࡄࡅࡉࡋࡉࡀ ࡏࡋ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡍ ࡏࡔࡅࡌࡉࡀ ࡒࡉࡈࡉࡀ ࡄࡉࡉࡀ ࡆࡀࡊࡉࡍ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡁࡃࡅࡒ ࡁࡀࡌࡅࡆࡀ ࡖ ࡕࡋࡀࡕࡀ ࡂࡉࡈࡓࡉࡀ ࡅࡓࡅࡐ ࡁࡑࡅࡓࡉࡀ ࡖ ࡆࡅࡈࡀ ࡎࡀ
 
19. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡖ ࡋࡀࡁࡀࡈࡋࡉࡀ ࡁࡔࡅࡌࡀࡉࡄࡅࡍ (ࡁࡔࡅࡌࡀࡉࡊࡅࡍ) ࡒࡓࡀࡉࡕࡉࡍࡊࡅࡍ ࡄࡀࡋࡉࡍ ࡔࡅࡁࡀ ࡌࡋࡀࡊࡉࡀ ࡖ ࡔࡀࡓࡉࡍ ࡊࡅࡋ ࡑࡉࡐࡓࡉࡀ ࡑࡀࡉࡃࡉࡀ ࡋࡒࡅࡃࡀࡌࡀࡉ ࡃࡉࡋࡉࡀ ࡐࡋࡀࡍ ࡁࡔࡅࡌ ࡆࡀࡓࡆࡏࡉࡋ ࡌࡋࡀࡊࡀ ࡒࡀࡓࡁࡉࡏࡉࡋ ࡌࡋࡀࡊࡀ ࡄࡀࡕࡒࡉࡏࡉࡋ ࡌࡋࡀࡊࡀ  ࡄࡅࡃࡉࡏࡉࡋ ࡌࡋࡀࡊࡀ ࡆࡀࡓࡀࡍࡀࡉࡉࡋ ࡌࡋࡀࡊࡀ  ࡊࡅࡋࡀࡉࡊࡅࡍ ࡌࡋࡀࡊࡉࡀ ࡔࡀࡓࡉࡍ ࡏࡋ ࡀࡅࡀࡉ ࡊࡅࡋࡄࡅࡍ ࡑࡉࡐࡓࡉࡀ ࡅࡍࡅࡍࡉࡀ ࡌࡀࡅࡌࡉࡍࡀࡋࡊࡅࡍ ࡁࡊࡅࡋࡄࡅࡍ ࡏࡅࡌࡀࡌࡀࡕࡀ ࡈࡀࡉࡀࡌࡀࡉࡊࡅࡍ (= ࡖ, etc.?) ࡌࡋࡀࡊࡉࡀ ࡕࡉࡋࡉࡋࡅࡍ ࡕࡉࡄࡆࡉࡍࡅࡍ ࡕࡉࡔࡓࡉࡍ ࡊࡅࡋ ࡍࡉࡑࡓࡀ ࡅࡑࡉࡐࡓࡉࡀ (ࡅࡑࡉࡐࡓࡀ) ࡋࡈࡅࡓࡉࡀ ࡅࡃࡉࡔࡕࡀࡕࡀ ࡅࡐࡀࡒࡀࡕࡀ ࡒࡀࡉࡌࡉࡀ ࡅࡍࡅࡍࡉࡀ ࡖ ࡁࡍࡀࡄࡓࡀࡅࡀࡕࡀ ࡏࡋ ࡒࡅࡃࡀࡌࡀࡉ ࡃࡉࡋࡉࡀ ࡐࡋࡀࡍ ࡍࡉࡕࡅࡍ ࡀࡌࡉࡍ ࡀࡌࡉࡍ ࡏࡉࡍ ࡅࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡒࡓࡉࡀ ࡋࡌࡉࡄࡋࡀ ࡅࡄࡀࡓࡃࡋࡀ ࡔࡓࡉࡕࡀ ࡖ ࡑࡀࡉࡃࡉࡀ ࡅࡓࡅࡐࡇ ࡋࡌࡀࡎࡉࡀ ࡕࡅࡌ ࡊࡃࡅࡁ ࡏࡋ ࡊࡀࡈࡀ ࡔࡀࡓࡀࡉࡀ ࡅࡓࡀࡉࡉࡐ ࡋࡌࡀࡎࡉࡀ ࡄࡀࡅࡉࡀ ࡓࡅࡀࡄࡀ ࡎࡀ
 
20. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡖ ࡋࡀࡁࡀࡈࡋࡉࡀ ࡌࡍ ࡕࡀࡓࡅࡀࡍ ࡓࡀࡆࡀ ࡓࡁࡀ ࡖ ࡉࡀࡓࡃࡍࡀ ࡍࡀࡐࡒࡉࡕ ࡅࡋࡔࡉࡓࡉࡀࡍࡀ ࡓࡁࡀ ࡖ ࡀࡉࡀࡓ ࡒࡀࡉࡌࡍࡀ ࡅࡌࡀࡐࡓࡉࡔࡍࡀ ࡓࡀࡆࡉࡀ ࡊࡀࡎࡉࡀ ࡀࡊࡅࡀࡕ (ࡏࡋࡀࡊ) ࡂࡀࡁࡓࡀ ࡖ ࡌࡅࡃ ࡖ ࡖ ࡌࡃࡉࡋࡉࡀ ࡄࡀࡆࡉࡍ ࡖ ࡍࡉࡃࡀࡋࡅࡍ ࡖ ࡍࡉࡕࡉࡀ ࡍࡅࡍࡉࡀ ࡅࡑࡉࡐࡓࡉࡀ ࡖ ࡉࡀࡌࡀ ࡅࡀࡂࡌࡀ ࡏࡋ ࡒࡀࡋࡀࡉ ࡅࡏࡋࡀࡉ ࡀࡆࡋࡀࡉ ࡋࡄࡉࡍࡒࡀࡉ ࡅࡀࡓࡅࡀࡉ ࡅࡌࡉࡋࡀࡍࡀࡉࡀ ࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡌࡉࡃࡉࡉࡀ ࡁࡔࡅࡌࡀࡊ ࡄࡀࡊ ࡂࡀࡁࡓࡀ ࡖ ࡌࡃࡅࡋࡉࡀ ࡖ ࡍࡉࡃࡀࡋࡅࡍ ࡖ ࡍࡉࡕࡅࡍ ࡍࡅࡍࡉࡀ ࡋࡑࡉࡐࡓࡉࡀ (ࡅࡑࡉࡐࡓࡉࡀ) ࡄࡅ ࡆࡉࡅࡀ ࡓࡁࡀ ࡔࡅࡌࡉࡀ ࡎࡀ ࡄࡀࡆࡉࡍ ࡁࡀࡁࡀ ࡑࡉࡉࡃ ࡊࡃࡅࡁ ࡅࡏࡀࡋࡉࡒ ࡁࡏࡃࡀࡊ ࡄࡀࡅࡉࡀ ࡒࡅࡃࡀࡌ ࡀࡍࡐࡀࡊ ࡑࡀࡉࡉࡃ ࡑࡉࡐࡓࡉࡀ ࡊࡃࡅࡁ ࡅࡏࡀࡋࡉࡒ ࡁࡌࡀࡔࡅࡀࡐ ࡎࡀ
 
21. ࡁࡔࡅࡌࡇ ࡖ ࡋࡉࡁࡀࡕ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡍࡉࡕࡉࡊࡁࡉࡀ ࡄࡀࡆࡉࡍ ࡐࡋࡀࡍ ࡀࡕࡅࡕࡉࡀ ࡊࡓࡀࡉࡉࡀ ࡐࡋࡀࡍࡉࡕࡀ ࡏࡍࡕࡀ ࡁࡀࡓࡁࡉࡀ ࡄࡀࡍࡃࡀࡌࡉࡀ ࡖ ࡒࡅࡌࡕࡇ ࡁࡕࡀࡌࡀࡍࡉࡀ ࡆࡀࡅࡉࡀࡕࡀ ࡖ ࡒࡅࡌࡕࡇ ࡊࡁࡉࡔࡉࡀ ࡂࡉࡓࡁࡉࡀ ࡅࡂࡉࡃࡉࡀ (ࡂࡉࡀࡃࡉࡀ) ࡊࡁࡉࡔࡉࡀ ࡀࡉࡀࡋࡇ ࡅࡍࡐࡀࡒࡇ ࡊࡁࡉࡔࡉࡀ ࡀࡁࡃࡉࡇ ࡅࡀࡌࡀࡕࡇ ࡅࡔࡉࡃࡉࡇ ࡅࡃࡀࡉࡅࡉࡇ ࡊࡁࡉࡔࡉࡀ ࡄࡅࡌࡓࡉࡇ ࡅࡐࡀࡕࡉࡊࡓࡉࡇ ࡊࡁࡉࡔࡉࡀ ࡌࡀࡃࡉࡀ ࡅࡊࡁࡉࡔࡉࡀ ࡌࡀࡃࡉࡄࡕࡇ ࡊࡁࡉࡔࡉࡀ ࡄࡀࡔࡁࡉࡀ ࡁࡉࡔࡉࡀ ࡖ ࡁࡋࡉࡁࡇ ࡅࡐࡀࡂࡓࡉࡀ ࡖ ࡐࡋࡀࡍ ࡁࡔࡅࡌࡉࡀ ࡖ ࡌࡉࡌࡄࡉࡎࡉࡒ ࡒࡅࡎࡅࡌ ࡌࡀࡓࡕࡉࡀ ࡖ ࡌࡀࡉࡀࡓࡋࡅࡍ ࡖ ࡓࡀࡌࡉࡀ ࡌࡉࡀ ࡋࡅࡀࡓࡑࡀ ࡅࡏࡋ ࡏࡃࡉࡀ ࡖ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡍࡉࡎࡕࡀࡓ ࡅࡍࡉࡕࡉࡀ ࡅࡊࡁࡉࡔ ࡐࡋࡀࡍ ࡁࡏࡎࡅࡓࡀ ࡁࡉࡔࡀ ࡖ ࡊࡉࡁࡔࡅࡉࡀ (ࡊࡉࡁࡔࡀ) ࡏࡋ ࡔࡅࡌࡉࡀ ࡅࡀࡓࡒࡀ ࡌࡍ ࡀࡕࡅࡕࡉࡀ ࡋࡉࡂࡓࡉࡀ ࡖ ࡐࡋࡀࡍࡉࡕࡀ ࡍࡉࡐࡅࡒ ࡅࡊࡀࡁࡃࡉࡀ ࡍࡉࡃࡁࡅࡓ ࡖ ࡐࡋࡀࡍ ࡃࡅࡊࡕࡀ ࡄࡅࡓࡉࡍࡕࡉࡀ ࡋࡀࡍࡉࡆࡀࡋ ࡁࡔࡅࡌࡉࡀ ࡖ ࡌࡀࡓࡉࡀࡕࡄࡅࡍ ࡌࡋࡉࡊࡀ ࡖ ࡌࡍ ࡃࡅࡊࡉࡀ ࡄࡋࡉ ࡅࡌࡍ ࡌࡀࡃࡍࡀ ࡏࡕࡉࡂࡁࡉࡋ ࡖ ࡌࡓࡀࡄࡒࡉࡍࡉࡍ ࡌࡋࡉࡊࡀ ࡖ ࡌࡔࡒࡀࡋࡉࡀ ࡅࡒࡀࡓࡉࡋࡇ ࡅࡀࡕࡉࡀ ࡅࡁࡀࡉࡉࡋࡇ ࡅࡌࡀࡔࡊࡉࡋࡇ ࡅࡔࡀࡅࡉࡇ ࡅࡔࡀࡊࡉࡁ ࡁࡔࡅࡌࡉࡀ ࡖ ࡒࡉࡃࡎࡀࡓ ࡃࡀࡉࡕࡉࡀ ࡅࡔࡀࡃࡉࡊ ࡁࡔࡅࡌࡇ ࡖ ࡋࡉࡁࡀࡕ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡊࡁࡉࡔ ࡅࡔࡁࡉࡒ ࡅࡊࡁࡉࡔࡉࡀ ࡋࡉࡁࡇ ࡅࡓࡅࡉࡀࡍࡇ ࡖ ࡐࡋࡀࡍ ࡀࡕࡅࡕࡉࡀ ࡋࡉࡂࡓࡉࡀ ࡖ ࡐࡋࡀࡍࡉࡕࡀ ࡏࡍࡕࡀ ࡏࡎࡉࡓࡉࡀ ࡅࡊࡁࡉࡔ ࡅࡏࡎࡉࡓ ࡅࡊࡁࡉࡔ ࡋࡔࡅࡌࡉࡀ ࡅࡀࡓࡒࡀ ࡁࡏࡔࡅࡌࡉࡀ ࡏࡉࡍ ࡅࡀࡌࡉࡍ ࡎࡀࡋࡀ ࡎࡀ
ࡌࡆࡀࡌࡀࡍ ࡄࡀࡆࡉࡍ ࡒࡌࡀࡄࡀ ࡅࡀࡎࡀࡓࡀ ࡅࡓࡀࡆࡀ ࡅࡓࡄࡀࡌࡕࡀ ࡅࡔࡀࡉࡀ ࡅࡏࡒࡀࡓࡀ ࡅࡔࡀࡐࡅࡓ ࡀࡍࡐࡉࡀ ࡍࡉࡄࡅࡉࡋࡇ ࡏࡋ ࡐࡋࡀࡍࡉࡕࡀ ࡀࡋࡀࡍࡐࡉࡀ ࡐࡋࡀࡍ ࡍࡉࡃࡓࡉࡁࡉࡀ ࡀࡁࡀࡕࡀࡓ ࡐࡋࡀࡍࡉࡕࡀ ࡄࡀࡎࡋࡀ ࡋࡐࡅࡌࡀ ࡖ ࡍࡉࡌࡀࡓ ࡔࡉࡒࡓࡀ ࡅࡋࡎࡐࡉࡄࡀࡕࡀ ࡖ ࡍࡉࡊࡀࡃࡁࡅࡍ ࡖ ࡊࡉࡁࡔࡉࡀ ࡏࡋ ࡀࡓࡒࡀ ࡀࡕࡅࡕࡉࡀ ࡔࡅࡌࡉࡀ ࡖ ࡏࡋࡀࡅࡀࡉࡄࡅࡍ ࡐࡋࡀࡍ ࡀࡕࡅࡕࡉࡀ ࡐࡋࡀࡍࡉࡕࡀ ࡁࡔࡅࡌࡉࡀ ࡖ ࡊࡀࡁࡔࡉࡏࡉࡋ ࡅࡃࡀࡓࡊࡉࡏࡉࡉࡋ ࡅࡁࡀࡋࡌࡉࡏࡉࡉࡋ ࡅࡎࡀࡍࡅࡍࡏࡉࡋ ࡅࡀࡓࡏࡉࡋ ࡁࡔࡅࡌࡀ ࡋࡉࡁࡀࡕ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡏࡎࡉࡓࡉࡀ ࡄࡅࡕࡌࡅࡉࡇ ࡅࡀࡕࡅࡉࡇ ࡅࡊࡉࡁࡔࡅࡉࡇ ࡋࡐࡋࡀࡍ ࡀࡕࡅࡕࡉࡀ ࡋࡉࡂࡓࡉࡀ ࡖ ࡐࡋࡀࡍࡉࡕࡀ ࡅࡁࡉࡎࡒࡀ ࡅࡔࡅࡌ ࡄࡀࡆࡉࡍ ࡌࡀࡓࡉࡀ ࡂࡅࡔࡁࡀࡍࡒࡀ ࡁࡔࡅࡌ (ࡌࡀࡓࡀࡕ) ࡀࡋࡀࡄࡉࡀ ࡅࡀࡍࡀࡔࡉࡀ ࡎࡀ
ࡏࡎࡉࡓࡉࡀ ࡄࡕࡉࡌࡉࡀ ࡊࡅࡋࡄࡅࡍ ࡁࡍࡀࡕ ࡀࡍࡀࡔࡉࡀ ࡓࡅࡓࡁࡉࡀ ࡅࡃࡉࡓࡃࡒࡉࡀ ࡊࡅࡋ ࡖ ࡉࡀࡕࡁࡉࡀ ࡁࡎࡅࡒࡉࡀ ࡅࡌࡀࡆࡂࡃࡉࡀ ࡅࡁࡁࡉࡓࡉࡀࡕࡀ ࡖ ࡁࡔࡅࡌࡉࡀ ࡖ ࡄࡉࡉࡀ ࡅࡀࡋࡌࡀ ࡖ ࡉࡀࡕࡉࡁ ࡋࡅࡀࡓࡑࡇ (ࡏࡉ ࡀࡓࡎࡉࡀ) ࡀࡃࡅࡍࡀࡉ ࡖ ࡄࡅ ࡊࡁࡉࡔ ࡀࡓࡒࡀ ࡅࡌࡀࡎࡉࡀ ࡋࡔࡅࡌࡉࡀ ࡁࡔࡅࡌ ࡉࡀࡉࡀࡉࡀࡉࡀࡉࡀࡉࡀࡉࡀ ࡉࡀࡄࡅࡉࡀࡄࡅࡉࡀࡄࡅࡉࡀࡄࡅࡉࡀࡄࡅࡉࡀࡄࡅࡉࡀࡄࡅ ࡁࡔࡅࡌ ࡌࡀࡓࡊࡏࡉࡉࡋ ࡁࡔࡅࡌࡀࡉࡄࡅࡍ ࡖ ࡄࡀࡋࡉࡍ ࡌࡀࡋࡀࡊࡉࡀ ࡖ ࡓࡄࡀࡌࡕࡀ ࡖ ࡔࡉࡄࡀ ࡅࡔࡉࡂࡓࡀ ࡏࡋࡇ ࡀࡎࡀࡓࡉࡀ ࡅࡊࡅࡋࡄࡅࡍ ࡁࡍࡀࡕ ࡀࡍࡀࡔࡉࡀ ࡄࡀࡋࡉࡍ ࡄࡉࡍࡅࡍ ࡌࡋࡀࡊࡉࡀ ࡍࡉࡊࡉࡁࡔࡉࡍ ࡐࡋࡀࡍ ࡀࡕࡅࡕࡉࡀ ࡐࡋࡀࡍࡉࡕࡀ ࡁࡔࡅࡌࡀࡉࡄࡅࡍ ࡖ ࡄࡀࡋࡉࡍ ࡌࡋࡀࡊࡉࡀ ࡁࡔࡅࡌ (ࡌࡀࡓࡀࡕ) ࡀࡋࡀࡄࡉࡀ ࡅࡀࡍࡀࡔࡉࡀ ࡁࡔࡅࡌ ࡀࡃࡅࡍࡀࡉ ࡑࡁࡀࡁࡅࡕ ࡉࡀ ࡉࡀࡄࡅ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ
ࡁࡔࡅࡌࡀࡉࡄࡅࡍ ࡂࡓࡀࡉࡕࡉࡍࡊࡅࡍ ࡓࡀࡄࡌࡉࡏࡉࡋ ࡅࡌࡓࡀࡄࡌࡉࡏࡉࡉࡋ ࡖ ࡌࡓࡀࡄࡉࡌ ࡂࡅࡁࡓࡉࡀ ࡁࡓࡄࡀࡌࡕࡀ ࡏࡍࡔࡉࡀ ࡅࡏࡍࡔࡉࡀ ࡋࡅࡀࡕ ࡂࡅࡁࡓࡉࡀ ࡁࡓࡄࡀࡌࡕࡀ ࡅࡓࡂࡀࡂࡀ ࡅࡑࡀࡅࡕࡀ ࡖ ࡔࡓࡀࡕ ࡋࡍࡅࡓࡀ ࡗ ࡉࡀࡒࡃࡀ ࡅࡌࡄࡀࡁࡀࡁࡀ ࡄࡀࡍࡀࡕࡉࡀ ࡑࡀࡅࡕࡀ ࡅࡓࡄࡀࡌࡕࡀ ࡅࡓࡂࡀࡂࡀ ࡖ ࡔࡓࡀࡕ ࡋࡀࡉࡀࡓ ࡎࡕࡀࡍࡀ ࡀࡕࡉࡕࡉࡀ (ࡏࡕࡉࡕࡉࡀ) ࡅࡕࡉࡔࡓࡉࡀ ࡏࡋࡀࡊ ࡐࡋࡀࡍ ࡅࡐࡋࡀࡍࡉࡕࡀ ࡄࡀࡍࡀࡕࡉࡀ ࡓࡄࡀࡌࡕࡀ ࡖ ࡔࡓࡀࡕ ࡋࡀࡃࡀࡌ ࡅࡄࡀࡅࡀ ࡅࡔࡁࡀࡒࡉࡅࡍ ࡓࡄࡀࡌࡕࡀ ࡅࡓࡂࡀࡂࡀ ࡏࡋࡀࡅࡀࡉࡄࡅࡍ ࡌࡉࡕࡊࡀࡓࡊࡀࡍ ࡋࡉࡁࡅࡍ ࡁࡓࡄࡀࡌࡕࡀ ࡌࡀࡋࡁࡉࡔࡉࡀ ࡅࡓࡄࡀࡌࡕࡀ ࡌࡊࡀࡎࡉࡍ ࡔࡉࡄࡀ ࡅࡔࡉࡂࡓࡀ ࡓࡀࡌࡉࡍ ࡄࡀࡕࡅࡍࡅࡍ ࡋࡀࡃࡀࡌ ࡅࡄࡀࡅࡀ ࡅࡕࡀࡓࡌࡉࡍࡅࡍ ࡁࡓࡄࡀࡌࡕࡀ ࡌࡉࡕࡋࡀࡁࡔࡉࡍ ࡌࡍ ࡄࡃࡀࡃࡉࡀ ࡋࡀࡌࡉࡕࡐࡉࡎࡒࡉࡍ ࡀࡓࡄࡀࡌࡕࡇ ࡌࡍ ࡁࡅࡎࡌࡀ ࡋࡑࡀࡅࡕࡇ ࡅࡒࡀࡌ ࡀࡓࡄࡀࡌࡕࡀ ࡖ ࡔࡓࡀࡕ ࡋࡀࡃࡀࡌ ࡅࡄࡀࡅࡀ ࡕࡉࡔࡓࡉࡀ ࡏࡋࡀࡊ ࡃࡉࡋࡀࡊ ࡐࡋࡀࡍ ࡁࡄࡀࡍࡀࡕࡀ ࡓࡄࡀࡌࡕࡀ ࡅࡓࡂࡀࡂࡀ ࡏࡋ ࡁࡅࡎࡌࡀ ࡅࡑࡀࡅࡕࡀ ࡕࡉࡕࡋࡀࡁࡔࡅࡍ ࡅࡁࡉࡄࡃࡀ ࡋࡁࡅࡔࡀ ࡕࡉࡕࡋࡀࡁࡔࡅࡍ ࡁࡄࡃࡀࡃࡉࡀ ࡅࡋࡀࡕࡉࡐࡉࡎࡒࡅࡍ ࡌࡍ ࡄࡃࡀࡃࡉࡀ ࡅࡋࡀࡍࡉࡄࡆࡅࡍ ࡅࡍࡉࡌࡅࡕࡅࡍ ࡅࡋࡀࡍࡉࡊࡋࡅࡍ ࡅࡋࡀࡍࡉࡔࡀࡉࡕࡅࡍ ࡀࡋࡌࡀ ࡖ ࡌࡍ ࡅࡀࡒࡍࡀ ࡄࡃࡀࡃࡉࡀ ࡏࡉࡍ ࡅࡀࡌࡉࡍ ࡎࡀࡋࡀ ࡎࡀ
ࡌࡔࡀࡅࡉࡀ ࡅࡌࡉࡔࡕࡀࡅࡉࡀ ࡁࡔࡅࡌࡉࡀ ࡖ ࡌࡅࡌࡄࡀࡒ ࡌࡋࡀࡊࡉࡀ ࡗ ࡌࡔࡀࡃࡀࡓࡋࡇ ࡀࡆࡉࡋ ࡅࡌࡊࡀࡁࡉࡔࡋࡇ ࡏࡋ ࡋࡉࡁࡀ ࡅࡓࡅࡉࡀࡍࡀ ࡖ ࡐࡋࡀࡍ ࡀࡕࡅࡕࡉࡀ ࡋࡉࡂࡓࡇ ࡖ ࡐࡋࡀࡍࡉࡕࡀ ࡏࡉࡍ ࡅࡀࡌࡉࡍ ࡎࡀࡋࡀ ࡎࡀ
ࡆࡉࡌ ࡗ ࡎࡅࡎࡉࡀ ࡁࡀࡓࡁࡉࡀ ࡐࡉࡊࡕࡉࡀ ࡆࡉࡌ ࡗ ࡂࡅࡌࡋࡉࡀ ࡁࡆࡌࡀࡌࡀ ࡆࡉࡌ ࡗ ࡊࡃࡀࡍࡀ ࡁࡌࡄࡀࡒࡀ ࡆࡉࡌ ࡗ ࡊࡀࡋࡁࡀ ࡁࡎࡅࡍࡂࡀࡓࡀ ࡅࡁࡔࡅࡌࡀ ࡌࡀࡄࡁࡒࡉࡏࡉࡋ ࡖ ࡄࡏ ࡔࡀࡁࡉࡒ ࡄࡀࡅࡒࡀ ࡁࡀࡓࡒࡀ ࡖ ࡁࡀࡁࡉࡋ ࡁࡔࡅࡌ ࡃࡀࡔࡕࡉࡏࡉࡋ ࡖ ࡄࡅ ࡌࡒࡀࡓࡉࡁ ࡈࡅࡓࡉࡀ ࡁࡌࡃࡉࡍࡉࡀࡕࡀ ࡁࡔࡅࡌ ࡓࡅࡐࡉࡏࡉࡋ ࡖ ࡄࡅ ࡌࡋࡀࡊࡀ ࡁࡀࡓࡒࡀ ࡔࡀࡉࡕࡀ ࡖ ࡄࡅ ࡂࡀࡉࡉࡁ ࡐࡋࡉࡁࡇ ࡕࡉࡒࡀࡕࡀ ࡖ ࡁࡓ ࡀࡍࡀࡔࡉࡀ ࡁࡔࡅࡌ ࡍࡈࡉࡕࡀ ࡌࡋࡀࡊࡀ ࡖ ࡄࡅ ࡆࡀࡉࡉࡌ ࡂࡅࡁࡓࡉࡀ ࡋࡅࡀࡕ ࡏࡍࡔࡉࡀ ࡅࡀࡌࡀࡓ ࡐࡋࡀࡍ ࡖ ࡄࡀࡆࡉࡍࡀ ࡋࡐࡋࡀࡍࡉࡕࡀ ࡒࡅࡃࡀࡌࡀࡉ ࡃࡉࡋࡉࡀ ࡋࡅࡀࡕ ࡄࡃࡀࡃࡉࡀ ࡋࡀ ࡍࡉࡐࡎࡉࡒ ࡄࡀࡋࡉࡍ ࡌࡋࡀࡊࡉࡀ ࡁࡀ ࡖ ࡍࡉࡆࡋࡅࡍ ࡅࡍࡉࡔࡓࡅࡍ ࡅࡍࡉࡔࡁࡒࡅࡍ ࡓࡄࡀࡌࡕࡀ ࡖ ࡐࡋࡀࡍࡉࡕࡀ ࡁࡋࡉࡁࡀ ࡐࡋࡀࡍ ࡅࡊࡅࡋ (ࡅࡁࡊࡅࡋ) ࡏࡔࡅࡌࡉࡀ ࡖ ࡏࡕࡋࡉࡀ ࡍࡉࡕࡉࡀ ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡁࡓࡄࡀࡌࡕࡀ ࡖ ࡔࡉࡄࡀ ࡅࡔࡉࡂࡓࡀ ࡀࡉࡀࡊ ࡊࡀࡋࡁࡀ ࡂࡍࡅࡍࡀ ࡀࡁࡀࡕࡀࡓ ࡂࡅࡓࡉࡕࡀ ࡂࡍࡅࡍࡕࡉࡀ ࡄࡀࡉࡊࡉࡍ ࡍࡉࡔࡋࡀ ࡅࡍࡉࡔࡕࡉࡋࡇ ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡁࡔࡅࡌࡀࡉࡄࡅࡍ ࡖ ࡄࡀࡋࡉࡍ ࡌࡋࡀࡊࡉࡀ ࡖ ࡏࡎࡀࡕࡀ ࡅࡀࡓࡒࡀ ࡁࡔࡅࡌࡀࡉࡄࡅࡍ ࡌࡋࡀࡊࡉࡀ ࡖ ࡓࡄࡀࡌࡕࡀ ࡅࡑࡉࡋࡌࡀࡕࡀ ࡏࡉࡍ ࡅࡀࡌࡉࡍ ࡎࡀࡋࡀ ࡎࡀ
ࡁࡔࡅࡌࡀࡉࡄࡅࡍ ࡒࡓࡀࡉࡕࡉࡍࡊࡅࡍ ࡌࡋࡀࡊࡀ ࡖ ࡓࡄࡀࡌࡕࡀ ࡖ ࡋࡉࡁࡀࡕ ࡔࡀࡐࡉࡓࡕࡉࡀ ࡅࡋࡁࡉࡍࡀ ࡌࡀࡋࡊࡕࡀ ࡀࡍࡀࡕ ࡕࡉࡕࡉࡀ ࡅࡕࡉࡔࡀࡐࡓࡇ ࡋࡐࡋࡀࡍࡉࡕࡀ ࡁࡀࡍࡐࡉࡀ ࡐࡋࡀࡍ ࡁࡋࡉࡁࡇ ࡗ ࡑࡉࡄࡌࡀ ࡖ ࡔࡀࡌࡉࡔ ࡖ ࡑࡉࡄࡌࡀ ࡖ ࡎࡉࡓࡀ ࡅࡑࡉࡄࡌࡀ ࡖ ࡋࡉࡁࡀࡕ ࡅࡑࡉࡄࡌࡀ ࡖ ࡔࡀࡌࡉࡔ ࡁࡉࡍࡀ ࡊࡅࡊࡁࡉࡀ ࡌࡉࡕࡊࡀࡓࡊࡀ ࡁࡄࡃࡀࡃࡉࡀ ࡌࡉࡕࡓࡅࡓࡀࡁ ࡐࡋࡀࡍ ࡋࡅࡀࡕ ࡐࡋࡀࡍࡉࡕࡀ ࡗ ࡂࡉࡁࡀ ࡁࡔࡅࡌࡀࡊ ࡒࡓࡀࡉࡕࡀࡊ ࡊࡉࡅࡀࡍ ࡖ ࡍࡉࡕࡉࡀ ࡐࡋࡀࡍ ࡅࡌࡔࡀࡂࡀࡓ ࡗ ࡌࡐࡀࡈࡀࡓ ࡋࡉࡂࡉࡍࡇ ࡄࡀࡃࡉࡀ ࡓࡌࡉࡋࡇ ࡗ ࡈࡅࡄࡌࡇ ࡋࡀࡈࡌࡇ ࡍࡉࡕࡉࡀࡑ ࡕࡂࡀࡃࡀࡋ ࡓࡉࡔࡉࡀ ࡖ ࡐࡋࡀࡍ ࡋࡅࡀࡕ ࡐࡋࡀࡍࡉࡕࡀ ࡗ ࡏࡋࡀࡍࡉࡀ ࡁࡄࡃࡀࡃࡉࡀ ࡌࡉࡕࡊࡀࡓࡊࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ
ࡆࡉࡌ ࡗ ࡄࡀࡆࡉࡍ ࡐࡋࡀࡍ ࡂࡀࡁࡓࡀ ࡋࡅࡀࡕ ࡐࡋࡀࡍࡉࡕࡀ ࡆࡀࡅࡇ ࡗ ࡎࡅࡎࡉࡀ ࡁࡀࡓࡁࡉࡀ ࡐࡉࡊࡕࡉࡀ ࡆࡉࡌ ࡗ ࡂࡅࡌࡋࡉࡀ ࡁࡆࡌࡀࡌࡀ ࡆࡉࡌ ࡗ ࡕࡀࡅࡓࡀ ࡁࡍࡉࡓࡀ ࡆࡉࡌ ࡗ ࡊࡃࡀࡍࡀ ࡁࡌࡄࡀࡒࡀ ࡆࡉࡌ ࡗ ࡍࡅࡍࡉࡀ ࡁࡀࡑࡀࡑࡀ ࡅࡀࡌࡀࡓ ࡐࡋࡀࡍ ࡂࡀࡁࡓࡀ ࡄࡀࡆࡉࡋࡇ ࡖ ࡐࡋࡀࡍࡉࡕࡀ ࡏࡍࡕࡀ ࡌࡀࡕࡉࡕࡉࡋࡉࡀ (ࡌࡀࡄࡕࡉࡕ ࡏࡋࡉࡀ؟) ࡋࡐࡀࡂࡓࡉࡀ ࡏࡕࡉࡒࡓࡉࡋࡉࡀ ࡁࡓࡄࡀࡌࡕࡀ ࡃࡉࡋࡉࡀ ࡐࡋࡀࡍࡉࡕࡀ ࡌࡍ ࡋࡅࡀࡕ ࡄࡃࡀࡃࡉࡀ ࡋࡀࡍࡉࡐࡎࡉࡒ ࡀࡎࡐࡀࡓࡀ ࡅࡄࡀࡓࡅࡕࡀ ࡅࡏࡒࡀࡓࡀ ࡍࡉࡄࡅࡉࡋࡉࡀ ࡋࡐࡋࡀࡍ ࡀࡋࡀࡍࡐࡇ ࡐࡋࡀࡍࡉࡕࡀ ࡁࡉࡋ ࡁࡔࡅࡌࡇ ࡖ ࡋࡉࡁࡀࡕ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡎࡀ
ࡄࡀࡆࡉࡍ ࡔࡅࡁࡀ ࡁࡀࡁࡀࡍࡉࡀ ࡖ ࡓࡄࡀࡌࡕࡀ ࡂࡀࡁࡓࡀ ࡀࡁࡀࡕࡀࡓ ࡏࡍࡕࡀ ࡅࡏࡍࡕࡀ ࡀࡁࡀࡕࡀࡓ ࡂࡀࡁࡓࡀ ࡎࡀ
 
22. ࡁࡔࡅࡌࡀࡉࡄࡅࡍ ࡖ ࡄࡀࡋࡉࡍ ࡌࡀࡋࡀࡊࡉࡀ ࡖ ࡋࡀࡂࡈࡉࡀࡋࡇ ࡏࡋ ࡐࡋࡀࡍ ࡊࡅࡋ ࡃࡅࡊࡕࡀ ࡖ ࡀࡉࡕࡉࡀ ࡌࡀࡕࡉࡋࡇ ࡀࡆࡉࡏࡉࡋ ࡀࡁࡃࡀࡉࡉࡋ ࡅࡕࡀࡓࡒࡅࡍ ࡐࡈࡀࡅࡍࡀ ࡁࡋࡉࡁࡇ ࡍࡉࡌࡀࡓ ࡀࡆࡉࡋ ࡎࡀࡋࡀ ࡕࡀࡌ ࡕࡀࡌࡁࡉࡋ ࡄࡀࡕࡌࡉࡏࡉࡋ ࡍࡉࡓࡌࡉࡏࡉࡋ ࡀࡌࡀࡌࡉࡏࡉࡋ ࡋࡄࡀ . ࡀࡋࡀࡍࡀ ࡍࡀࡉࡍ ࡓࡎࡀ ࡅࡄࡉࡎࡀ ࡅࡄࡉࡎࡉࡀ ࡒࡌࡁࡀࡏࡉࡋ ࡅࡃࡀࡓࡃࡉࡏࡉࡋ ࡎࡀࡋࡀࡍࡀࡎࡀ ࡌࡉࡌࡓࡉࡌࡉࡏࡉࡋ ࡊࡀࡕࡌࡉࡏࡉࡋ ࡅࡎࡀࡓࡎࡀࡐࡉࡏࡉࡋ ࡅࡑࡀࡐࡓࡉࡏࡉࡋ ࡎࡀࡎࡅࡌࡀࡓ ࡃࡉࡄࡅࡌࡀ ࡃࡉࡌࡑࡀࡕ ࡄࡈࡉࡀࡅࡍࡉࡀࡊࡀ ࡋࡄࡈࡐࡌࡉࡉࡋ ࡒࡀࡄࡅ ࡄࡀࡋࡎࡓࡉࡏࡉࡋ ࡁࡀࡒࡍࡉࡏࡉࡋ ࡏࡋࡄࡀࡋࡑࡇ ࡄࡀࡋࡉࡍ ࡌࡋࡀࡊࡉࡀ ࡌࡔࡀࡄࡍࡉࡋࡇ ࡅࡌࡔࡓࡂࡅࡆࡋࡇ ࡋࡐࡋࡀࡍ ࡌࡍ ࡊࡅࡋ ࡃࡅࡊࡕࡉࡀ ࡖ ࡀࡉࡕࡉࡀ ࡌࡀࡕࡉࡋࡇ ࡋࡌࡂࡉࡍࡕࡇ ࡌࡀࡕࡉࡋࡇ ࡏࡅ ࡁࡌࡉࡀ ࡏࡅ ࡁࡈࡅࡓࡀ ࡄࡅ ࡄࡅ ࡀࡕࡉࡀ ࡅࡍࡀࡃࡀࡓ ࡁࡃࡅࡊࡕࡉࡀ ࡅࡍࡉࡔࡀࡄࡅࡍࡅࡇ ࡅࡍࡀࡉࡕࡅࡍࡇ ࡋࡁࡀࡉࡕࡇ ࡅࡀࡕࡓࡇ ࡅࡌࡀࡕࡇ ࡋࡉࡂࡉࡋ (ࡋࡉࡂࡀࡋ) ࡎࡀࡓࡄࡉࡁࡅࡍࡇ ࡌࡀࡕࡉࡋࡇ ࡀࡌࡉࡍ ࡎࡀࡋࡀ. ࡄࡀࡉ ࡌࡉࡍࡉࡋࡕࡀ ࡁࡔࡓࡀࡓࡀ ࡍࡉࡄࡅࡉࡋࡉࡀ ࡋࡐࡋࡀࡍ ࡊࡀࡄࡅࡕࡀ ࡅࡔࡓࡉࡕࡀ ࡅࡊࡀࡅࡍࡀ ࡋࡀࡄࡅࡉࡋࡇ ࡅࡊࡅࡋ ࡃࡅࡊࡕࡀ ࡖ ࡀࡉࡕࡉࡀ ࡀࡉࡕࡉࡋࡇ ࡅࡍࡉࡃࡀࡓ ࡀࡋࡀࡍࡐࡉࡀ ࡖ ࡐࡋࡀࡍࡉࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ. ࡓࡀࡆࡀ ࡊࡃࡅࡁ ࡋࡂࡀࡉࡉࡁ ࡅࡀࡕࡀ ࡀࡕࡉࡕࡉࡀ ࡓࡉࡔࡀ ࡏࡍࡕࡀ ࡅࡂࡀࡁࡓࡀ ࡀࡕࡉࡀ ࡕࡅࡌ ࡒࡁࡅࡓ ࡁࡀࡓࡁࡀ ࡏࡅࡄࡓࡀࡅࡀࡕࡀ ࡅࡀࡕࡉࡀ ࡂࡀࡁࡓࡀ ࡎࡀ
 
23. ࡏࡋࡀࡊ ࡁࡔࡅࡌࡀࡊ ࡒࡓࡀࡉࡕࡀࡊ ࡌࡋࡀࡊࡉࡀ ࡀࡌࡀࡓࡉࡀ ࡀࡓࡁࡉࡉࡋ ࡌࡋࡀࡊࡀ ࡖ ࡌࡀࡐࡒࡉࡀ ࡋࡉࡋࡁࡉࡀ ࡅࡕࡉࡓࡀࡕࡀ ࡅࡐࡋࡀࡍ ࡌࡍ ࡐࡋࡀࡍࡉࡕࡀ ࡅࡌࡍ ࡌࡀࡕࡇ ࡖ ࡀࡁࡅࡉࡀ ࡅࡏࡌࡇ ࡅࡀࡄࡉࡀ ࡅࡓࡀࡄࡌࡉࡀ ࡅࡌࡍ ࡀࡕࡓࡇ ࡄࡅ ࡌࡀࡓࡕࡉࡀ . ࡅࡒࡓࡀ ࡐࡕࡀࡄࡉࡋ ࡅࡒࡀࡋࡀ ࡖ ࡋࡉࡁࡀࡕ ࡁࡄࡉࡋࡌࡉࡀ ࡅࡕࡉࡕࡌࡀ ࡅࡒࡀࡋࡀ ࡌࡉࡈࡓࡀ ࡖ ࡁࡀࡍࡀࡍࡀ ࡅࡒࡀࡋ ࡀࡓࡉࡀ ࡖ ࡍࡀࡄࡉࡌ ࡅࡒࡀࡋ ࡄࡉࡅࡉࡀ ࡁࡄࡉࡋࡐࡉࡀ ࡅࡒࡀࡋ ࡂࡅࡄࡀ ࡁࡓࡀࡆࡉࡀ ࡅࡒࡀࡋ ࡀࡓࡉࡀ ࡖ ࡍࡀࡄࡉࡌ ࡁࡀࡁࡀࡁࡉࡀ ࡅࡒࡀࡋ ࡓࡉࡌࡀ ࡖ ࡓࡀࡉࡉࡌ ࡌࡍ ࡏࡔࡅࡌࡉࡀ ࡅࡒࡀࡋ ࡀࡓࡉࡀ ࡖ ࡁࡉࡀࡌࡀ ࡅࡒࡀࡋ ࡕࡀࡅࡓࡀ ࡖ ࡁࡂࡀࡅࡇ ࡖ ࡃࡅࡉࡕࡀ ࡅࡊࡀࡋࡁࡀ ࡖ ࡌࡍࡀࡁࡀ ࡅࡒࡀࡋ ࡔࡉࡁࡀࡁࡉࡀ (ࡔࡁࡀࡁࡉࡀ) ࡖ ࡁࡂࡀࡅࡇ ࡓࡅࡉࡕࡀ ࡅࡒࡀࡋ ࡌࡀࡕࡀ ࡖ ࡁࡀࡓ ࡀࡍࡀࡔࡉࡀ ࡅࡒࡀࡋ ࡒࡉࡓࡉࡀࡕࡀ ࡖ ࡋࡉࡁࡀࡕ ࡕࡀࡅࡌࡉࡀ ࡅࡒࡀࡋ ࡂࡅࡄࡀ ࡁࡓࡀࡆࡉࡀ ࡅࡒࡀࡋ ࡌࡉࡈࡓࡀ ࡁࡀࡍࡀࡍࡀ ࡅࡒࡀࡋ ࡄࡉࡅࡉࡀ ࡁࡄࡉࡋࡐࡀ ࡅࡒࡀࡋ ࡓࡀࡌࡀ ࡖ ࡒࡀࡉࡉࡌ (ࡓࡀࡉࡉࡌ) ࡌࡍ ࡏࡔࡅࡌࡉࡀ ࡄࡉࡍࡉࡋࡀ ࡖ ࡐࡋࡀࡍࡉࡕࡀ ࡔࡀࡌࡀࡍࡀ ࡖ ࡌࡉࡔࡕࡀࡄࡍࡀ ࡅࡐࡀࡄࡓࡀ ࡀࡁࡀࡕࡀࡓ ࡐࡋࡀࡍ ࡗ ࡄࡀࡍࡇ ࡀࡁࡀࡕࡀࡓ ࡏࡊࡀࡓࡕࡇ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ. ࡄࡀࡆࡉࡍ ࡁࡀࡁࡀ ࡊࡃࡅࡁ ࡅࡓࡅࡐ ࡁࡌࡀࡎࡀࡊ ࡏࡍࡕࡀ ࡀࡁࡀࡕࡀࡓ ࡂࡀࡁࡓࡀ ࡅࡔࡀࡓࡉࡓ ࡅࡌࡍࡀࡎࡉࡀ ࡄࡅ ࡎࡀ
 
24. ࡄࡀࡋࡉࡍ ࡔࡅࡁࡀ ࡌࡋࡀࡊࡉࡀ ࡀࡆࡉࡋࡉࡍࡅࡍ ࡅࡓࡌࡅࡍ ࡓࡄࡀࡌࡕࡀ ࡖ ࡐࡋࡀࡍࡉࡕࡀ ࡁࡋࡉࡁࡇ ࡖ ࡐࡋࡀࡍ ࡅࡊࡅࡋ ࡔࡅࡌࡄࡀࡕࡀ ࡖ ࡏࡕࡋࡉࡀ ࡅࡍࡉࡔࡕࡀࡄࡀࡍ ࡅࡍࡉࡕࡐࡀࡈࡀࡓ ࡅࡍࡉࡐࡓࡀ ࡅࡍࡉࡕࡉࡀ ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡁࡓࡄࡀࡌࡕࡀ ࡖ ࡔࡉࡄࡀ ࡅࡔࡀࡂࡓࡀ ࡀࡉࡀࡊ ࡐࡀࡄࡓࡀ ࡀࡁࡀࡕࡀࡓ ࡏࡍࡆࡉࡀ ࡅࡀࡉࡀࡊ ࡕࡀࡅࡓࡀ ࡀࡁࡀࡕࡀࡓ ࡕࡅࡓࡉࡕࡀ ࡅࡀࡉࡀࡊ ࡊࡀࡋࡁࡀ ࡂࡍࡅࡍࡀ ࡀࡁࡀࡕࡀࡓ ࡂࡅࡓࡉࡊࡕࡀ ࡂࡍࡅࡍࡕࡉࡀ ࡅࡀࡉࡀࡊ ࡍࡅࡍࡀ ࡀࡁࡀࡕࡀࡓ ࡑࡀࡉࡃࡀ ࡄࡀࡉࡊࡉࡍ ࡍࡉࡔࡀࡋ ࡅࡍࡉࡔࡕࡀࡋࡉࡀ ࡅࡍࡉࡔࡕࡀࡍ (ࡍࡉࡔࡕࡀࡄࡀࡍ) ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡁࡔࡅࡌࡀࡉࡄࡅࡍ ࡖ ࡌࡋࡀࡊࡉࡀ ࡖ ࡓࡄࡀࡌࡕࡀ ࡑࡉࡋࡌࡉࡀ ࡅࡑࡅࡓࡀࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡅࡒࡁࡅࡓ ࡁࡒࡁࡀ ࡖ ࡍࡅࡓࡀ ࡔࡂࡉࡓ ࡂࡀࡁࡓࡀ ࡀࡁࡀࡕࡀࡓ ࡏࡍࡕࡀ ࡎࡀ
 
25. ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡅࡌࡉࡕࡉࡍࡊࡅࡍ ࡀࡍࡀࡕࡅࡍ ࡔࡅࡁࡀ ࡊࡅࡊࡁࡉࡀ ࡅࡕࡓࡉࡎࡀࡓ ࡌࡀࡋࡅࡀࡔࡉࡀ ࡁࡔࡅࡌࡀࡊ ࡄࡉࡉࡀ ࡅࡄࡀࡍࡀࡍࡏࡉࡉࡋ ࡔࡀࡌࡉࡔ ࡅࡄࡀࡍࡐࡀࡉࡉࡋ ࡎࡉࡍ ࡅࡄࡀࡃࡉࡀࡉࡉࡋ ࡋࡉࡁࡀࡕ ࡅࡄࡀࡊࡉࡌࡉࡔࡉࡋ ࡏࡍࡁࡅ ࡀࡂࡉࡉࡀࡉࡉࡋ ࡊࡉࡁࡓࡉࡀࡉࡉࡋ (ࡊࡉࡅࡀࡍ؟) ࡃࡅࡔࡀࡉࡉࡋ ࡍࡉࡓࡉࡂ ࡖ ࡀࡕࡉࡀ ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡁࡔࡅࡌ ࡄࡀࡓࡆࡉࡏࡉࡉࡋ ࡖ ࡄࡅ ࡄࡅࡐࡍࡀࡉࡉࡋ ࡄࡀࡆࡉࡀࡉࡉࡋ ࡅࡌࡉࡁࡀࡒࡉࡀࡉࡉࡋ ࡅࡊࡉࡐࡉࡀࡉࡉࡋ ࡅࡄࡀࡍࡉࡀࡉࡉࡋ ࡅࡎࡉࡄࡉࡀࡉࡉࡋ ࡅࡄࡀࡆࡉࡀࡉࡉࡋ ࡄࡀࡆࡉࡍ ࡔࡅࡁࡀ ࡊࡅࡊࡁࡉࡀ ࡅࡕࡓࡉࡎࡀࡓ ࡌࡀࡋࡅࡀࡔࡉࡀ ࡆࡀࡆࡀࡀࡀࡀࡀࡀࡀࡀࡀࡀࡀࡀ ࡖ ࡍࡉࡕࡉࡀ ࡐࡋࡀࡍ ࡀࡁࡀࡕࡀࡓ ࡐࡋࡀࡍࡉࡕࡀ ࡗ ࡐࡅࡌࡀ ࡐࡕࡉࡀ ࡅࡓࡉࡓࡉࡀ ࡃࡀࡉࡉࡁ ࡔࡉࡐࡋࡇ ࡁࡏࡃࡇ ࡋࡂࡀࡈࡋࡇ ࡅࡏࡃࡇ ࡋࡓࡉࡔࡇ ࡌࡀࡕࡍࡀࡋࡇ ࡅࡀࡌࡓࡀ ࡅࡀࡉ ࡏࡋࡀࡉ ࡅࡀࡉ ࡅࡔࡀࡄࡋࡀࡍࡀ ࡅࡂࡀࡍࡉࡀࡍࡀ ࡁࡄࡁࡀࡒࡀ ࡖ ࡐࡋࡀࡍ ࡎࡀ ࡄࡀࡆࡉࡍ ࡁࡀࡁࡀ ࡊࡃࡅࡁ ࡁࡌࡂࡀࡋࡕࡀ ࡖ ࡈࡀࡁࡉࡀ ࡏࡋ (ࡏࡅ) ࡁࡌࡀࡕࡀ ࡖ ࡌࡉࡉࡀ (ࡏࡅ ࡁࡌࡂࡀࡋࡕࡀ ࡖ ࡌࡉࡀ؟) ࡅࡒࡁࡅࡓ ࡁࡐࡅࡌࡀ ࡖ ࡕࡋࡀࡕࡀ ࡌࡅࡁࡀࡅࡀࡕࡀ ࡏࡅ ࡏࡍࡕࡀ ࡀࡁࡀࡕࡀࡓ ࡂࡀࡁࡓࡀ (ࡏࡅ)ࡂࡀࡁࡓࡀ ࡀࡁࡀࡕࡀࡓ ࡏࡍࡕࡀ ࡓࡄࡌࡀࡍࡀ ࡋࡅࡀࡕ ࡄࡃࡀࡃࡉࡀ ࡋࡌࡀࡍ ࡖ ࡀࡉࡉࡕ ࡊࡃࡅࡁ ࡄࡀࡆࡉࡍ ࡁࡀࡁࡀ ࡎࡀ
 
26. ࡁࡔࡅࡌࡀ ࡉࡀࡍࡉࡀࡉࡉࡋ ࡅࡔࡀࡍࡉࡀࡉࡉࡋ ࡅࡍࡉࡀࡉࡉࡋ ࡀࡍࡀࡕࡅࡍ ࡌࡋࡀࡊࡉࡀ ࡓࡀࡄࡉࡒࡉࡅࡍ ࡎࡉࡍࡉࡅࡕࡀ ࡅࡕࡓࡅࡑ ࡀࡓࡄࡀࡌࡕࡀ ࡄࡉࡆࡃࡀ ࡅࡔࡅࡐࡓࡀ ࡅࡔࡀࡉࡉࡀ ࡅࡏࡒࡀࡓࡀ ࡋࡃࡉࡋࡉࡀ ࡐࡋࡀࡍ ࡅࡊࡁࡅࡔࡉࡅࡍ ࡌࡉࡍࡀࡉ ࡔࡅࡋࡕࡀࡍࡉࡀ ࡅࡓࡅࡓࡁࡉࡀ ࡅࡃࡉࡓࡃࡒࡉࡀ ࡏࡍࡔࡉࡀ ࡅࡂࡅࡁࡓࡉࡀ ࡌࡉࡍࡀࡉ ࡃࡉࡋࡉࡀ ࡐࡋࡀࡍ ࡀࡌࡉࡍ ࡀࡌࡉࡍ ࡎࡀࡋࡀ ࡁࡔࡅࡌࡀࡉࡄࡅࡍ ࡖ ࡄࡉࡉࡀ ࡓࡁࡉࡀ ࡀࡍࡐࡉࡀ ࡔࡀࡐࡉࡓࡉࡀ ࡅࡐࡀࡓࡑࡅࡐࡀ ࡓࡀࡅࡆࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡐࡋࡀࡍ ࡁࡀࡍࡐࡉࡀ ࡐࡋࡀࡍ ࡓࡁࡉࡕ ࡌࡍ ࡂࡉࡋࡉࡀ ࡄࡅࡉࡋࡉࡀ ࡗ ࡍࡀࡋࡀ ࡄࡀࡅࡉࡋࡇ ࡗ ࡁࡓ ࡒࡀࡋࡇ ࡌࡉࡒࡓࡉࡋࡇ ࡅࡍࡉࡍࡄࡀࡓ ࡅࡍࡉࡔࡕࡀࡂࡀࡓ ࡐࡋࡀࡍ ࡀࡁࡀࡕࡀࡓ ࡐࡋࡀࡍ ࡀࡊࡅࡀࡕ ࡔࡅࡍࡀࡓࡀ ࡅࡐࡀࡒࡀࡓࡀ ࡅࡍࡉࡔࡕࡀࡄࡀࡍ ࡅࡍࡉࡔࡕࡀࡂࡀࡓ ࡅࡍࡉࡕࡋࡇ ࡐࡋࡀࡍ ࡀࡁࡀࡕࡀࡓ ࡐࡋࡀࡍ ࡂࡀࡁࡓࡀ ࡁࡔࡅࡌ ࡋࡉࡁࡀࡕ ࡌࡀࡓࡀࡕ ࡀࡋࡀࡄࡉࡀ ࡅࡀࡍࡀࡔࡉࡀ ࡀࡍࡐࡉࡀ ࡔࡀࡐࡉࡓࡉࡀ ࡅࡍࡉࡔࡐࡅࡓ ࡅࡍࡉࡕࡓࡀࡄࡉࡌ ࡐࡋࡀࡍ ࡁࡀࡍࡐࡉࡀ ࡐࡋࡀࡍ ࡀࡌࡉࡍ ࡀࡌࡉࡍ ࡎࡀࡋࡀ ࡁࡔࡅࡌࡀࡉࡄࡅࡍ ࡖ ࡁࡉࡉࡀ ࡓࡁࡉࡀ ࡅࡁࡔࡅࡌࡀࡉࡄࡅࡍ ࡖ ࡔࡅࡁࡀ ࡌࡋࡀࡊࡉࡀ ࡖ ࡓࡄࡀࡌࡕࡀ ࡒࡀࡃࡉࡔࡉࡉࡀࡋ ࡌࡋࡀࡊࡀ ࡅࡔࡅࡌࡀࡉࡄࡅࡍ ࡌࡋࡀࡊࡉࡀ ࡅࡔࡅࡌࡀ ࡀࡍࡀࡕࡅࡍ ࡀࡆࡉࡋࡉࡅࡍ ࡅࡏࡕࡉࡁࡋࡇ ࡏࡋ ࡐࡋࡀࡍ ࡍࡉࡎࡁࡅࡉࡇ ࡋࡌࡉࡊࡋࡉࡀ ࡅࡌࡀࡔࡒࡉࡕࡇ ࡌࡉࡍࡇ ࡅࡍࡉࡎࡁࡅࡉࡇ ࡋࡈࡀࡌࡇ ࡅࡀࡕࡉࡀ (ࡐࡋࡀࡍ) ࡀࡁࡀࡕࡀࡓ ࡃࡉࡋࡉࡀ ࡐࡋࡀࡍ ࡗ ࡔࡋࡉࡀ ࡋࡁࡅࡈࡇ ࡁࡒࡓࡀࡅࡌࡉࡀ ࡁࡔࡅࡌࡀࡉࡊࡅࡍ ࡔࡅࡁࡀ ࡅࡕࡓࡉࡎࡀࡓ ࡌࡋࡀࡊࡉࡀ ࡔࡀࡌࡉࡔ ࡅࡎࡉࡓࡀ ࡅࡌࡀࡉࡍࡀࡋࡀࡊ (ࡌࡀࡅࡌࡉࡍࡀࡋࡀࡊ) ࡁࡔࡅࡌࡀࡊ ࡋࡉࡔࡀࡉࡄࡇ ࡔࡀࡃࡀࡓࡋࡀࡊ ࡏࡋࡀࡊ ࡀࡍࡀࡕࡅࡍ (ࡀࡍࡀࡕ؟) ࡔࡀࡒࡓࡉࡏࡉࡋ ࡄࡀࡅࡌࡀࡊ ࡋࡉࡀࡒࡃࡀࡍࡀ ࡖ ࡐࡋࡀࡍ ࡍࡀࡃࡉࡌࡉࡀ ࡐࡋࡀࡍ ࡁࡀࡍࡐࡉࡀ ࡐࡋࡀࡍ ࡗ ࡎࡉࡓࡀ ࡀࡍࡀࡕࡅࡍ ࡕࡓࡉࡎࡀࡓ ࡌࡋࡀࡊࡉࡀ ࡁࡋࡉࡋࡉࡀ ࡅࡏࡅࡌࡀࡌࡀ ࡉࡀࡍࡃࡉࡕ ࡊࡁࡉࡁࡉࡀ ࡀࡁࡅࡉࡀ ࡁࡀࡉࡍࡀࡊ ࡗ ࡄࡀࡌࡀ ࡅࡀࡄࡀࡍࡀ ࡀࡉࡍࡇ ࡅࡍࡉࡕࡋࡉࡀ ࡐࡋࡀࡍ ࡀࡁࡀࡕࡀࡓ ࡐࡋࡀࡍ ࡁࡓࡄࡀࡌࡕࡀ ࡋࡁࡉࡄࡓࡉࡀ ࡅ ࡉࡀࡄࡀ ࡎࡀ ࡄࡀࡆࡉࡍ ࡕࡋࡀࡕࡀ ࡁࡀࡁࡉࡀ ࡊࡃࡅࡁ ࡅࡋࡂࡅࡈ ࡏࡋࡀࡊ ࡂࡀࡁࡓࡀ ࡀࡁࡀࡕࡀࡓ ࡂࡀࡁࡓࡀ ࡎࡀ
 
27. ࡁࡔࡅࡌࡀࡉࡄࡅࡍ ࡖ ࡌࡋࡀࡊࡉࡀ ࡏࡐࡉࡊࡉࡀ ࡀࡍࡐࡉࡀ ࡏࡐࡉࡊࡀ ࡍࡉࡄࡅࡉࡋࡇ ࡋࡐࡋࡀࡍࡉࡕࡀ ࡌࡍ ࡐࡋࡀࡍ ࡏࡐࡉࡊ ࡏࡐࡉࡊ ࡏࡐࡉࡊ ࡏࡐࡉࡊ ࡏࡐࡉࡊ ࡏࡐࡉࡊ ࡏࡐࡉࡊ ࡁࡉࡋ ࡌࡍ ࡁࡀࡁࡉࡋ ࡏࡐࡉࡊ ࡏࡍࡁࡅ ࡌࡍ ࡁࡅࡓࡑࡉࡐࡐࡉ ࡏࡐࡉࡊ ࡍࡉࡔࡓࡀ ࡌࡍ ࡊࡀࡔࡊࡀࡓ ࡏࡐࡉࡊ ࡋࡉࡁࡀ ࡅࡓࡅࡉࡀࡍࡀ ࡖ ࡐࡋࡀࡍ ࡌࡍ ࡋࡉࡁࡀ ࡅࡓࡅࡉࡀࡍࡀ ࡖ ࡐࡋࡀࡍࡉࡕࡀ ࡀࡍࡐࡉࡀ ࡀࡍࡐࡉࡀ ࡖ ࡀࡓࡉࡀ ࡂࡉࡔࡅࡌࡇ ࡖ ࡔࡅࡍࡀࡓࡀ ࡊࡀࡓࡕࡅࡌࡇ ࡖ ࡄࡉࡆࡅࡓࡀ ࡊࡓࡀࡉࡉࡀ ࡖ ࡁࡀࡄࡉࡌࡀ ࡅࡌࡀࡍࡆࡉࡀ ࡖ ࡋࡉࡋࡉࡕࡀ ࡕࡉࡎࡓࡉࡇ ࡅࡕࡉࡈࡀࡓࡈࡋࡇ ࡐࡋࡀࡍ ࡗ ࡄࡀࡎࡐࡀ ࡖ ࡂࡀࡓࡀࡉࡀ ࡅࡀࡁࡉࡄࡃࡇ ࡋࡀࡕࡉࡊࡅࡋ ࡅࡀࡁࡉࡄࡃࡇ ࡋࡀࡕࡉࡔࡕࡉࡀ ࡅࡀࡁࡉࡄࡃࡇ ࡋࡀࡕࡉࡕࡀࡁ ࡅࡋࡅࡀࡕࡇ ࡋࡀࡍࡉࡒࡓࡅࡁ ࡁࡔࡅࡌ ࡋࡉࡁࡀࡕ ࡏࡎࡕࡓࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡊࡃࡅࡁ ࡄࡀࡆࡉࡍ ࡁࡀࡁࡀ ࡋࡁࡀࡉࡀ ࡖ ࡆࡀࡂࡀࡕࡀ ࡐࡕ ࡉࡅࡌࡀ ࡒࡁࡅࡓ ࡁࡁࡀࡁࡀ ࡖ ࡌࡀࡍ ࡁࡀࡉࡉࡕ ࡍࡀࡐࡀࡒ (ࡍࡀࡐࡀࡒࡇ) ࡌࡍ ࡁࡀࡉࡕࡇ ࡋࡊࡅࡋ ࡌࡀࡍ ࡖ ࡁࡀࡉࡉࡕ ࡅࡔࡀࡓࡉࡓ ࡅࡌࡍࡀࡎࡉࡀ ࡎࡀ
 
28. ࡏࡐࡉࡊ ࡁࡉࡋ ࡌࡍ ࡁࡀࡁࡉࡋ ࡅࡍࡉࡓࡉࡂ ࡌࡍ ࡐࡀࡓࡑࡅࡐࡀ (ࡁࡅࡓࡑࡉࡐࡀ) ࡅࡊࡉࡁࡀࡍ (ࡊࡉࡅࡀࡍ) ࡌࡍ ࡍࡄࡅࡓࡀ ࡅࡏࡍࡁࡅ ࡌࡍ ࡀࡁࡀ ࡀࡓࡁࡀࡉࡀ ࡅࡔࡀࡌࡉࡔ ࡌࡍ ࡁࡉࡕ ࡐࡀࡓࡑࡀࡉࡉࡀ ࡅࡋࡀࡉࡅࡀࡕ (ࡋࡉࡁࡀࡕ) ࡌࡍ ࡄࡉࡍࡃࡅࡀࡉࡉࡀ ࡅࡋࡀࡍࡀࡔࡉࡀ ࡁࡉࡔࡉࡀ ࡒࡉࡓࡀ ࡏࡎࡉࡓࡋࡇ ࡁࡄࡀࡋࡑࡇ ࡐࡋࡀࡍ ࡗ ࡄࡀࡆࡉࡋࡇ ࡋࡐࡋࡀࡍࡉࡕࡀ ࡍࡉࡌࡀࡓ ࡀࡐࡒࡅࡉࡇ ࡌࡍ ࡒࡅࡃࡀࡌࡀࡉ ࡋࡀࡍࡉࡕࡀࡁ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ ࡒࡓࡉࡀ ࡏࡋ ࡒࡉࡓࡀ ࡔࡅࡁࡀ ࡆࡉࡁࡍࡉࡀ ࡅࡔࡉࡐࡋࡇ ࡁࡁࡀࡁࡀ ࡖ ࡂࡀࡁࡓࡀ (ࡅࡂࡀࡁࡓࡀ) ࡅࡏࡍࡕࡀ ࡄࡀࡅࡉࡍ ࡏࡐࡉࡊ ࡌࡍ ࡄࡃࡀࡃࡉࡀ ࡌࡍ ࡄࡀࡉࡋࡀ ࡖ ࡌࡀࡓࡀࡉࡀࡍ ࡄࡀࡅࡉࡀ ࡓࡅࡀࡄࡀ ࡅࡀࡎࡅࡕࡀ ࡎࡀ
 
29. ࡀࡐࡓࡉࡏࡉࡋ ࡅࡎࡀࡃࡓࡏࡉࡋ ࡒࡀࡃࡓࡉࡏࡉࡋ ࡃࡅࡊࡓࡀࡁࡏࡉࡋ ࡃࡅࡐࡉࡏࡉࡋ ࡄࡓࡏࡉࡋ ࡅࡁࡅࡋࡆࡉࡏࡉࡋ ࡄࡀࡆࡉࡍ ࡔࡅࡁࡀ ࡌࡋࡀࡊࡉࡀ ࡒࡃࡅࡉࡀ ࡋࡏࡅࡑࡓࡉࡀ ࡅࡋࡓࡅࡉࡀࡍࡀ ࡅࡍࡉࡌࡅࡎࡀ ࡅࡋࡔࡉࡓࡉࡔ ࡐࡋࡀࡍ ࡌࡍ ࡐࡋࡀࡍࡉࡕࡀ ࡀࡌࡉࡍ ࡀࡌࡉࡍ ࡎࡀࡋࡀ ࡎࡀ ࡄࡀࡆࡉࡍ ࡁࡀࡁࡀ

تبلیغات

آخرین ارسال ها

آخرین جستجو ها